स्रीचे अस्तित्व!

अ — अश्विनि कोल्हे,
कर्तव्याच्या नावाखाली छळ मांडलाय स्रीचा. जन्मापासुन ते मृत्युपर्यंत कर्तव्याच्या दोरीने बांधलंय तिला. या दोरीतुन कधी सोडवण्याचा प्रयत्न केलाय कुणी? नाही! कारण प्रत्येक मनुष्याला फक्त आणि फक्त घेणंच माहीत आहे. एक स्री जेव्हा लहान कळी असते,तेव्हा आईच्या पोटातच तिला कुचलुन टाकले जाते. कशी तरी करत जन्म घेतलाच तिने ,तर कर्तव्याच्या बोझाखाली कोमेजुन टाकले जाते. आणि मोठेपणी हुंड्यापायी आईवडिलांना नकोशी झालेली मुलगी एखाद्या श्रीमंत वयस्काला विकुन टाकली जाते. आता काळ बदललांय जरी म्हणत असले तरी जमाना तोच आहे फक्त पद्धत बदललीय. स्वतःला सुशिक्षीत म्हणवणारा नवरा मुलगाही "आईवडिल म्हणतील तसंच" म्हणुन स्वतःची सुटका करुन घेतो. अशावेळी कोण घेईल पुढाकार स्रीला वाचवण्याचा? लग्नानंतर स्रीला पत्नीचा दर्जा मिळतो ,तरी ती माञ सतत काम करणारं यंञ बनुन जाते. तिचा दर्जा फक्त नावालाच राहतो. प्रत्येक वेळी,प्रत्येक ठिकाणी,प्रत्येक व्यक्ती तिला तिच्या कर्तव्याची जाणीव करुन देत असतो. पण स्वतःची कर्तव्ये कधी कुणी समजुन घेतलीयंत? पैसा कमवुन कुटुंब पोसणं हेच फक्त कर्तव्य नसतं तर कुटुंबातील प्रत्येक व्यक्तीचा मान सन्मान, त्यांच्या भावना सांभाळनं हेदेखिल पुरुषांचं एक कर्तव्य असतं . प्रत्येक वेळी पुरुषांकडुन स्रीच्या मनाची घालमेहल केली जाते. शब्दरुपी तलवारीने तिचे नाजुक मन घायाळ केले जाते. पण हेही लक्षात ठेवा की ,स्री ही शक्ती आहे. मनाने घायाळ झालेली स्री ही घायाळ वाघिणी सारखी असते. तिच्या मुखातुन निघणार्या अग्निज्वालांपासुन मग कुणीही वाचु शकत नाही.कारण ती जरी सहनशक्ती ची मुर्ती असली तरी क्रोधाची जननी देखिल आहे. म्हणुन स्रीचा सन्मान करा.व दुसर्यांनाही शिकवा. तरंच स्रीचे अस्तित्व अबाधित राहीन. जय महाराष्ट्र! रचना-सौ.अश्विनी कोल्हे.
30758 वाचन
💬 प्रतिसाद (170)

स्रुजा
Mon, 04/13/2015 - 22:00 नवीन
अग्गो बाई, अस्सं झालं का. काय बाई धाक त्या कपूवाल्यांचा! जाऊ दे हो, त्यांना काहीही म्हणू दे हीन-बिन. आपण आपले स्वयंघोषित तर्कनिष्ठ प्रतिसाद देत राहावं, कसे? तुमचे ही भरपूर अभिनंदन. इतका मुद्द्याचा (इथे असंबद्ध असला म्हणून काय झालं?) प्रतिसाद बघून डोळे आधी उघडले मग पाणावले वगैरे वगैरे...
↩ प्रतिसाद: प्रसाद गोडबोले

अजया
Mon, 04/13/2015 - 22:15 नवीन
एक नं प्रतिसाद!!बलिवर्दनेत्रभञ्जक का काय तसा ^_~
↩ प्रतिसाद: स्रुजा

प्रसाद गोडबोले
Tue, 04/14/2015 - 21:45 नवीन
फक्त दोनच प्रतिप्रतिसाद :( फारच अपेक्षाभंग झाला =))
↩ प्रतिसाद: अजया

पियुशा
Mon, 04/13/2015 - 22:21 नवीन
प्रगो दद्दा, आल्ली बग लाल मुंग्याची लांग , चावनाल बग टुला जास्त ची व ची व करचिन तर :प
↩ प्रतिसाद: प्रसाद गोडबोले

प्रदीप साळुंखे
Mon, 04/13/2015 - 22:55 नवीन
झाले काय?

