महाराष्ट्र भूषण पुरस्कार वाद

पुरस्कार स्वीकारावा असे आमचे मत.दोन चार राष्ट्रवादीच्या टग्यांच्या धुडगुसाला जुमानता कामा नये. ह्यांचा हेतु प्रामाणिक असता तर त्यांनी बाबासाहेबांवर टिका करण्याऐवजी मूळ मुद्द्यांवर ईतिहास मंडळाबरोबर चर्चा केली असती.पण आडनाव पुरंदरे असल्याने व तो पुरस्कार फडणवीस देणार असल्याने जळजळ चालू आहे.

आक्षेप एव्हढेच नाहीत . शिवाजीमहाराजांचे व्यक्तिमत्व मुस्लिम विरोधी रंगवले आहे ते खोटे असून शिवाजी महाराज हे सेक्युलर होते - असाही एक आक्षेप आहे. आजच अजून एक बातमी वाचली. पानिपतकार विश्वास पाटलांनी सर्व आक्षेप्कार्त्यांना चर्चेचे आवाहन दिले आहे. हे मला फार आवडलं. चर्चा होणे पुरावे देवाण घेवाण करून सत्य परिस्थिती समाजासमोर येणे गरजेचे आहे. तसे न होता लोकांच्या भावनांना आवाहन देवून बुद्धीभ्रम आणि तेढ निर्माण करण्याचे कार्य होत आहे असे मला वाटते.

बाबासाहेब पुरंदरे हे स्वतःला शिवरायांचे शाहीर असेच म्हणवून घेतात. इतिहासकार असल्याचा दावा त्यांनी कधीही केलेला नाही. परंतु अवघे आयुष्य शिवस्तुतीला वाहून दिलेल्या या ऋषीतुल्य व्यक्तिमत्त्वाचा सन्मान हा व्हायलाच हवा. त्यांचे कार्य निर्विवादपणे थोर आहे. शिवरायांचा जीवनपट त्यांना मुखोद्गत आहे. राजांचे एकूणएक गडकिल्ले त्यांनी पालथे घातले आहेत. हजारो लोकांनी त्यांची पुस्तके, व्याख्याने आणि अर्थातच 'जाणता राजा' यांवर भरभरून प्रेम केले आहे. त्यांच्याशी वैचारिक मतभेद असू शकतात. नव्हे, असावेतच. कारण इतिहास हा विविधरूपी असतो. पण हा पुरस्कार योग्य व्यक्तीस मिळत आहे हे नक्की.

बस... एवढंच?

अश्स्शाच नावच एक धागा होता ना रे आधी??

असो.. पुरस्कार स्वीकारावा. ४ टग्यांनी धुडगुस घातला म्हणुन त्यांना जास्त महत्व देण्याचे कारण नाही.

राष्ट्र्वादीचे आमदार मा.ना.जितेंद्रभाऊ आव्हाड यांनी उपस्थीत केलेले मुद्देही योग्य आहेत असे मला वाटते, या मुद्द्यांचे निराकरण करणे गरजेचे आहे.

सेकुलर इतिहासकारांच्या मते टिपू सुलतान हा सेकुलर होता. अधिक काही बोलणे योग्य नाही.
विरोध करणार्याने स्पष्ट बोलले पाहिचे 'ब्राह्मण' व्यक्तीला कुठलाही पुरस्कार देणे आम्हाला खपणार नाही. आमच्या राजनीतिक पोळी भाजण्याच्या दृष्टीने हे योग्य नाही.

महाराष्ट्राला 'भूषण' ठरावीत अशी अनेक व्यक्तीमत्वे हयात असताना उगाच मातीगोट्याच्या किल्ल्यांवर वेळ दडवणार्‍या शाहीरांना का म्हणुन पुरस्कार द्यावा. लाखमोलाच्या ( आता तर अरबो मोलाच्या ) कामगीर्‍या करणारे राहिले बाजुला. आणि हे टिकोजीराव नागपूरच्या आदेशाने पुरस्कार लाटायला निघाले. काय तर म्हणे शिवशाहीर. त्यापेक्षा आधुनीक काळातल्या कर्तुत्ववान लोकांचे पोवाडे गाणारे शाहीर शासनाला दिसत नाहि काय...

शिवरायांचे किल्ले मातीगोटयांचे ?

पवारांनी आणि राष्ट्रवादीने हा वाद मुद्दाम उठविला आहे. त्यामागे सबळ कारणे आहेत.

१९९९ साली राष्ट्रवादीचा इतिहास पाहिला तर प्रचंड भ्रष्टाचार आणि जातीयवाद या दोनच क्षेत्रात राष्ट्रवादीच्या नेत्यांनी अफाट कर्तृत्व गाजविल्याचे लक्षात येईल. अजित पवार, तटकरे, भुजबळ, पद्मसिंह पाटिल, कोल्हापूरच्या महापौर माळवे, पुण्याच्या शिक्षण मंडळातले चौधरी आणि धुमाळ, गेला महिनाभर फरारी असलेले रमेश कदम इ. भ्रष्टाचाराची आघाडी सांभाळली तर आव्हाड, नबाब मलिक, संभाजी ब्रिगेड इ. नी सतत प्रक्षोभक विधाने करून जातीयवाद वाढविला.

जूनमध्ये भुजबळांच्या मालमत्तेवर धाड घालून २५६० कोटी रू. ची मालमत्ता सापडल्यावर दुसर्‍या दिवशी तावडे, पंकजा भुजबळ इ. ची नसलेली प्रकरणे बाहेर येणे हा योगायोग नव्हता. तावडे, मुंडे इ. मुळे माध्यमातून भुजबळांचे नाव आपोआप अदृश्य झाले.

