झहीरसारख्या टॉप क्लास बॉलरच्या निवृत्तीला शोभेलसा हा टॉप क्लास लेख!!!

भारतीय क्रिकेटमध्ये दीर्घकाळ योगदान देणारे वेगवान गोलंदाज तसे हाताच्या बोटांवर मोजता येतील इतके. त्यामध्ये झहीरचे नाव आवर्जून राहील.

गोलंदाज म्हणून झहीर दर्जेदार होताच पण काही वेळा बॅटनेही त्याने कामगिरी बजावली आहे. बहुधा २००१ साली भारतातल्या एकदिवसीय सामन्यात त्याचे सलग चार षटकार अजुनही चांगले लक्षात आहेत. प्रतिस्पर्धी संघ आठवत नाही. कदाचित झिम्बाब्वे किंवा न्युझीलंड असावा.

या लेखात तुम्ही झहीरच्या करियरचा उत्तम आढावा घेतला आहे. क्लिप्सचे दुवे निवांतपणे बघतो.
समायोचित लेखाकरिता धन्यवाद.

मस्त लेख.
झहीरची भन्नाट बोलिंग ऍक्शन अजूनही आठवतेय. आणि त्याने हेन्री ओलोंगाला मारलेले एकाच ओवरमधले चार सिक्स!!

वाखूसा.

भन्नाट लेख! झहीर आपला आवडता बाॅलर..

झहीरसारखाच वेगवान लेख आवडला!

झहीरला निवृत्तीनंतरच्या आयुष्यासाठी खूप शुभेच्छा!!
Sandy

२०११ च्या विश्वचषक अंतिम फेरीतला झहीरचा पहिला स्पेल अविस्मरणीय होता. तसंच मला आठवतोय तो इंग्लंडविरुद्ध टाय झालेल्या सामन्यात त्याने स्ट्राउस आणि बेल ही जम बसलेली आणि शतकी भागीदारी केलेली जोडी फोडली आणि भारताला सामना जिंकायची आशा वाटायला लागली.

उत्कृष्ट लेख.

सुंदर लेख. जहीर खान आवडता बॉलर होता.

झहीरच्या क्रिकेट कारकीर्दीचे सिंहावलोकनच केलेत!

खूप छान आणि वाईट वाटलं वाचून. झहीर विल बी मिस्ड. नक्कीच; नेहमीच.
रादर; क्रिकेटच गेल्या दशकासारखं राहिलेलं नाही आता. त्यामुळे 'दॅट' क्रिकेट विल बी मिस्ड ऑलटूगेदर.

बाकी तुमचे क्रिकेटवरचे लेख येत राहूदेत... सॉलिड लिहिता.

मस्त लेख. झहीरला शुभेच्छा.

झहीरला शुभेच्छा.
बंगलुरूचा एक मस्त विडेओ :)
https://www.youtube.com/watch?v=E3VKtLRyooo

जहीर चांगला बॉलर होता याबद्दल दुमत नाहीये पण २००३ च्या विश्वचषक स्पर्धेतल्या अंतिम सामन्यात रडवले होते राव त्याने. रच्याकने त्याची उडी व हरभजनची विचित्र ॲक्शन सुरूवातीला बरीच चर्चेत असायची..

झहीर रणजी खेळायचा तेव्हा पासुनच तो माझा आवडता बॉलर. मुळचा श्रीरामपुरचा असलेला झहीर मुंबई कडुन अंडर १९ खेळायचा आणि बडोद्या कडुन रणजी.

९२ कसोटी सामन्यांमध्ये ३११ विकेट आणि २०० एकदिवसीय सामन्यांमधे २८२ विकेट घेणारा झहीर नेहमीचा स्मरणात राहील.

त्याला २०११ साली अर्जुन पुरस्काराने सन्मानित करण्यात आले होते.

पैजारबुवा,

मस्त लेख. आवडला.