प्रदीप साळुंखे
Mon, 04/13/2015 - 23:47 नवीन
झाले काय?

कॅप्टन जॅक स्पॅरो
Tue, 04/14/2015 - 09:25 नवीन
तो धागा वाचनमात्र केल नसता तर मी पकडुन बरेचं आयडी स्वर्गवासी झाले असते एवढी मस्ती केलीये त्या धाग्यावर. त्या धाग्यामुळेच बर्‍याचं मिपाकरांशी मी बोलायला लागलो ही मात्र खरी गोष्ट. कवियत्रीचे आभार. ;)
↩ प्रतिसाद: होबासराव

अद्द्या
Tue, 04/14/2015 - 15:42 नवीन
अरे काय केलंय ते तिथे . . चहा उडवला स्क्रीन वर वाचता वाचता हसल्यावर =)) =))
↩ प्रतिसाद: कॅप्टन जॅक स्पॅरो

कॅप्टन जॅक स्पॅरो
Tue, 04/14/2015 - 18:09 नवीन
सगळे जणं स्टेरॉईड घेउन आल्यासारखे वागत होते त्या दिवशी. बेक्कार हसलोय.
↩ प्रतिसाद: अद्द्या

किसन शिंदे
Tue, 04/14/2015 - 00:51 नवीन
स्त्रीमुक्तीचे, अस्तित्वाचे उमाळे अधून मधून यायचेच त्याला काही पर्याय नाही. अस्तित्व आहेच की, ते कुणी नाकारलंय का? कि प्रत्येकवेळी असं "आमचं अस्तित्व आमचं अस्तित्व" ओरडून सांगितलेच पाहीजे. असो! बाकी सर्व दंगा अपेक्षित!

संदीप डांगे
Tue, 04/14/2015 - 03:41 नवीन
आपल्या पहिल्याच प्रयत्नात अवघ्या बारा तासाच्या आत १०० प्रतिक्रिया घेऊन मिपावर नवा विक्रम स्थापित केल्याबद्दल बालवाडीतल्या कवयित्रीस एक बाराखडीचं पुस्तक देऊन त्यांचा सत्कार करण्यात येत आहे असं याठीकानी मी झाईर करतो. - तर्फे जेपीसाहेब आणि सत्कारसमितीचे कार्यकर्ते. विशेस आबार - मिपामापंकाढेमित्रमंडळ,

स्पंदना
Tue, 04/14/2015 - 05:48 नवीन
धागा वाचल्या वाचल्या मी हा प्रतिसाद टंकणार होते( होती म्हणु का?) पण उगा असुदे तिकडे म्हणुन मोह आवरला. बाईंचे प्रतिसाद वाचल्यावर मात्र आता रहावत नाही. सांगुनच सोडते. होय ना हो!! कित्ती ते अत्याच्यार स्त्रीवर म्हणते मी, बघा किनी तिची आईच म्हणते कधे एकदा मुलगा होइल हो मला, नवसाला पाव रे देवा!! हे होतय न होतय तोवर तीच आई म्हणते, घरच काम शिक पहिला, अन्यायच अन्याय...ते बाप प्रकरण आपल बसतय गुंडाळुन कोकराला लहान आहे म्हणुन, केव्ह्ढी कुचंबना.. मग काय मैत्रीणी कुजकट बोलतात, टोमणे हानतात त्यातन निघाव तर लग्नानंतर सत्कारासाठी सासू नणंद जावा उभ्या. कित्ती कित्ती तो छळ हो एका बाईचा आणि सगळ्यात कहर म्हणजे क्षणात बिच्चारी ही बाई दुसर्‍या क्षणी मोहरा फिरला की बिनधास्त स्वतः कुजकी नणंद, लावसट सासू आणी कजाग जाऊ पण होते हो.. काय साण्गाव रे देवा ह्या स्त्रीयांच्या दु:खाच.