कालच १ महिनाभर फरारी असलेला आमदार रमेश कदम सापडणे आणि कालपासूनच पुरंदर्‍यांविरूद्ध अचानक उग्र वक्तव्ये सुरू होणे हा देखील योगायोग नाही. किंबहुना काल साहेबांनी स्वत:हूनच कदमला पोलिसांच्या स्वाधीन होण्यास सांगितले असावे. त्याच्या अटकेची चर्चा पुरंदर्‍यांच्या पुरस्कारामुळे माध्यमात फारशी होणार नाही हा त्यांचा अंदाज अचूक ठरला.

भविष्यात तटकरे किंवा अजित पवारांविरूद्ध कारवाई सुरू झाली की लगेच दुसर्‍या दिवशी भाजप नेत्यांची नसलेली प्रकरणे जाहीर करून आपल्या नेत्यांबद्दल माध्यमात चर्चा होणार नाही अशी व्यवस्था साहेब नक्कीच करू शकतील.

हे सर्व प्रकरण ब्राह्मण समाजासाठी अत्यंत उपयुक्त असा अभ्यास आहे !

मी अन्यत्र केलेल्या विधान ह्या निमित्ताने परत क्वोट करत आहे !

शाहु फुले आंबेडकरांच्या पुरोगामी महाराष्ट्रात सावरकर आगरकर कर्वे रानाडे ह्यांच्या समाजसुधारणेच्या प्रयत्नांना काडीमोल किंमत राहिलेली नाहीये हे कटु सत्य आहे .

बाबासाहेब ब्राह्मण आहेत हेच एक स्पष्ट कारण आहे ह्या संपुर्ण वादाचे ! ९० वर्षांचे संपुर्ण योगदान आज नुसतेच मातीमोल नव्हे तर वादग्रस्त झालेले दिसत आहे !

समस्त ब्राह्मण समाजाने ह्या निमित्ताने पुनरेकवार , सर्व समाज ,आपले सामाजिक योगदान आणि समाजाची त्यावरील प्रतिक्रिया इत्यादी विषयांवर आत्मचिंतन करावे !

-
सन्यस्तखड्ग प्रगो

ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्ल्लूऊऊऊऊऊऊऊऊऊऊऊऊऊऊऊऊऊऊऊऊऊऊऊऊऊ

काही का असेना यामुळे बर्याच आयचणीत पडलेल्यांना चमकोगिरी करायची संधी मिळाली.

वरील प्रतिसाद योग्यच आहेत. पण या निमित्ताने अजून एक गोष्ट ध्यानात घेणे आवश्यक आहे. सारे डावे/ निधर्मी विचारवंत एक होऊन या पुरस्काराचा निषेध करत असताना बाबासाहेबांच्या बाजूने एकही प्रथितयश व्यक्ती उभी राहू नये याचे सखेद आश्चर्य वाटते. प्रसारमाध्यमे देखील या विषयाला नेगेटिव्ह प्रसिद्धी देत आहेत अशी माझी समजूत होऊ लागली आहे. तो देखील निधर्मी अजेंडा असावा. नाही म्हणायला लोकसत्ताने आज अग्रलेख लिहून या विषयाला थोडे फूटेज दिले. पण एकंदरीत प्रसारमाध्यमांची या विषयातील भूमिका संशयातीत नाही असे म्हणावयास शंका नसावी.

दुसरा विषय असा की आता या विषयात सर्वसामान्य नागरिकांनीच पुढाकार घेऊन बाबासाहेबांच्या पुरस्काराचे समर्थन करावे का असा विचार सध्या करत आहे.. त्यानिमित्ताने काही ब्लॉग पोस्ट, निवेदने, सभा वगैरे घेऊन आपण बाबासाहेबांच्या सोबत आहोत असे सरकारला दाखवून द्यावे का असा विचार करू लागलो आहे.

टीका ह्या होत राहतील पण शिवशाहिरांनी पुरस्कार स्विकारावा.काहीतरी कारण काढून त्यांना पुरस्कार मिळायला नको म्हणून त्यांच्या वर टीका होत आहे.कारण काय ते त्यांनाच माहित .जे टीका करत आहेत त्यांनी शिवाजी महाराज बद्दल किती वाचन आणि लेखन केलं????

संभाजी ब्रिगडने या कारणावरून जो उच्छाद मांडला आहे तो निंदनीय आहे. जातीद्वेष उराशी बाळगून काही साध्य होत नाही. सर्वच ब्राह्मण समाजाला 'त्या' नजरेतून बघून चालणार नाही.ब्राह्मण समाजाचे राष्ट्रासाठीचे योगदान उल्लेखणीय आहे अर्थात इतरांचे नाही असे मी म्हणत नाही.पण आपण हिंदूच जर असे एकमेकांविषयी तिरस्काराची भावना बाळगणार असू तर मग भविष्य कठीण आहे, अर्थात काळाच्या ओघात आणि ग्लोबलायझेशनमुळे सर्व जातीपातींचं आवरण संपून जावं हीच अपेक्षा.

शिवाजी महाराजांच्या राज्याभिषेक सोहळ्याला त्रिपाठी आडनाव असलेला एक ब्राह्मण कवि हजर होता. हा मुळचा कानपूर जवळच्या गावाचा होता. त्याला भूषण हा किताब चित्रकुट च्या राजाने दिला होता. कविराज भूषण याने शिवाजी राजांची स्तुति करणारी बरीच कवने ब्रज भाषेत लिहिली आहेत. ही कवने महाराष्ट्रात ही लोकप्रिय आहेत
ही पूर्वपीठीका असताना दुसऱ्या एका ब्राह्मणाने मराठी मध्ये महाराजांची स्तुति केल्याबद्दल त्याला भूषण असा किताब मिळत असेल तर ह्या दुसऱ्या भूषण पुरस्कारा विरुद्ध एवढा गदारोळ का ?

