बोबडे हे बोल माझे..

नमस्कार. आत्ताच टीकाकार - १ यांनी माझ्या 'विहंगगीत' या रचनेला सुमार असे म्हटले आहे. मी या टीकेचे स्वागत करतो. टीकाकार -१ यांनी केलेल्या सुमार या परिक्षणामुळे माझ्याच रचनांबद्दल मला विचार करावासा वाटला आणि सहजच या चार ओळी सुचल्या त्या इथे लिहीत आहे. टीकाकार - १ यांचा मी आभारी आहे! शब्द माझे सूर माझे वाकुडे गाणेही माझे परि सांभाळून घ्या हो बोबडे हे बोल माझे.... धृ गीत माझी प्रीत माझी रीतही माझी जुनीच ताल माझा चाल माझी शाल माझी कांबळीत आजही आकाश गाते चांदण्याचे गीत माझे परि सांभाळून घ्या हो बोब हे बोल माझे... १ तान माझी गान माझे रान सारे गुणगुणेल गाव माझा शीव माझी जीव माझा वणवणेल पाउलांच्या संगतीला पाखरांचे गीत माझे परि सांभाळून घ्या हो बोबडे हे बोल माझे...२ शीण माझा ताण माझे प्राण वेडे गुंतलेले वाद माझे वेद माझे भेद आता संपलेले भंगलेल्या राउळाला जोडणारे मंत्र माझे परि सांभाळून घ्या हो बोबडे हे बोल माझे...३ रंग माझा राग माझे संग हा श्रीरंग पायी दूर नेती सूर माझे पूर ये आनंददायी नाचती बांधून पायी मोरही घुंगूर माझे परि सांभाळून घ्या हो बोबडे हे बोल माझे...४ --अशोक गोडबोले, पनवेल.

Taxonomy upgrade extras

प्रतिभा

लेखनविषय:	कविता

वाचने 12147

प्रतिक्रिया 9

प्रतिक्रिया

वा

आजानुकर्ण बुधवार, 19/09/2007 16:42

आपल्या प्रगल्भपणाचे कौतुक वाटते. तुम्ही कोणत्याही टीकाकाराकडे लक्ष देऊ नका. ज्याला काही लिहिता येत नाही तो समीक्षक किंवा टीकाकार बनतो असे म्हटलेच आहे. कुणी म्हटले नसेल तर मी म्हणतो. तुम्ही लिहित रहा.

वा

जगन्नाथ बुधवार, 19/09/2007 19:19

आपल्या प्रगल्भपणाचे कौतुक वाटते. तुम्ही कोणत्याही टीकाकाराकडे लक्ष देऊ नका. ह्यातील विरोधाभास व त्यातून निर्माण होणारा विनोद समजावून सांगा (१५ मार्क)

छान कविता !

प्रा.डॉ.दिलीप बिरुटे बुधवार, 19/09/2007 16:52

कविता आवडली ! सहज आलेल्या शब्दार्थाने तर कवितेतला गोडवा अधिकच वाढला आहे. कविता कोणाला कशी वाटेल याचा तर कधी विचार करु नये ! लिहीत राहा !

प्रा.डॉ.दिलीप बिरुटे

शीण माझा

प्रकाश घाटपांडे बुधवार, 19/09/2007 17:04

शीण माझा ताण माझे प्राण वेडे गुंतलेले वाद माझे वेद माझे भेद आता संपलेले भंगलेल्या राउळाला जोडणारे मंत्र माझे परि सांभाळून घ्या हो बोबडे हे बोल माझे...३ मस्तच अशोकजी, आपली संवेदनशीलतेला कुण्या पिचकारीने धक्का पोचु नये ही सदिच्छा! प्रकाश घाटपांडे

शब्दरचना

टीकाकार-१ बुधवार, 19/09/2007 17:20

शब्दरचना छान आहे. शब्दान्चे जगलिन्ग मस्त. पण आशय पोचला नाहि. तरी शीघ्र कविता असल्यामुळे कौतुकास्पद आहे.

सुरेख..

विसोबा खेचर बुधवार, 19/09/2007 18:17

वाद माझे वेद माझे भेद आता संपलेले भंगलेल्या राउळाला जोडणारे मंत्र माझे अतिशय सुरेख ओळी... तात्या.

हेच

सर्किट (verified= न पडताळणी केलेला) बुधवार, 19/09/2007 22:11

या ओळींनी कविता वेगळ्याच प्रतलात जाते. - सर्किट

आवडले

रंजन बुधवार, 19/09/2007 18:33

बोबडे बोल आवडले.

आभार.

अशोक गोडबोले गुरुवार, 20/09/2007 14:19

सर्व वाचकांचा मी आभारी आहे.