पॉइंट ब्लँक
Tue, 04/14/2015 - 06:50 नवीन
इतका समजूतदार प्रतिसाद ह्या विषयावार पाहण्यात नव्हता. नशीब एका स्त्री आयडी ने दिलाय, नाईतर लै दंगा झाला असता!
↩ प्रतिसाद: स्पंदना

अत्रुप्त आत्मा
Tue, 04/14/2015 - 07:56 नवीन
+++१११ कोल्हेकाकू कुटं गेल्या आता? ;-)
↩ प्रतिसाद: पॉइंट ब्लँक

अश्विनि कोल्हे
Tue, 04/14/2015 - 10:17 नवीन
अहो अस्सं काय करता पॉईंट काका? हे शेणचुरी बनवायचं नि एन्जॉय करायचं काम फक्त तुम्हाला नि तुमच्या मिपा मित्रांनाच येतंय बघा. तुमच्या मित्रांची शेणचुरी कशी करायची याची तालिम घेणार आहे मी आजपासुन.
↩ प्रतिसाद: पॉइंट ब्लँक

पॉइंट ब्लँक
Tue, 04/14/2015 - 10:48 नवीन
तुमच्या मित्रांची शेणचुरी कशी करायची याची तालिम घेणार आहे मी आजपासुन.
अश्विनि आजी तालिम घ्यायच्या आधी रंगीत तालिम घेणार का? म्हणजे पुढे येणार्या काळासाठी मानसिक तयारी करता येइल :)
↩ प्रतिसाद: अश्विनि कोल्हे

पलाश
Tue, 04/14/2015 - 10:27 नवीन
स्पंदना प्रतिसाद आवडला. ही बाजु उजेडात आणल्याबद्दल अभिनंदन. :)
↩ प्रतिसाद: स्पंदना

कॅप्टन जॅक स्पॅरो
Tue, 04/14/2015 - 09:21 नवीन
मधे एका अबला नारीभगिनीने बसमधे एका म्हातार्‍याला उठवुन केलेला अपमान पाहिला आणि समस्त नारीवर्ग अबला आहे ह्याच्यावरचा विश्वास उडाला. तसचं एका लहान मुलाच्या चुकुन लागलेल्या धक्क्यामुळे त्याच्या कानफटात हाणणारी कॉलेजकन्यका बघुन वुमन एंपॉवरमेंट झालं आहे ह्याची खात्री पटली. असो. दोन्ही कडच्या बाजुंवर एखादी समतोल कविता कोणी पाडेल काय?

अत्रुप्त आत्मा
Tue, 04/14/2015 - 09:59 नवीन
सम तोल संम तोल कविता आम्मी पाडु एका बाजुला चकली दुसय्रा बाजुला लाडू! ;-) ..... जिल्बुचा ssss ये गं आता! :-D
↩ प्रतिसाद: कॅप्टन जॅक स्पॅरो

टवाळ कार्टा
Tue, 04/14/2015 - 10:36 नवीन
१०० कै २०० पन पर्तिसाद पाडू पन तुम्ही तोंड नका करू कडू यमके गुर्जींचा गेला कुठे तांब्या-गडू र ला ट लागले की संमं फिरवतात झाडू ;)
↩ प्रतिसाद: अत्रुप्त आत्मा