भारतात फास्ट बॉलर तयार होने आणि त्याने सातत्याने चांगली कामगिरी करुन दाखविणे कठीणच. झहीरने ते करुन दाखविले. दुर्दैवाने 'Unsung hero' 'He bowled extremely well today but not lucky' ही वाक्ये झहीरच्या बाबतीत नेहमीच ऐकायला आली. भारतीय खेळपट्ट्या, आपले क्षेत्ररक्षण अशी बरीच कारणे होती.
२०११ च्या वर्ल्ड कपचा हिरो जसा युवराज होता तसाच झहीर खान. उपांत्यपूर्व सामना, भारत वि. ऑस्ट्रेलिया. सुरवातीच्या पडझडीनंतरही नेहमीप्रमाणे ऑस्ट्रेलिया सावरली आणि झहीर आला. त्याने बराच वेळ खेळपट्टीवर असनाऱ्या पाँटींगची विकेट काढली, ऑस्ट्रेलीया मोठी धावस्ंख्या उभारु शकला नाही. बऱ्याचदा झहीरला विकेट पण मिळत नसे पण त्याची दोन तीन ओव्हर्स समोरच्याची लय बिघडवायला पुरेसे असत.
आज काय परिस्थिती आहे बघा. पस्तीस ओव्हर झाल्या की आपण मोजायला लागतो आश्विनची फक्त दोन ओव्हर्स राहीली बाकीची फास्ट बॉलर्स म्हणजे काही खरे नाही. झहीरला खरेच मिस करतोय. आज परत जाणवते २००० ते २०११ या काळात झहीर काय चीज होता ते.

सुंदर लेख!

२०११ च्या विश्वचषक स्पर्धेत झहीर म्हणजे भारताचे ब्रह्मास्त्र होता. भारताच्या ३३८ धावांचा पाठलाग करताना इंग्लंडने सामना जवळपास खेचून आणला होता. परंतु झहीरने दुसर्‍या टप्प्यात गोलंदाजीला आल्यावर रिव्हर्स स्विंग व यॉर्करचा वापर करून २ षटकात ३ गडी बाद करून एकदम रंग पालटून टाकला होता.

झहीरचे २००० मधील पदार्पणही सनसनाटी होते. चँपियन्स ट्रॉफीचा भारताचा पहिला सामना केनयाविरूद्ध होता. त्यात झहीर व युवराज या दोन नवोदीत खेळाडूंनी पदार्पण केले होते. दुसरा सामना स्टीव्ह वॉ च्या बलाढ्य ऑस्ट्रेलिया संघाविरूद्ध होता. भारताची प्रथम फलंदाजी होती. युवराजने फलंदाजीला आल्यावर केवळ दुसर्‍याच चेंडूवर स्क्वेअरलेग मधून चौकार मारून धडाक्यात सुरूवात केली व नंतर केवळ ८० चेंडूत ८४ धावा केल्या होत्या. नंतर झहीरने जबरदस्त आक्रमक गोलंदाजी करून स्टीव्ह वॉ चा त्रिफळा उडविला होता. "भारताचे नवोदीत खेळाडू इतके आक्रमक असतील याची आम्हाला कल्पना नव्हती" असे तो सामना भारताने जिंकल्यावर स्टिव्ह वॉ म्हणाला होता.

आक्रमक देहबोली, प्रभावी रिव्हर्स स्विंग आणि जबरदस्त यॉर्कर ही झहीरची प्रमुख अस्त्रे. दुर्दैवाने २०११ नंतर दुखापतीमुळे त्याच्या कारकीर्दीला ग्रहण लागले. या महान खेळाडूच्या कारकीर्दीला सलाम!

२००० ची चॅम्पियन ट्रॉफी झहीर आणि युवराजच्या पदारपणाने लक्षात राहीली.
भारतात डावखुरा वेगवान बॉलर ही दुर्मिळ गोष्ट होती . आणि भारतीय पाटा खेळपट्ट्यांवर सतत घाम गाळणे त्याहून अवघड !
२०००- २०१४ झहीरने वेगवान गोलंदाजी संभाळली.

या महान खेळाडूच्या कारकीर्दीला सलाम!

मस्तं लेख. समयोचित.

जबरा लेख . नेहमीप्रमाणेच .

पठाण आणि झहीर अगदी आवडते गोलंदाज .

झहीरखान!एकदम मस्त बॉलर. कपिलनंतर याचीच अ‍ॅक्शन लक्षात राहील अशी होती. फास्ट बॉलर्समधे सुंदर रन अप फार कमी जणांचा असतो. मायकेल होल्डिंग, सर रिचर्ड हॅडली, इम्रान, कपिल असे काही खंदेवीर लागलीच डोळ्यासमोर येतात.
एकूण रिवर्स स्विंग आणि यॉर्कर्स ही अस्त्रे अतिशय कल्पक रितीने वापरणारे गोलंदाज हे प्रभावी कामगिरी करु शकतात त्यात झहीरचा नंबर नक्कीच फार वरचा लागेल. आमच्या नगर जिल्ह्यातल्या श्रीरामपूरचा असल्याने एक वेगळीच आत्मियता त्याच्याबद्दल वाटते! सलाम झहीर. वी विल मिस यू!!

माझा आवडता बॉलर. ह्याचा योर्कर, रिवर्स स्विंग सगळेच अफलातून. पहिल्या १० ओवर्स मध्ये विकेट नक्की असायची.वी विल मिस यू!!

