गावोगावची गंमतीशीर ठिकाणे सांगा...

वांगणी - मुंबई-कसारा लाईनवरील स्टेशन.
पूर्वीचे 'वैंगण'- ठाण्यामध्ये १९६५ मध्ये पाचपाखाडी भागात एका कंपनीच्या तलावात सापडलेल्या ताम्रपटात याचा उल्लेख आहे.
शके ९६१ अर्थात इंग्रजी वर्ष १०६९ सालचा हा ताम्रपट आहे.

प्रिन्स ऑफ वेल्स म्युझियम मध्ये ठेवण्यात आलेल्या (ठाण्यात मिळाला होता) ताम्रपटाप्रमाणे (इ.स. १०६९) पहा हि नाव ओळखीची वाटतात का?
अंबरवल्ली- अंबरनाथ?
करहाटक - कर्जत?
आसलग्राम- आसनगाव?

ati uttam Vishay aahe.

सीमाभागात बरीचशी गमतीशीर नावे आहेत.
नागोबाचे 'पांगीरे': अजून एक पांगीरे नावाचे गाव असल्यामुळे असे नाव आहे. उगम कशात आहे माहित नाही.
दगडी शिप्पूर - निपाणीचा तवंदी घाट संपल्यानंतर आजरा/आंबोली रोड ला लागून आहे हे गाव. खूप सारे मोट्ठे दगड दिसतात म्हणून तसे नाव आहे का कल्पना नाही :)
हसुरचंपू - बरीच 'हसूर' नावाची गावे जवळपास असल्याने ह्याचा उल्लेख 'चंपू-हसूर' असा सर्रास केला जातो.
बेळगाव मध्ये एक प्रसिद्ध मंदिर आहे - 'मिलिट्री महादेव'. कदाचित मिलिटरीच्या एरियात असल्यामुळे असेल.

कानडी च्या प्रभावामुळे असेल कदाचित, 'ळ' चा वापर खूप दिसतो: हेब्बाळ, जलद्याळ, मुत्नाळ, औरनाळ, खणदाळ, हाजगोळी, माद्याळ, जरळी, मुगळी, जैन्याळ(माझ्या माहितीप्रमाणे ह्या गावात जैन लोक नाहीत), करड्याळ, बोळावी, बाळेघोल (ही सर्व गावे कोल्हापूर जिल्ह्यात आहेत)

निपाणीच्या स्टॅन्डवर जे विक्रेते असतात त्यांची आरोळी अशी असते - "शेंगा, भडंगा, चिप्सा, वेफर्सा…" :) यमक जुळवण्यासाठी 'आ'कार कंटिन्यू केला जातो!
इथे 'पुलाव' चा उल्लेख पण 'पुलावा' असा केला जातो. माहित नाही का ते.

नगर औरंगाबाद रस्त्यावर जिथे सगळ्याच एस टी बसेस थांबतात ते ठिकाण- "पांढरीचा पूल"!

जाड्रबोबलाद नामक एक गाव आहे इस्लामपूर साईडला सांगली जिल्ह्यात.

अमरावतीत एका एरिया च नाव चक्क "नमुना" असे आहे, तिथे पत्ता सुद्धा "नमुना क्र.४" (गल्ली क्रमांक) वगैरे असतो, शहराच्या मध्यभागी असलेल्या टेकड़ी च नाव मालटेकड़ी असे आहे तर "भाजी मार्केट" नावाची एक आवासीय कॉलोनी सुद्धा आहे (नावांच्या उद्गमाबद्दल काहीही कल्पना नाही), अमरावतीत एक अतिशय प्रसिद्ध तिखट जाळ गिल्ली मिसळ (मिसळीचे वर्हड़ी वर्शन) व इतर नाश्ता विक्री करणारे एक प्रसिद्ध हॉटेल होते त्याचे नाव ते बेसमेंट ला असल्या कारणे "गड्डा" (हिंदी गड्ढा वरुन आलेले खड्डा चे समानार्थी वर्हाड़ी नाव) होते

मारुती जेव्हा द्रोणागिरी घेऊन आकाशमार्गे लंकेस जात होता, तेव्हा त्या पर्वतावरील कनकवल्लि नामक वनस्पती खाली पडली. त्यावरून कणकवली हे नाव आले, ही कथा सदर गावात लोकप्रिय आहे.

आता ती वनस्पती कोठे आहे, यावर संशोधन होणे आवश्यक आहे!