[शतशब्दकथा स्पर्धा] "पोय्ये पोय्ये"

"पोय्ये ... पोय्ये..., १० - १२ वर्षाचा गोडुला जीव ! त्याला मोबाईल नकोय, का वरणभात. "काकु.. काय ओरडतोय हा" "पोय्ये म्हणजे पोहे, मिळाले नाहीत. म्हणुन दन्गा! "काय रे नाव तुझ?" ढ्म्पुडी लाजून आईच्या कुशीत शिरतोय. "त्याला नाही कळत, स्पेशल चाइल्ड," "....." "मी पोहे आणते उद्या." . ढ्म्पुडीला पोय्ये आणलेत. रुममध्ये कुणीच दिसेना, डिस्चार्ज? समोरुन स्ट्रेचर, ढ्म्पुडीची आई रड्तेय, माझ्या छातीत धस्स .... खुप वेळाने ढ्म्पुडीची आई मला शोधत आलिये "अग पोहे आणलेस का ? ढ्म्पुडी सुकलाय पण हसुन दुखर्‍या पायाला बोट लावतोय, बाबा खिन्न भकास. " हेवी डायबेटीक, पायाला जखम....गुड्घ्यापासुन खाली पाय ... !!!! ..... मी बधीर,सुन्न ! आता मला फक्त ढ्म्पुडी दिसतोय, गालात हसणारा, अजाणतेपणी आभाळाएव्हढ दु:ख "पोय्यात" रिचवु पाहणारा !