चांदणधुळ | मिसळपाव

चांदणधुळ माळुनी केसात आजही तू तशीच दिसतेस सोडुनी आलो कळीला तरीही टवटवीत भासतेस ! उल्कापाताचे खडे आजही जपलेत कालचे कृष्णमेघ रूपेरी जाहलेत तशीच ओढ अजुनी आहे बरसण्याची शिशिरगोठल्या ओठी स्मित टेकविण्याची ! काळात हरवलेली सय पुनश्च मिलनाचे भय जाळीदार पिंपळपानापरी हृदयी कोरले पुन्हा आठवणींचे पुस्तक जोडले ! वळुनी जातानाची नजर हृदयी बंद आहे अत्तरकुपीपरी युगे लोटली अनेक साहवासाची उर्मी साठवली उरी ! फिरुनी आलीस तू सामोरी मनाची जाहाली भिंगरी देऊनी गेलीस बगल हलकेच पुन्हा तीच उरी शिरशिरी ! विजयकुमार................. 01 / 01 / 2009

लेखनविषय:	कविता

वाचने 4513

प्रतिक्रिया 32

प्रतिक्रिया

वाचताना लय नाही सापडत पण..

अभ्या.. मंगळवार, 15/12/2015 11:25

वाचताना लय नाही सापडत पण.. कवितेतली वेदना जाणवतेय. लिहित राहा खंडेराया

सुरेख रचना. शब्दांमधून

सस्नेह मंगळवार, 15/12/2015 11:55

सुरेख रचना. शब्दांमधून अंतरीची रुखरुख, सल पोचला आहे.

मस्तच

कविता१९७८ मंगळवार, 15/12/2015 12:52

मस्तच

फिरुनी आलीस तू

कहर मंगळवार, 15/12/2015 14:21

फिरुनी आलीस तू सामोरी मनाची जाहाली भिंगरी मस्तच उपमा उपमेय उपमान यमक शब्द्छंद नादब्रम्ह अलंकार वृत्त साऱ्या परीमानांना पुरून उरलेली रचना … मला वाटते पण "देऊनी गेलीस बगल" पेक्षा "मारून गेलीस बगल" जास्त छान वाटले असते …

प्रतीसादाबद्दल धन्यवाद

पालीचा खंडोबा १ मंगळवार, 15/12/2015 15:56

प्रतीसादाबद्दल धन्यवाद आहो तो प्रौढ वयातील प्रियकर असे कसे म्हणेल मरून गेलीस वगैरे, कारण नकळत बगल देतात म्हजे अचानक सोडून गेली किंवा जाणे बगल देतात मारत नाहीत

बॉस खास तुमच्यासाठी तुमच्याच

कहर बुधवार, 16/12/2015 15:14

बॉस खास तुमच्यासाठी तुमच्याच शैलीत आमच्याकडून दोन ओळी चहाच्या गाळणीतून जेव्हा चांदण्या गाळल्या तेव्हा वाळूतून तेल निघाल्याप्रमाणे उस्फुर्तलास रे खंडेराया बाळंतीण अधाशासारखी निहारात होती दर्पण आणि दूर क्षितिजावर समुद्र लाटांच्या डिजे वर वाजवत होता … बानुबया बानुबया

मस्तच वा वा

पालीचा खंडोबा १ बुधवार, 16/12/2015 16:07

मस्तच वा वा

आणि दूर क्षितिजावर समुद्र

जव्हेरगंज बुधवार, 16/12/2015 16:25

आणि दूर क्षितिजावर समुद्र लाटांच्या डिजे वर वाजवत होता … बानुबया बानुबया

=)) =)) =)) =))

चांदणे संदीप बुधवार, 16/12/2015 21:30

लाटांच्या डिजे वर वाजवत होता … बानुबया बानुबया

=)) =)) =)) =))=)) =)) =)) =))

सहीच....

शार्दुल_हातोळकर मंगळवार, 15/12/2015 23:22

अतोनात ताकद आहे या शब्दांमध्ये.... छानच आहे कविता... उल्कापाताचे खडे आजही जपलेत कालचे कृष्णमेघ रूपेरी जाहलेत तशीच ओढ अजुनी आहे बरसण्याची शिशिरगोठल्या ओठी स्मित टेकविण्याची !