बार्हमण म्हणुन विरोध करतात’’
जातीची पोपटपंची करत आहेत.
त्यांनी आधी खालील महाराष्ट्रभुषण प्राप्त व्यक्तींची यादी वाचावी.
● १९९६ - पु.ल.देशपांडे (साहित्य)
● १९९७ - लता मंगेशकर (कला,संगीत)
● १९९९ - विजय भटकर (विज्ञान)
● २००१ - सचिन तेंडुलकर (क्रीडा)
● २००२ - भीमसेन जोशी (कला,संगीत)
● २००३ - अभय व राणी बंग (आरोग्यसेवा)
● २००४ - बाबा आमटे (समाज सेवा)
● २००५ - रघुनाथ अनंत माशेलकर (विज्ञान)
● २००६ - रतन टाटा (उद्योग)
● २००७ - रा.कृ.पाटील (समाज सेवा)
● २००८ - नाना धर्माधिकारी (समाजसेवा)
● २००८ - मंगेश पाडगावकर (साहित्य)
● २००९ - सुलोचना लाटकर (कला,सिनेमा)
● २०१० - जयंत नारळीकर (विज्ञान)
● २०११ - अनिल काकोडकर (विज्ञान)
वरील यादीमध्ये बहुतांश व्यक्ती ब्राह्मण असल्याचे दिसते.
जर आमचा विरोध ब्राह्मणांना असता तर वरील लोकांच्या पुरस्कारालाही
आम्ही विरोध केला नसता का ? मग पुरंदरेंनाच आमचा विरोध का ?
★ पुरंदरेंना विरोध असण्याची कारणे –
● पुरंदरेंनी ‛‛राजा शिवछत्रपती’’ आणि ‛‛लालमहाल’’
या कादंबरीतुन राष्ट्रमाता जिजाऊ व छत्रपती शिवरायांबद्दल
अत्यंत अवमानकारक व संतापजनक लिखाण केले.
● ‛‛राजा शिवछत्रपती’’ कादंबरीतुन स्वराज्य निर्मीतीच्या कार्यात
स्वतःचे रक्त सांडणाऱ्या बारा मावळ आणि महाराष्ट्रातील सरदारांच्या
आईबद्दल खुप भयानक व विकृत लिखाण केले.
● ‛‛राजा शिवछत्रपती’’ कादंबरीत कुणबीणी म्हणजे कुणब्याची
(शेतकऱ्याची) पत्नींविषयी खुप किळसवाणे व बदनामीजनक लिखाण केले.
● पुरंदरेंनी महाराष्ट्रात शिवजयंती तारीख-तिथी वाद सुरु करुन
शिवप्रेमींमध्ये फुट पाडली.
● पुरंदरेंनी स्वतःच्या लिखाणातुन मानवतावादी, धर्मसहिष्णु
छत्रपती शिवरायांची प्रतिमा गोब्राह्मणप्रतिपालक व मुस्लिमविरोधी
एवढी संकुचित करुन छत्रपती शिवराय हे दंगलीचे प्रतिक म्हणुन उभे केले.
हा शिवरायांच्या व्यक्तिमत्वाचा अवमान आहे.
● पुरंदरेंनी खोटा इतिहास लिहला. शहाजीराजे गैरहजर दाखविले.
तुकोबांना अनुल्लेखाने दुर्लक्षित ठेवले.
तसेच दादु कोंडदेव आणि रामदास स्वामी हे
काल्पनिक गुरु शिवरायांच्या डोक्यावर बसवले.
● २००३ मधे आलेल्या जेम्स लेन लिखीत पुस्तकाची पार्श्वभुमी तयार करण्याचे, त्या पुस्तकाचे महाराष्ट्रात वितरण करण्याचे आणि त्या पुस्तकाचा प्रचार करण्याचे काम पुरंदरे आणि त्यांच्या पुरंदरे प्रकाशनने केले.
● राजघराण्यांतील व सरदारघराण्यांती
ल अनेक ऐतिहासिक कागद,दस्तावेज, रुमाल,पत्रे,ताम्रपत्रे,शस्त्रे संशोधनाच्या नावाखाली नेऊन नष्ट करण्याचे काम पुरंदरेंनी केले.
● पुरंदरेंच्या पुस्तकावर,लिखाणावर १ कोटीचा दावा,खटला आणि ४-५ ठिकाणी फौजदारी गुन्हा व तक्रारी दाखल आहेत.
● पुरंदरे इतिहाससंशोधक नाहीत.त्यांचे लिखाण कुठेच संदर्भासाठी वापरले जात नाही.ते शाहीर नाहीत.त्यांनी एकही पोवाडा लिहलेला नाही.हे सगळे त्यांनी स्वतः कबुल केले आहे. यापुर्वी २००४ मध्ये पण त्यांना पुरस्काराची घोषणा झाली होती.परंतु त्यांच्या वादग्रस्त लिखाण व वागण्यामुळे त्यावेळी हा पुरस्कार रद्द झाला होता.मग आता हा पुरस्कार देण्यासाठी फडणवीस एवढी खटाटोप का करत आहेत ?
हे व असेच अनेक आक्षेप पुरंदरेंवर आहेत.त्यामुळे पुरंदरे ब्राह्मण असल्यामुळे त्यांना विरोध होतोय असले फुटकळ व बालीश अफवा पसरवणाऱ्या बाजारबुणग्यांनी पुरंदरेंवरील आरोप खोडुन दाखवावेत.ब.मो.पुरंदरे ही विकृती आहे आणि अशा विकृतीचा सन्मान करुन संस्कृतीचा अवमान करण्याला आमचा विरोध आहे.
जय शिवराय.