अश्विनि कोल्हे
Tue, 04/14/2015 - 10:49 नवीन
मि.स्पँरो, माफ करा तुमचे नाव टंक करतांना चुकली आहे.पण इलाज नाही.माझ्या मोबाइलच्या कळफलकावरुन बरेच शब्द टंक करायला जड जातात. मुद्दा हा की बसमध्ये एका वृद्धाला स्त्री ने मारतांना तुम्ही बघितलंय व लहान मुलाला कानफाडात लावतांनाही बघितलंय ,पण कधी एखाद्या सार्वजनिक ठिकाणी स्वतःच्या पत्नीलाच मारतांना कधीच नाही पाहीलं का तुम्ही? आणि बघितलंच तर यावर तुमची प्रतिक्रीया काय असेल? का प्रत्येक पतीला आपल्या पत्नीला बेदम मारण्याचा अधिकार आहे असं वाटतं तुम्हाला? आज स्त्रीयांचा आडदांडपणा बघुन तुम्हाला त्यांच्याबद्दल घृणा वाटतेय पण अनादी कालापासुन स्त्री सुद्धा पुरूषी बाणा सहनच करत आलीय ना.की स्त्रीयांनी नेहमी चप्पल बनुन रहावं असं वाटतं तुम्हाला? मान्य की सगळ्याच सगळेच पुरूष वाईट नाहीत पण खरं सांगा की आज किती टक्के लोक स्वतःच्या घरातच पत्नीला, मुलीला, बहीणीला, आईला सन्मान देतात? काय ही टक्केवारी ५०% च्या वर गेलीय? मी हेही मान्य करते की आजकाल मुलींनी लग्न करुन मुलांना लुटण्याचा व्यवसाय करून टाकलाय.पण कुठे न कुठे या सर्वांना पुरूषच जबाबदार नाही का? मी जे बोलले ते माझ्या डोळ्यांसमोर घडलेल्या घटनांवरूनच बोलले. मी स्वतःला भाग्यवान पण मानते की माझ्या बाबतीत असे काहीच नाही घडले म्हणुन डोळ्यासमोर घडलेलं विसरून जायचं का? अतृप्त काका तुमच्या खालच्या पातळीच्या टवाळखोरीला घाबरले नाही मी.पण confuse जरूर आहे की माझ्या पुढच्या कवितांवर देखील का तुम्ही असेच ताशेरे मारलेत तर कदाचित नविन कविता लिहीणं बंद होतं की काय? "वर कुणीतरी म्हटलंय,कुत्रंही विचारणार नाही माझ्या कवितांना" असली वाक्यं ऐकण्यासाठी नविन सदस्यांना add करते का मिपा. आणि शेवटी म्हणच आहे ती," कुत्र्यांच्या पेठेतुन हत्ती जायला लागला की कुत्री ही भुंकणारच.म्हणुन हत्तीने चालणं सोडायचं नसतं" Anyway तुमच्या प्रत्येकाच्या टवाळखोरीला उत्तर देत बसली तर नविन काही कधीच सुचणार नाही.
↩ प्रतिसाद: कॅप्टन जॅक स्पॅरो

प्रा.डॉ.दिलीप बिरुटे
Tue, 04/14/2015 - 10:59 नवीन
प्रतिसादांकडे दुर्लक्ष करा आणि लिहित राहा. तुम्ही प्रत्येक प्रतिसादाला उत्तर लिहित बसलात की एका प्रतिसादाला दहा उपप्रतिसाद येतील. प्रत्येक प्रतिसादात तुम्हाला चिडवायला काही तरी मिळेल. तेव्हा, तुम्ही कविता किंवा जो आशय लिहिलाय ना तेव्हा लिहिलं की सोडून द्यायचं. मस्त आभाळ भरुन आलंय मस्त कॉफीचा घोट घेत घेत सर्व प्रतिसाद हसत हसत इंजॉय करायचे. आता तुम्ही प्रतिसाद लिहु नका. कोणाला काय लिहायचं ते लिहु द्या. आणि एकदा रुळला ना की मग बिंधास्त लिहा. बाकी, फलटनही येईल तुमच्या मदतीला. ......असली वाक्यं ऐकण्यासाठी नविन सदस्यांना add करते का मिपा. मी अनेक नवीन सदस्यांना म्हटलं आहे की एकदा मिपाचे सदस्य झालात की एकदा मिपा समजुन घ्या. हळुहळु प्रतिसाद लिहा. मग त्यातली मजा तुम्हाला मिपावर घेता येईल, एकदम टोकदार झालात की मग जरा रुळायला वेळ लागतो. स्त्रीयांनी नेहमी चप्पल बनुन रहावं असं वाटतं तुम्हाला ? काही मिपाकरांना असंच वाटतं. दुर्लक्ष करा. :) -दिलीप बिरुटे
↩ प्रतिसाद: अश्विनि कोल्हे

अश्विनि कोल्हे
Tue, 04/14/2015 - 11:05 नवीन
धन्यवाद सर.
↩ प्रतिसाद: प्रा.डॉ.दिलीप बिरुटे

सस्नेह
Tue, 04/14/2015 - 16:03 नवीन
आमचापण तास कधी घेणार ? धन्यवाद सर .. स्वारी सर !
↩ प्रतिसाद: अश्विनि कोल्हे

