Skip to main content

जास्त नाही..

लेखक रातराणी यांनी बुधवार, 18/11/2015 08:17 या दिवशी प्रकाशित केले.

बहरलेल्या ताटव्या, एक कळी उमलू दे
जास्त नाही.. अस्तित्वाला थोडा तुझा बहर दे.

धगधगणार्या विस्तवा, एक निखारा फुलु दे
जास्त नाही.. प्रेमाला थोडी तुझी धग दे.

शहारलेल्या रात्री, एक प्रहर ढळू दे
जास्त नाही.. स्पर्शाला थोडा तुझा शहारा दे.

रंगलेल्या आभाळा, एक छटा खुलू दे
जास्त नाही.. आयुष्याला थोडा तुझा रंग दे.

तेजाळलेल्या पहाटे, एक किरण उधळू दे
जास्त नाही.. मृत्युला थोडे तुझे तेज दे.

लेखनविषय:
वाचने 5690
प्रतिक्रिया 33

प्रतिक्रिया

ज्ञानोबाचे पैजार बुधवार, 18/11/2015 11:13

उघडलेल्या बाटल्या, एक लार्ज होऊ दे
जास्त नाही.. चखण्याला थोडा शेंगदाणा दे.

फसफसणार्‍या सोडुल्याची, वरुन धार येऊ दे
जास्त नाही..चावी साठी कापलेले लिंबू दे.

झिंगलेल्या रात्रीसाठी, एक खंबा ढोसू दे
जास्त नाही.. किक पुरता गोल्ड फ्लेक चा कश दे.

सुवर्णरंगी द्रव्याची, हरेक छटा खुलू दे
जास्त नाही.. थोडासा चीजटोस्ट तरी खाऊ दे.

रंगलेल्या रात्रीची, सकाळ दुपारी होऊ दे
जास्त नाही.. पण न विसरता वेटरला टिप दे.

पैजारबुवा,

ज्ञानोबाचे पैजार बुधवार, 18/11/2015 12:56

मुळ कविता अतिशय आवडली हे सांगायचे राहिलेच.

पैजारबुवा

रातराणी बुधवार, 18/11/2015 13:07

बस का पैजारबुवा. अब रुलायेंगे क्या बच्चीको?
भावना पोचल्या तुमची प्रतिक्रिया पाहूनच :)

सागरकदम बुधवार, 18/11/2015 14:36

सपक आणि पांचट विडंबन झालेय
बहरलेल्या धाग्या , एक प्रतिसाद उमलू दे
जास्त नाही.. वाचनाला थोडा तुझा बहर दे.

धगधगणार्या कंपूबाजी , एक ही आणि हि फुलु दे
जास्त नाही.. भांडणाला थोडी तुझी धग दे.

शहारलेल्या खरडवहीत , एक व्यनि पडू दे
जास्त नाही.. धाग्याला थोडा तुझा सहारा दे.

रंगलेल्या भेटीस , एक चर्चा खुलू दे
जास्त नाही.. FONT थोडा तुझा color दे.

फेसाळलेल्य रात्री , एक शतकीधागा उधळू दे
जास्त नाही.. आयडीला थोडे तुझे तेज दे.

रातराणी बुधवार, 18/11/2015 20:42

नोप. नाय जमल ;)
कंपूद्वेषाला अजून धार येण्यासाठी क्योंकी जुना आयडी कभी णवसदस्य था आणि अवघीची ही कंपूगिरी या मालिका रोज न चुकता पहा असा सल्ला देते.

टवाळ कार्टा गुरुवार, 19/11/2015 20:33

अर्र्र्र्र्र्र...अस्स एक्दम नै फुटवायचे...आधी तु त्याच्याशी भांडशील...मग तो तुला तो आव्डायची वाट बघत बस्णार...सुप्प पौव्वर है त्याची ती =))

मला ठिक वाट्ले रे विडंबन :)

रातराणी बुधवार, 18/11/2015 12:12

धन्यवाद सर्वांचे!
एक शंका आहे शेवटच्या कडव्यात उधळू दे च्याऐवजी उजळू दे योग्य वाटेल ना?
तेजाळलेल्या पहाटे,एक किरण उजळू दे असं?

बॅटमॅन बुधवार, 18/11/2015 12:23

नाही. पहाट अगोदरच तेजाळलीय तर किरण उजळू दे असे म्हणण्याची गरज काय? त्याऐवजी जे तेज आहे त्यातला एक अंश इकडे उधळून दे हे जास्ती योग्य आहे.

रातराणी बुधवार, 18/11/2015 12:43

धन्यवाद! उधळू दे म्हणताना मुक्त कर असाच आशय अभिप्रेत होता. पण कन्फुज्न झालं नंतर.