संजय सोनवणी यांची या विषयाशी संबंधीत लेख (प्रकाशन तारीख ६ मे २०१५)

राजा शिवछत्रपती आणि आक्षेप!

तसेच काही तासांपूर्वी प्रकाशित केलेला आणखी एक लेख
माझ्या दृष्टीने तरी बाद!

तसेच ऑक्सफर्ड युनिवर्सिटी प्रेसला पाठवलेले १० नोव्हेंबर २००३ चे हे पत्र (जालावरून साभार). भांडारकर संस्थेवरचा हल्ला ५ जानेवारी २००४ रोजी झाला होता.

खूप समर्पक माहिती पुरवल्या बद्दल.

अजया आणि श्रीरंग जोशी, माहितीसाठी धन्यवाद!

कालच्या ABP माझा वरच्या चर्चेतले प्रा. हरी नरके यांचे विचारही विरोध करणाऱ्यांनी जरूर ऐकावे.
पुराव्याशिवाय रेटून बोलणे, मागच्या-पुढच्या वाक्यांचा संदर्भ न लावता अर्थ काढणे, जेम्स लेनच्या पुस्तकावरून विनाकारण राळ उठवणे ही विरोधकांची साधने. समाजात दरी उभी करणारे, त्याचा राजकीय फायदा करून घेणारे कसले देशभक्त! एवढीच शक्ती स्थानिक समस्या सोडवण्यासाठी, विकासासाठी घालवली तर खरी देशभक्ती...

खरे तर आज जे आपण जगतो त्या जगण्याची सुरूवात १८५७ पासून होते कारण आपल्या स्वार्थापोटी का होईना त्यावेळी भारतातील राजे रजवाडे ब्रिटीशांविरूद्ध एकत्र येउ पहात होते. ( ते त्याना जमले नाही हा भाग वेगळा ! ) . त्यापूर्वीच्या इतिहासात मला अजिबात रस नाही याचे कारण आपले वर्तमानाचा संबंध हा राजे, संस्थानिक , वतनदार , जहागिरदार, सरंजाम शहा , सरदार अशांबरोबर नसून तो राष्ट्र, प्रधानमंत्री ,संसद, विधीमंडळे, कामगार, उधोगपति, व्यावसायिक, कामगार ,शेतकरी, नोकरशहा, ऐअर मार्शल जनरल ई ई सारख्या संस्थांशी आहे. यातील किती मूलतत्वे १८५७ च्या अगोदरच्या काळापासूनच्या वास्तवाकडून घेतली आहेत ? त्यातली किती परकीय आहेत? किती स्वकीय याचा चिकित्सक अभ्यास झाला
पाहिजे. तो सोडून महाराष्ट्रातील अतिरेकी इतिहास प्रेमी पुन्हा सोळाव्या शतकातील व्यवस्था जणू आजच्या काळात कशी चपखल लागू आहे याची चर्चा करीत असतात. अर्थात इतिहासाचा अभ्यास हा मनुष्य जीवनाचा एक पैलू आहे पण तो इतक्या महत्वाचा नाही ही त्याच्या एका अभ्यासकास राज्य भूषण पुरस्कार द्यावा. पण सर्वसमावेशक कार्य हा निकष न ठेवता तो विशिष्ट कार्य असा निकष असेल ( तसाच तो आहे हे यादीवरून कळून येते ) तर पुरंदरेना तो मिळण्यास काहीच
हरकत नाही. त्यांच्या विरोधकानी पद्धतशीर अभ्यास करून पुरावे आणून त्यांचे लेखन चुकीचे ठरवले तर तो पुरस्कार स्वता: च पुरंदरे तो परत करतील. पण विरोधकांचाही अभ्यास ऐकीव असेल तर सरकारने त्याची काय म्हणून परवा करायची ?

पिरा, अजयाशी +१००० वेळा सहमत.हेच लिहायला आले होते.
आणि रंगाभाऊ, तुमच्या अज्ञानी लोकांचे अज्ञान दूर करणाऱ्या माहितीबद्दलआभार.
हल्ली मिपावर स्वतंत्र विचार करणारे, मुळातून काही वाचन करून त्यावर लिहिणारे लेखक कमी झालेत असे वाटू लागले आहे.(विवेकानंद धागा)हे सगळे महाराष्ट्राच्या राजकारणातल्या, महाराष्ट्राला “गाडता राजा” चे प्रताप आहेत हे उघड दिसून येत आहे.कुणीही उठावे कोणाबद्दलही बोलावे असे झाले आहे.जितेंद्र आव्हाड याचे इतिहासातील योगदान काय? तर शून्य. जर काही शंका असतील तर त्याचे निराकरण योग्य व्यक्तीकडून करून घेणे हे ह्या माणसाला समाजात नाही,ज्यांना पदव्या विकत घ्यावा लागतात अशांच्या भुन्कण्याकडे लक्ष न देता बाबासाहेबांनी हा पुरस्कार आमच्यासारख्या सामान्य माणसांसाठी स्वीकारला पाहिजे.ज्यांना त्यांनी आमचा राजा कसा होता आम्हाला हे रक्ताचे पाणी करून शिकवलेय.

आज फेफ्रातल्या बातम्या वाचून परत एकदा सिद्ध झालंय....

"साहेबांचा आदेश आहे. जाळपोळ करा, चक्काजाम करा, काहीही करा. कोणी विचारलं तर सांगा पुरस्कार देऊ नये म्हणून करतोय."

