१. पुलाच्या पलीकडे एक जमात राहते रानटी आहे असे ऐकून आहे फ़क्त मी कधी पूल ओलांडला नाही पुलाच्या अलीकडे माझी जमात राहते सुसंस्कृत म्हणवते पूल न ओलांडणे हीच आमची संस्कृती आहे २. पुलापलीकडे राहते एक विचित्र जमात दुर्बीण लावून बघतात असे डोकावून पाहणे म्हणजे शुद्ध असंस्कृतपणा! पुलाअलीकडे आम्ही राहतो आमच्या घरांना नसतात भिंती,खिडक्या आणि दारं. पारदर्शक व्यवहार असणे हीच आमची संस्कृती ३. एका पावसाळ्यात नदीला पूर आला पूल वाहून गेला गावे बुडाली. अलीकडचे-पलीकडचे दोघेही झाले आता असंस्कृत!