[शतशब्द कथा] रुख - रुख

गाडी सिग्नलला थांबली आणि काल डेब्राकडून आलेल्या ईमेलचा मथळा आठवला 'Thank you and good bye'. राहुनचं गेलं काल तिचं मेल वाचायचं. आता ती पुन्हा कधीच नाही भेटणार . तिच्या डेस्कजवळ थांबुन तिला शुभेच्छा तरी द्यायला हव्या होत्या. कितीवेळा म्हणाली होती कि तिला भारतीय जेवण आवडतं . राहिलचं तिच्यासाठी डबा आणायचं. एवढं वय झालं तरी बिचारी मुलीसाठी आणि नातवंडांसाठी अजून काम करत होती . चला बहुतेक मुलीला नोकरी लागलेली दिसते. आले एकदाचे सुखाचे दिवस आजीबाईंना . . . . . . . " डेब्रा???तू कशी काय इथे? काल शेवटचा दिवस होता ना तुझा? " " तुला पण मी सोडून चालले असं वाटलं का? अगं जॉन सोडून गेला आणि त्याचं ईमेल अकौंट बंद झालं म्हणुन त्याने मला मेल पाठवायला सांगितलं "