का? कशासाठी? काय उपयोग? हे प्रश्न कार्यकर्ते विचारत नसतात. ते फक्त आदेशाचे मानकरी. त्यातल्या त्यात थोडे इंटरनेटवर पडीक असले फॉरवर्ड पिंकत बसतात. अशा लोकांना ना शिवाजी माहित ना पुरंदरे. महाराजांच्या आयुष्यातला एकही प्रसंग तपशीलात सांगता येणार नाही. एकही किल्ला आयुष्यात चढून बघितलेला नसतो. गेले असतील तर फक्त दारूच्या बाटल्या फोडायला आणि दिलात बाण खुप्सून नावं लिहायला. परत यांना फक्त पुरंदरेंनी लिहिलेल्या इतिहासातून शिवाजी समजून घेतलेला आणि आज तेवढाच शिवाजी हायजॅक करतायत. त्याच पुरंदरेंवर उलट चिखलफेकीचे आरोप करतायत. स्वतःचे काही कर्तॄत्व नाही पण साहेबांचा आदेश आला की स्वतःच्या आईलाही विकायला कमी करणार नाहीत. कुणाला तसं लिहायची तरी काय गरज आहे. यांच्या वागणुकीतूनच हे सिद्ध केले आहे आज. यांचे इतिहासावर आणि महाराष्ट्रावर किती प्रेम आहे हे दाखवून दिलेच आहे सरकारी संपत्तीची जाळपोळ करून.

आपल्याच लोकांना वेठीस धरून दहशत माजवणे हा कुण्या एका धर्माचा मक्ता नाही, ही प्रवृत्ती सार्वत्रिक आहे असे खेदाने नमूद करावे लागते.

असल्या लोकांमधे राहावं लागतं याचं खरंच वैषम्य आहे.

“गाडता राजा”असे वाचावे.

जो माणूस महाराष्ट्राचा माजी मु.मं.आहे त्याचे उद्गार आहेत की,”मी महाराष्ट्रभूषण पुरस्काराला किंमतदेत नाही”.कारण हे महाराष्ट्रदूषण आहेत हे त्यांना स्वता:ला माहीत आहे.

एक जाणता होता आणि एक त्याला जाणून त्याच्या ठायी लीन झालेला होता.
..दोघांचीही महानता कणभरही जाणण्याची जाण नसणारे निष्कारण भांडत आहेत...अरेरे..!!!

'महाराजांचे लग्न ठरल्यावर आऊसाहेब आणि दादोजींची लगीनघाई सुरु झाली' अशा अर्थाची जिजाऊंची बदनामी करणारी वाकयं बाबासाहेबांनी लिहिली आहेत असं ब्रिगेडी लोक म्हणतात. (जितुभाऊंनी (मुंब्रावाले डॉक्टर) आपल्या भूमिकेचं स्पष्टीकरण देताना हे लिहिलंय)

यात बदनामी दिसणारा माणूस सडक्या डोक्याचा असून त्याला चपलेनंच हाणला पाहिजे.
बऱ्याच जणांना नेमकं काय चुकीचं लिहिलंय तेही समजणार नाही.
काही ठराविक आयडी ना समजण्याची शक्यता आहे. कारण ते/त्या अशाच सडक्या पद्धतीनं विचार करतात.

फेसबुक फॉरवर्ड,हे खरे आहे काय,? मिपाकरांना काय वाटते??

पुरंदरे आणी ब्राह्मणांना विरोध कशासाठी ,माझे विश्लेषण
१९९१ साली मंडल आयोग लागू झाल्यानंतर, ओबिसिंना सत्तेत मोठा वाटा मिळाला
ओबिसिंना मोठा वाटा मिळाल्याने शिक्षण,रोजगार,राजकारण यातला मराठ्यांचा दबदबा खूप कमी झाला
अमर्याद सत्ता उपभोगायची सवय लागलेल्या मराठा समाजाला ओबिसिंची प्रगती आणि घौडदौड बघून पोटात दुखायला लागले
ओबिसि आरक्षण काढणे बाप जन्मात शक्य नसल्याने थेट आरक्षणात घुसण्याची तयारी मराठा समाजाने सुरु केली
यासाठी मराठा हा मागासवर्गिय दाखवला पाहीजे,दलित, ओबिसिंनी भूतकाळात मराठ्यांनवर अत्याचार केले असा प्रचार केला तर् तो शतकातला मोठा विनोद ठरला असता
मग मराठ्यांपेक्षा उच्चवर्णीय ब्राह्मण समाजाला यात ओढले गेले ,व ब्राह्मणांनी भूतकाळात मराठ्यांवर अत्याचार केल्याच्या खोट्या बाता मारणे सुरु झाले,यासाठी पगारी इतिहासतज्ञ नेमले गेले,ब्रिगेड सारख्या संघटना स्थापण केल्या गेल्या.
मराठा हा दलित ओबिसिंप्रमाणेच मागासवर्गीय आहे हा खोटा दावा वारंवार लोकांच्या माथि मारुन पार्श्वभुमी तयार केलि गेली,यासाठी ब्राह्मणांना बदनाम केले गेले,प्रसंगी स्त्रीयांची बदनामी केली गेली
२००५ पर्यंत पार्श्वभुमी निर्माण केल्यानंतर मराठा आरक्शनाची मागणी हळुच पुढे करण्यात आली
मराठा हे मागासवर्गीय आहेत या खोट्या प्रचाराला दलित,ओबिसींच्या संघटना भुलल्यामुळे मराठा आरक्षणाला त्यांचा विरोध कमी झाला
राष्ट्रवादी हा मराठ्यांचा पक्ष असल्याने २०१४ साली मराठा आरक्षण जाहीर झाले
आरक्षणाची लबाडी हायकोर्टाच्या निदर्शनास आणून दिल्यानंतर हायकोर्टाने यावर बंदी घातली
त्यामुळे पुन्हा ब्राह्मणविरोध सुरु झाला आहे,पण या संघटनांचं अंतीम लक्ष हे ओबिसी आरक्षणात घुसघोरी करुन त्यांच्या ताटातला चतकोर तुकडा हिसकावून घेणे हे आहे.
परंतू या सर्वांमध्ये ब्राह्मण समाजाचा नाहक बळी जात आहे हे खेदजनक आहे.