सुंदर लेख .
काल त्याच्या निवृत्तीची बातमी वाचल्यावर अशा लेखाची अपेक्षा होतीच.
गेल्या दशकातला हा आवडता बॉलर. नव्या चेंडूवर त्याची बोलिंग पहाणे म्हणजे मेजवानी असे. अजून काही सामने त्याला मिळायला हवे होते असं वाटत होतं . सचिन, सौरव, राहुल, लक्ष्मण, सेहेवागसारखे फलंदाज संघात असताना दुसरीकडे बॉलिंगची बाजू भक्कम करण्यात झहीरचा मोठा वाटा होता.

झहीरबद्दल ऐकलेली आणखी एक गोष्ट म्हणजे शालेय अभ्यासात सुद्धा तो चांगला होता. बारावीनंतर त्याला चांगले गुण मिळून अभियांत्रिकीला प्रवेश मिळाला होता असं माझे प्राध्यापक सहकारी म्हणत . पण आपल्या सुदैवाने त्याने क्रिकेट खेळायचे ठरवले. त्या काळी (१९९६-९७) अभियांत्रिकीच्या जागा तुलनेने कमी होत्या आणि किमान तीन चार हजार जणांना प्रवेश मिळत नसे हे महत्वाचे !

त्याची आकडेवारी एकत्रित इथे पहाता येईल.

मस्त लेख...

मदनबाण.....
आजची स्वाक्षरी :-नगाड़ा संग ढोल बाजे ढोल बाजे... :- Goliyon Ki Raasleela Ram-leela

वर्ल्डकप २०११ च्या फायनलला झहिरच्या सुरुवातीच्या ओव्हर अफलातुन होत्या..
क्लास लेख.

उत्तम लेख!

ग्रेग चैपेल्ने (इतर वरिष्ठ खेळाडूंप्रमाणेच) झहीरलाही संपवायचा व्यवस्थित प्रयत्न केला हेही लक्षात राहील.

अतिशय सुंदर, नीटनेटका आणि क्लिपिंग्जची रेलचेल असलेला तुमचा लेख खूप आवडला. क्लिपिंग्ज मुळे खूप चांगली मेजवानी मिळाली. असेच लिहित रहा आणि आम्हाला मेजवानी देत रहा.

ओघवता आणि वरील एका प्रतिसादात म्हटल्यापमाणे वेगवान लेख. प्रतिस्पर्ध्यांना त्यांच्या देशात जाऊन माज दाखवणारा पहिला भारतीय गोलंदाज. २००० सालची स्टीव्ह वॉ ची दांडी संस्मरणीय. फलंदाजाला चकवून चेंडू यष्टीजवळून गेला की उंदराला खेळवत असल्याचा त्याच्या चेहर्‍यावरचा भाव आणि ते कुत्सित हास्य - खासकरून पॉन्टीन्गविरुद्ध आणि एकंदरीतच मिजासखोर म्हणूनच भारतीयांना आवडणरी देहबोली लाजबाब.

एक फारसा न गाजलेला प्रसंग आठवला. कधी नव्हे तो मिड ऑफला वर्तुळाच्या आत उभा होता. हालचाल करून फलंदाजाची एकाग्रता घालवायचा प्रयत्न त्याने केला. अंपायरला वाटले तो रेषेच्या बाहेर जातो आहे. बहुधा निवृत्तीला आलेला डेव्हीड शेफर्ड - अंपायरने त्याला पुढे उभे राहायला सांगितले. हा उर्मट पठ्ठ्या जेमतेम दोन पावले पुढे झाला आणि मी बरोबर उभा आहे असे उद्धटपणे खूणावले. अंपायर चांगला असल्याने मला वाईट वाटले. तोच हेअर असता तर बरे वाटले असते.

दुसरा एक मजेशीर प्रसंग. आफ्रो आशियाई कप एकदा झाला होता. आशियाचे नऊ गडी बाद झाल्यावर शोएब अख्तर आणि झहीर फळ्दाजी करीत होते आणि आपण मोठे फलंदाज असल्यासारखे एकमेकांना सूचना देत होते. हहपुवा झाली होती ते पाहून.

तिरंगा उंच ठेवणार्‍या आवडत्या झहीरला मानाचा मुजरा.

आता सेहवागबद्दलही लेख येऊद्या.

दूध पितो म्हणून खिल्ली उडालेला, पण भल्याभल्यांना 'पाणी' पाजणारा भारतीय क्रिकेटचा आणखी एक वाघ क्रिकेटच्या जंगलातून बाहेर गेला.

लेख आवडला. झहीर नेहमीच 'गुड बॉय' वाटत आला आहे.
स्वाते