Skip to main content

प्रणयपंचमी

लेखक शैलेन्द्र यांनी गुरुवार, 10/09/2015 00:05 या दिवशी प्रकाशित केले.

हळूच मंद मालवे, कालचा नवा शशी,
हळूच धुंद पैंजणे, वाजती मनी कशी...

विरत रात्र विझतसे, विरत ना तरी स्मृती,
फिरत फिरत नेतसे, स्मरत तुज तवप्रती,
तरल धुंद मोहकसे, अननुभुत मधुपिशी..

प्रहर शुक्र चढतसे, बहर प्रणय पंचमी ,
झरत झरत येतसे, मदन कैफ लोचनी ,
धुसर कुंद मधुरसे, सहजतृप्त भावनिशी

निवांत सौख्य रमतसे, सुगंध रक्त चंदनी,
परत परत जातसे, भ्रमित गात्र कोंदणी,
सुखद मंद शारिरसे, अमृतमय यौनरशी..

(या कवितेचे धृवपद व पहिले कडवे वेगळ्या नावाने व वेगळ्या अर्थाने पूर्वप्रकाशित )

काव्यरस
भावकविता
लेखनविषय:
वाचने 3846
प्रतिक्रिया 13

प्रतिक्रिया

अत्रुप्त आत्मा शुक्रवार, 25/09/2015 21:49

अप्रतीम...केवळ अप्रतीम!

विरत रात्र विझतसे, विरत ना तरी स्मृती,
फिरत फिरत नेतसे, स्मरत तुज तवप्रती,
तरल धुंद मोहकसे, अननुभुत मधुपिशी..

ये तो लाजव्वाब से भी बढकर है।

प्रत्यक्ष अनुभूती आल्यासारख वाटल सगळं गीतकाव्य वाचताना.
आणि त्या जुन्या "नवीन आज चंद्रमा, नवीन आज यामिनी मनी नवीन भावना, नवेच स्वप्‍न लोचनी !" या गाण्याची तुमच्या गीतकाव्याची पहिली ओळ वाचताच आठवणहि झाली.
ते गीत देतोच इथे ऐकायला..