फेसबुक वरची पोस्ट कॉपी-पेस्टवतोय, माझेहि मत हेच आहे...

समग्र पुरंदरे प्रकरण हे फडणवीस आणि थोरले पवारसाहेब यांनी मिळून टाकलेला डाव आहे .. आपापल्या पक्षातले भ्रष्टाचारी सहकारी वाचवण्यासाठी या लोकांनी ही जातीय विद्वेषाची होळी पेटवली आहे ..
तिनदा पुरंदरेंचा सत्कार केला तेव्हा पवारसाहेबांना त्यांची करनी माहीत नव्हती का ?

पुण्यात निवडणुका आहेत म्हणून राज ठाकरे पण निघाले फुकटच्या आगिवर भाकऱ्या भाजायला .. त्यांच्या आजोबाने या पुरंदरेंना काय म्हणून संबोधलंय हे त्यांनी वाचलं नसेल का ??

खेडेकरांबद्दल जितकं बोलाल तितकं कमीच .. सतत “त्यांची पोरं स्टडित अन आमची कस्टडित” असं म्हणतात ब्रिगेड वाले .. आज बस जाळायला कुठून कोणत्या जातीचे पोरं आणले ?? ते कस्टडित जाणार की नाही ?

विखे पाटलांना आज जाग आली अन पवारांचं तोंड कुठल्या दिशेला आहे ती दिशा बघुन ते बोलले .. असला पक्षनेता असल्यापेक्षा नसलेला बरा ..

शरद पवारांना भुजबळ / रमेश कदम वाचवायचेत ..
नाना फडणविसांना चिक्कीत अडकलेल्या पंकजाला वाचवायचं आहे .. तावडेला अन खडसेला दाखवून द्यायचंय की तेच असला सेवेन्टी एमएम ड्रामा राज्यात उभा करू शकतात ..
च्यामायला आमच्या बुलडाणा जिल्ह्यात मागच्या वर्षीच्या पिकविम्याचे पैसे शेतकऱ्याला नाही मिळालेले अजुन .. तुरदाळ 150 रूपये किलो झाली म्हणतात ..
कृषीकर्जाची पुनर्रचना गेली का चुलीत ?
एका गुगलीत या दोघांनी सारे मुद्दे मागे पाडले .. अन गावोगावचे टूकार YZ पोरं निघाले महाराष्ट्र भूषण रद्द करा/दिलाच पाहिजे म्हणत ..

हे राजकारण आहे रे गाढ़वांनो ..

टिप - हे वैयक्तिक स्टेटस आहे .. वाटलंय ते लिहिलंय .. स्पष्टीकरण द्यायला मी काही कोणाच्या बापाचा मिंधा नाही.

कळावे,
लोभ असावा.

ह्यांनी काहिही म्हंटले किंवा काहिही अपप्रचार केला तरीही छ्त्रपती आणि शिवशाहीर दोघांबद्दल महाराष्ट्रातील जनतेला असलेला आदर जराही कमी होणार नाही.शिवराय हे सर्व मराठी जनतेचे आदरणीय आहेत. ह्या लबाड कोल्ह्यांना सर्वजण ओळखून आहेत.

या आक्षेपांमुळे त्यांच्या आयुष्यभराच्या कार्याला बट्टा तर लागला नाही ना?

असल्या आक्षेपांमुळे आयुष्याच्या कार्याला बट्टा लागत नसतो. कावळ्याच्या शापानं गाय मरत नाही.

पुरस्कार ज्या कार्यासाठी मिळतोय ते कार्य वादविवादरहित असावे या मताचा मी असल्याने बाबासाहेबांनीच हा पुरस्कार नाकारावा असे मला वाटते.

त्यापेक्षा जे लोक वाद घालतायत त्यांना नाकारा की. कित्ती कित्ती तो सहिष्णुतेचा आव आणायचा तो.

मा उच्च न्यायालयाने श्री ब मो पुरन्दरे यान्च्या विरोधातील याचिका फेटाळली आणि याचीका कर्त्यांवर दहा हजार रुपये दंड हि लावला.

आज कोर्टाने याचिकेत काही अर्थ नाही हे स्पष्ट केलेच आहे.
सरकारने कोर्टाला विनंती करावी,
१. याचिका करणाऱ्यांनी कोर्टाचा वेळ वाया घालवला.
२.यानिमीत्ताने समाजात तेढ निर्माणं करायचा प्रयत्नं केला.
३. एका ऋषीतूल्य माणसाचा अपमान केला

म्हणून त्यांच्याकडुन प्रत्येकी ११लाख तसेच त्यांच्या पक्षा कडुन ११कोटी दंड
वसूल करण्यात यावा. कोर्टाने तसा आदेश द्यावा अशी विनंती सरकारने करावी.

शिवाय पक्षाची मान्यता रद्द करण्याची सिफारस निवडणूक आसिगाला करावी.

