मैत्रीच्या थोडं पलीकडे.. प्रेमाच्या थोडं अलीकडे...!

तुझं येणं,तुझं जाणं,तुझं असणं,तुझं नसणं, तुझं हसणं, तुझं दिसणं, सारं काही नवीनच, तरीही या नव्याचा मला ध्यास जडे..! मैत्रीच्या थोडं पलीकडे.. प्रेमाच्या थोडं अलीकडे...! मी करावे काम अन् तु फक्त करावा आराम तु म्हणावे चल निघुया अन् मी म्हणावे थांब, दिवसभर चालू आपले हे खेळ वेडे..! मैत्रीच्या थोडं पलीकडे.. प्रेमाच्या थोडं अलीकडे...! दिवस असला सोबत तरीही,रात्र स्वप्नांची कधीना सरे रात्रंदिवस संवाद आपुले, तरीही पडती हे क्षण अपुरे, क्षण सोबतचे आठवी मन, अन् रमे त्यातचं वेडे..! या नात्याची ओळख न उलगडे..! मैत्रीच्या थोडं पलीकडे.. प्रेमाच्या थोडं अलीकडे...! हृषीकेश

लेखनविषय:	कविता

वाचने 12101

प्रतिक्रिया 27

प्रतिक्रिया

तुझं येणं,तुझं जाणं,तुझं असणं

सतिश गावडे गुरुवार, 04/06/2015 08:47

तुझं येणं,तुझं जाणं,तुझं असणं,तुझं नसणं,

यावरुन सुशिंच्या कुठल्याशा कादंबरीतील नायकाने विवाहित नायिकेला उद्देशून म्हटलेल्या ओळी आठवल्या:

तुझं येणं जाणं तुझं हसणं तुझं रुसणं तुझ्या नुसत्या असण्यानं माझं जीवन समॄद्ध केलं तेव्हढं एक सांगायचं राहूनच गेलं...

छान लिहित आहात. मात्र प्रत्येक लेखनामध्ये किमान दोन तीन दिवसांचा अवधी द्या. लोकांना तुमचे लेखन वाचू द्या. त्यावर चर्चा करु द्या. असा अवधी दिल्याने तुमचे लेखन अधिक चांगल्या पद्धतीने लोकांपर्यंत पोहोचेल.

धन्यवाद सतीश..जरूर..

Hrushikesh Marathe गुरुवार, 04/06/2015 09:14

धन्यवाद सतीश..जरूर..

मी करावे काम अन् तु फक्त

यशोधरा गुरुवार, 04/06/2015 08:55

मी करावे काम अन् तु फक्त करावा आराम >> आँ? का म्हणे? बाकी कविता ओके. लिहित रहा.

ऑफिस मधल्या नवीन रुजु

Hrushikesh Marathe गुरुवार, 04/06/2015 09:12

ऑफिस मधल्या नवीन रुजु झालेल्या कलीगला उद्देशुन कविता आहे. त्यात तो काम करत असतो आणि ती नवीन रुजु झाल्यामुळे तिला फारसे काही काम नसते.... अशा काहीशा अर्थाने