Skip to main content

सांगून जा ...

लेखक मनीषा यांनी मंगळवार, 09/12/2008 14:05 या दिवशी प्रकाशित केले.
सखी सांगूनी जा काय तुझ्या मनी हसू लाजरे का फुले ओठांवरी | खळी नाजूक गं खुले गोर्‍या गाली बट लाडीक ही कशी रुळे भाळी | क्षणी तुज गाली उमटे का लाली तुझी पापणी का झुकली ही खाली | धरेवर नाही तुझी पाउले ही नजरेस नाही | विश्वाचे भान ही | अशी चालता तु वळूनी पाहसी उगा थांबूनी का पुढेच तु जासी | रती होउनी तु विहरसी वनी सखी सांगूनी जा काय तुझ्या मनी |
लेखनविषय:
वाचने 2622
प्रतिक्रिया 11

प्रतिक्रिया

धमाल मुलगा मंगळवार, 09/12/2008 14:33
मनिषाताई, जातो बरं का! *आम्हाला काव्यातलं काहीही कळत नाही..शक्यतो आम्ही कवितांमध्ये चोच घालत नाही, पण हे शिर्षक वाचुन अगदी म्हणजे अगदी रहावलंच नाही :) सॉरी मनिषाताई!!!

इनोबा म्हणे मंगळवार, 09/12/2008 23:30
पण मी तर सखीला सांगीतलं होतं ... सख्याला सांगीतलं नाही हे बरं केलंत... बाकी कविता आवडली... पु ले शु कर्मण्ये वाधिकारस्ते | मां फलकेशू कदाचनं : कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये. -इनोबा म्हणे -मराठमोळे वॉलपेपर

प्राजु मंगळवार, 09/12/2008 22:13
छान जमली आहे. पहिली तीन कडवी सुरेखच. नंतरच्या कडव्यांमध्ये वाचताना थोडेसे खटकते आहे. नक्की काय आहे नाही सांगता येत. - (सर्वव्यापी)प्राजु http://praaju.blogspot.com/

पिवळा डांबिस बुधवार, 10/12/2008 10:12
पाचव्या कडव्यात "तू पुढे जा.." असं आपल्या सगळ्यांना सांगितलं आहे.... "ए, आगे जाव भाई...." ते खटकलं का? (ह. घे.) :)

विसोबा खेचर गुरुवार, 11/12/2008 15:13
खळी नाजूक गं खुले गोर्‍या गाली बट लाडीक ही कशी रुळे भाळी | क्या केहेने..! तात्या.

बाकरवडी शनिवार, 13/12/2008 19:17
कविता आवडली मस्त...

प्रा.डॉ.दिलीप बिरुटे शनिवार, 13/12/2008 22:18
कविता आवडली