प्रश्न पैश्याचा नसून याचिकाकर्त्यांना न्यायालयाने मारलेल्या चपराकेचा आहे. असे असूनही हे निर्लज्ज लोक हा प्रश्न भावनेचा असून न्यायालयाच्या अखत्यारीत येत नाही असेही म्हणतील. ( हेच जर न्यायालयाने स्थगिती दिली असती तर मात्र तोंड वर करून नाचले असते)

श्री मोरोपंत पिंगळे हे जातींनी ब्राम्हण आहेत. आणि सरनौबत श्री हंबीरराव मोहिते किंवा सरनौबत श्री प्रतापराव गुजर हे जातींनी मराठा आहेत असा भेदभाव मुळातच महाराजांच्या स्वराज्याला माहित नाही . त्या स्वराज्याला माहित होत माणसाची गुणवत्ता त्याचं कौशल्य, धाडस ,निष्ठा.
आपण जर त्याच स्वराज्याचं आधुनिक रूप आहोत तर आपल्याला याचा विसर पडावा हेच दुर्दैव आहे.

थोड्या वेळासाठी जर आपण देशपातळीवर आपला विचार केला की आपली काय ओळख आहे आपल्या देशात, तर उत्तर आपल्याला सगळी कडे मिळेल (जे बाहेर राज्यात राहतात किंवा जाऊन आलेत ते) ते उत्तर आपल्या राष्ट्रगीतामध्ये ही आहे.
II पंजाब सिंध गुजरात मराठा II
याचा अर्थ सगळ्या देशाच्या दृष्टीनी आपण मराठा आहोत आणि महाराष्ट्र राहणारे सगळे मराठा
थोडा पुढा जावून म्हणावसं वाटत कि छत्रपती श्री शिवाजी महाराजांचा पाईक तो मराठा.
मला वाटत की हाच अर्थ श्री महाराजांना ही अभिप्रेत असावा.

आता राहिला प्रश्न श्री बाबासाहेबांना पुरस्कार देण्याचा तर मला असे वाटते की भावनेचा किंवा ते कोणाचे आहेत हा भाग बाजूला ठेवून विचार केला तर असे समजेल की आपल्यामधल्या बहुतांशी लोकांचं जेवढा वय आहे तेवढा श्री बाबासाहेबांचा अभ्यास आहे. निदान त्याच तरी आदर करून त्यांच्यावर चाललेली चिखल फेक थांबवावी.

उगीच धुडगूस घालाण्यांनी काहीच सिद्ध होत नाही. ज्यांना काहीच माहित नाही आणि ज्यांना एखाद्या गोष्टीचा अर्थ सुद्धा निट लावता येत नाही त्यांनी काहीच बोलू नये.

चवथीच्या पुस्तकात पहिल्यांदा शिवाजीमहाराज भेटले. ते इतिहासाचे पुस्तक आजही मनात कोरलेलं आहेच. दलालांची चित्रे असावीत ती. ते अश्वारूढ शिवाजी दैवत म्हणजे नेमकं काय ते समजायच्या आधी त्या पदावर आरूढ झाले त्यात चवथीच्या त्या पुस्तकाचा वाटा होताच मात्र पुढे जाऊन राजाशिवछत्रपती चे त्याकाळी असणारे छोटे छोटे पुस्तकामुळे सुध्दा झाले.

शाळेत असताना शाळेच्या वाचनालयातून पुढे परत एकदा मोठ्या ठोकळावजा पुस्तकातून आणि आता अगदी मागच्याच वर्षी दोन मोठ्या ठळक फॉन्तमधून दोन खंडात हे राजाशिवछत्रपती हे पुस्तक वारंवार भेटतंय. माझा मराठी पींड पोसण्यात ह्या पुस्तकाचा मोठा वाटा. बाबासाहेब पुरंदर्‍यांनी लिहीलेल्या आणि मी वाचलेल्या प्रत्येक पानापानाने माझ्या मनात शिवाजी महाराजांबाबतचा आदर वाढतच गेलाय. त्यांनी लिहीलेल्या राजाशिवछत्रपती नंतर मी अनेक वेगवेगळ्या मांडणीतील शिवाजी वाचलेत. सेतु माधव पगडी पासून ते नरहर कुरूंदकर आणि पानसरेंपर्यंत वाचलेत. जाणीवेच्या प्रत्येक पातळीवर आपल्याला नवनवीन काहीतरी मिळत जातं. शिवाजी अधीक खोलात समजतात. मात्र तरी सुध्दा माझ्या दैवताचे जे चरीत्र बाबासाहेबांनी मांडलंय त्याला तोड नाही. ते अधीक भावतं. ते अधीक पोहोचतं. कारण ते मनापासून निघालं आहे असं वाटतं. इतिहास आणि संशोधन हे करण्यासाठी त्याच्या शास्त्र शाखा आहेत त्यांना काय करायचे ते त्यांनी करावे. मला माझ्या राज्याचं कौतूक शिवशाहीर बाबासाहेबांच्या तोंडून ऐकायला किंवा वाचायला आवडतं. त्यांनी लिहीलेली पुस्तके आमच्यासाठी राजांची पोवाडेच आहेत. त्यामुळे ते महाराष्ट्र भूषण आहेतच. आमचे सरकार आज त्याला अधिकृत मान्यता देतेय एवढंच. त्याचेही स्वागत आहेच.

बाबासाहेबांनी काय लिहीलंय आणि त्यातून कार्य अर्थ निघतो याचा अन्वय लावताना किंवा त्याच्या आधीच बाबासाहेबांच्या आयुष्याचा पट उलगडून बघावा. शिवाजीमहाराजांशिवाय त्यांच्या आयुष्यात उरतं तरी काय याचा शोध घ्यावा. उठता बसता... जळी काष्ठी पाषाणी फक्त आणि फक्त शिवाजी महाराज हेच त्यांचं दैवत आहे.

