Skip to main content

माळी पुनेव

लेखक ऊध्दव गावंडे यांनी सोमवार, 26/10/2015 22:44 या दिवशी प्रकाशित केले.
माळी पुनेव! माळी पुनेवचा चंद्र जशी पन्हावली गाय धारा लागल्या दुधाच्या भिजते धरनी माय चांदन्याचं वावरातं डोले पीक हिर्वं गारं पाना पानाऊनं झरे गोळं अमृताची धारं कन्सा कन्सा वरं झाली चांदन्याची आबादानी कन्सातला दाना कसा हासे तान्ह्या पोरा वानी नयतुर्न्या पोरी वानी चंद्र हरखूनं जाये वायत्या पान्यातं नदीच्या रूपं निरखूनं पाये धुंद झाली चांदन्यानं मैना फूगळी धरते धरनीच्या मळक्यातं रई गर्गरं फिरते
लेखनविषय:
वाचने 5176
प्रतिक्रिया 26

प्रतिक्रिया

अभ्या.. सोमवार, 26/10/2015 23:16
अहाहाहा. अप्रतिम
धरनीच्या मळक्यातं रई गर्गरं फिरतेधरनीच्या मळक्यातं रई गर्गरं फिरते
काय ती शब्दकळा. जणू नजर लागल अशी कलदार. उध्दवराव. माय सरसोती प्रसन्न हाये तुमच्यावर बर्का.

अत्रुप्त आत्मा सोमवार, 26/10/2015 23:28
कन्सा कन्सा वरं झाली चांदन्याची आबादानी कन्सातला दाना कसा हासे तान्ह्या पोरा वानी
केवळ अप्रतिम रुपक

चांदणे संदीप सोमवार, 26/10/2015 23:30
खूपच छान लिहिली आहे! आवडली! अवांतर : (खरं तर नको इतक्या छान कवितेत...पण आठवल आहे तर...) पुलंची ती पाहुण्यांना 'ळ' चा 'ड' करून 'फडे' खायला सांगणा-या मुलाची कथा आठवली!

दमामि मंगळवार, 27/10/2015 06:29
वा!

ऊध्दव गावंडे मंगळवार, 27/10/2015 06:47
धन्यवाद मित्रांनो!

चाणक्य मंगळवार, 27/10/2015 07:25
एकदम लयीत आहे. कुठली भाषा आहे ही? अहिराणी? (अज्ञानाबद्दल क्षमस्व)

प्रचेतस मंगळवार, 27/10/2015 22:43
वर्हाडी भाषा म्हटले की गोनीदांची 'पूर्णामायची लेकरं' डोळ्यांसमोर येते. अफाट सुंदर आन तितकीच गोड भाषा.

बोका-ए-आझम मंगळवार, 27/10/2015 07:42
माळी पुनेवचा चंद्र जशी पन्हावली गाय धारा लागल्या दुधाच्या भिजते धरनी माय
आणि
नयतुर्न्या पोरी वानी चंद्र हरखूनं जाये वायत्या पान्यातं नदीच्या रूपं निरखूनं पाये
हे तर अफलातून!

नाखु मंगळवार, 27/10/2015 10:33
कन्सा कन्सा वरं झाली चांदन्याची आबादानी कन्सातला दाना कसा हासे तान्ह्या पोरा वानी
आबादानी लई दिसानी भेटला हा शब्द!! साक्षात दंडवत शब्दकळेसाठी....... नकाश्यातच गाव शिल्लक असलेला नाखुस कांक्रीट जंगलवाला

राही मंगळवार, 27/10/2015 19:09
बहिणाबाई चौधरींच्या 'धरित्रीच्या कुशीमध्ये बींयबियाणी निजली' ची आठवण झाली. 'टाया वाजविती पानं, दंग देवाच्या भजनी जशी करती करोना, होऊ दे रे आबादानी' कविता आवडली.

ऊध्दव गावंडे बुधवार, 28/10/2015 23:09
सकारात्मक प्रतिसाद म्हणजे नवनिर्मिती ला प्रोत्साहन (अर्थात मुळात निर्मितीचा दर्जा ऊत्तम असेल तर ) thanks