माझे मत असे आहे की माझ्यासारख्या सामान्य मराठी मानसासाठी बाबासाहेब महाराष्ट्र भूषण आहेतच.
- नीलकांत

आज बाबासाहेबांचा ९४ वा वाढदिवस आहे , त्यांना दीर्घायुष्य लाभावे ही सदिच्छा

नीलकांत,
महाराष्ट्रातील जनतेच्या मनातील बोललात. त्यासाठी तुम्हाला मिपाभुषण द्यावे काय असा प्रस्ताव समितीकडे पाठवत आहे....
:-)

शिवशाहीर बाबासाहेब पुरंदरेंचा महाराष्ट्र भूषण पुरस्कारासाठीचा मार्ग मोकळा झाला आहे. 'महाराष्ट्र भूषण' पुरस्कारासाठी निवड समितीने शिवशाहीर बाबासाहेब पुरंदरे यांची निवड योग्य विचार करून आणि कायदेशीर प्रक्रिया अवलंबून केल्याचे स्पष्ट करत मुंबई उच्च न्यायालयाने पुरस्कारविरोधी याचिका सफशेल फेटाळून लावली. केवळ 'पब्लिसिटी स्टंट'साठी याचिका दाखल करून न्यायालयाचा वेळ वाया घालवल्याबद्दल याचिकाकर्त्यांना १० हजार रुपयांचा दंडही ठोठावला. आज संध्याकाळी राजभवनात 'महाराष्ट्र भूषण' पुरस्कार सोहळा होणार आहे.

....

ज्यांना पुरस्कार दिला जात आहे त्यांनी इतकी वर्षे काहीच काम केले नाही का?, लिखानाविषयी किंवा विचारांविषयी समाजात नेहमीच मतभेद असतात, त्यावर टीकाही होत असते. पण त्या व्यक्तीने ४० ते ५० वर्षे काही तरी केले आहे, हे तरी तुम्ही मान्य कराल ना?, शिवाय जो काही विवाद असेल तो या 'महाराष्ट्र भूषण' पुरस्कार प्रदान केल्यानंतर पुसला जाईल किंवा संपुष्ठात येईल असे तुम्हाला वाटते का? असे थेट प्रश्न न्या.पाटील आणि न्या. शुक्रे यांनी याचिकाकर्त्यांच्या वकिलाला विचारले.

जातीच्या आणि पैशाच्या भ्रष्टाचारात रुतलेल्या किड्यांनो, बाबासाहेबांनी त्यांना पुरस्कार मिळालेली रक्कम, त्यांत स्वतःची भर घालून कर्कग्रस्त लोकांसाठी देणगी दिली आहे. यावरुन तरी तुम्हाला खरे सुसंस्कृत म्हणजे काय, ते कळावे.

"पुरस्काराच्या स्वरुपात आपण मला १० लक्ष रुपये दिले. हे पैसे महाराष्ट्राचे आहेत, शाहीरांचे आहेत, कवींचे आहेत, लेखकांचे आहेत, इतिहासकारांचे आहेत, कलाकारांचे आहेत! ह्या पैश्यांवर माझा जरादेखील अधिकार नाही. मा. मुख्यमंत्री, मा. राज्यपाल यांचा आणि समस्त महाराष्ट्राचा मान राखायचा म्हणून, मी यांतले १० पैसे तेवढे घेतो. आणि त्या १० लक्ष रुपयांत माझ्याकडचे १५ लक्ष रुपये घालून, पैश्यांअभावी कॅन्सरवर उपचार करवू न शकणाऱ्या गरीब रुग्णांसाठी एकूण २५ लक्ष रुपये देऊन टाकतो!"
— 'महाराष्ट्रभूषण' शिवशाहीर श्रीमंत बाबासाहेब पुरंदरे.

मी आता बिग्रेड आणि मंडळींच्या खालील वक्तव्याची वाट पहातोय
" आरक्षणामुळे काही जातींच्या लोकांची प्रगती झाली. परंतु ब्राम्हणांना आरक्षण नाही म्हणून ते हल्ली गरीब होत आहेत. आणि याच गरिबांना मदत म्हणून बाबासाहेबांनी २५ लक्ष दान केले. १५ लक्ष सोडा पण नऊ लक्ष नव्याण्णव हजार नऊशे नव्याण्णव रुपये आणि नव्वद पैसे या पुरस्कारातून मिळालेले होते. शिवाय वरचे १० पैसे स्वतःसाठी ठेऊन घेतले म्हणजे पुरस्काराची १००% रक्कम स्वजातीच्या कल्याणासाठी वापरायचा कुटील डाव बाबासाहेब आणि फडणविसांनी खेळला आहे"
(बोलायला काय जाते म्हणून बिन्डोकांकडून अशी अनेक विधाने आलेली आहेत येत रहातील)

बिग्रेडी अकलेचे तारे तोडणारा
कहर

मोठ्या माणसाने मोठेपणा दाखवला...

काही गोष्टी अशा आहेत की जिथे साक्षात शब्द आणि भाव नतमस्तक होतात.
..शिवछत्रपती आणि बाबासाहेब ही अशीच कवतिके आहेत महाराष्ट्राची !!
..अन मिपाकरांची !!!

तुम्हा सर्वांचे प्रतिसाद वाचून मी थोडा वेळ स्वस्थ बसलो व एक दीर्घ श्वास घेतला. श्री. बाबासाहेब पुरंदरे यांना महाराष्ट्रभुषण हा पुरस्कार म्हणजे त्यांनी शिवाजी महाराजांविषयी केलेल्या कार्याची पोहचपावती, ती त्यांना मिळालीच पाहिजे. ती मिळाली त्याबद्दल फडणवीसांचे अभिनंदन. राष्ट्रवादीवाले दिल्लीच्या सरदाराची थप्पड लवकर विसरले.