पॉइंट ब्लँक
Tue, 04/14/2015 - 16:05 नवीन
अशी एक कविता लिवून १०० प्रतिसाद मिळवा मग विचार करतील ते. -:)
↩ प्रतिसाद: सस्नेह

कॅप्टन जॅक स्पॅरो
Tue, 04/14/2015 - 17:48 नवीन
तुम्ही आयडीचं वय १८ तास असताना सेंच्युरी मारायची कामगिरी केलेली नाही तस्मात तुम्ही स्कालरशिप ला एलिजिबल णाही.
↩ प्रतिसाद: सस्नेह

प्रसाद गोडबोले
Tue, 04/14/2015 - 21:47 नवीन
स्त्रीयांनी नेहमी चप्पल बनुन रहावं असं वाटतं तुम्हाला ? काही मिपाकरांना असंच वाटतं. दुर्लक्ष करा. :)
>>> =))))
↩ प्रतिसाद: प्रा.डॉ.दिलीप बिरुटे

टवाळ कार्टा
Tue, 04/14/2015 - 11:04 नवीन
अतृप्त काका आम्चे गुर्जी लाजून "काका मत कहो ना"* असे म्हणत आहेत असे चित्र डोळ्यासमोर आले =)) * संदर्भ - हम पांच...प्म्पम्प पांच
↩ प्रतिसाद: अश्विनि कोल्हे

ज्ञानोबाचे पैजार
Tue, 04/14/2015 - 11:11 नवीन
वा... एकच मारली पण काय मारली? इसको बोलते है करारा जबाब. ताई तुम्ही इथे रोज रतिब घालायला सुरुवात करा. शेवटी कंटाळुन का होईना हे असले विकृत, घाणेरडे, अहंकारी, पुरुषी मनोवृतीचे निर्लज्ज प्रदर्शन करणारे भडकाउ प्रतिसाद बंद होतील. सत्य कितीही कटु असले तरी सत्य हे सत्यच असते व त्याचे जगाला दर्शन झालेच पाहीजे. पैजारबुवा,
↩ प्रतिसाद: अश्विनि कोल्हे

पॉइंट ब्लँक
Tue, 04/14/2015 - 11:21 नवीन
विकृत, घाणेरडे, अहंकारी, पुरुषी मनोवृतीचे निर्लज्ज प्रदर्शन
I know all these words but not in that order!
↩ प्रतिसाद: ज्ञानोबाचे पैजार

वेल्लाभट
Tue, 04/14/2015 - 17:46 नवीन
Phhhhhhh
↩ प्रतिसाद: पॉइंट ब्लँक

अत्रुप्त आत्मा
Tue, 04/14/2015 - 11:25 नवीन
@अतृप्त काका तुमच्या खालच्या पातळीच्या टवाळखोरीला घाबरले नाही मी.>> नै हो तै!!! असे काहि माज्या मणी! उग्गीच्च कै..? कै तडी बोल्ता! दुत्त दुत्त! :-/ @पण confuse जरूर आहे की माझ्या पुढच्या कवितांवर देखील का तुम्ही असेच ताशेरे मारलेत तर कदाचित नविन कविता लिहीणं बंद होतं की काय?>>> Image removed.
↩ प्रतिसाद: अश्विनि कोल्हे

कॅप्टन जॅक स्पॅरो
Tue, 04/14/2015 - 11:37 नवीन
मि.स्पँरो, माफ करा तुमचे नाव टंक करतांना चुकली आहे.पण इलाज नाही.माझ्या मोबाइलच्या कळफलकावरुन बरेच शब्द टंक करायला जड जातात. मुद्दा हा की बसमध्ये एका वृद्धाला स्त्री ने मारतांना तुम्ही बघितलंय व लहान मुलाला कानफाडात लावतांनाही बघितलंय ,पण कधी एखाद्या सार्वजनिक ठिकाणी स्वतःच्या पत्नीलाच मारतांना कधीच नाही पाहीलं का तुम्ही? आणि बघितलंच तर यावर तुमची प्रतिक्रीया काय असेल? का प्रत्येक पतीला आपल्या पत्नीला बेदम मारण्याचा अधिकार आहे असं वाटतं तुम्हाला? आज स्त्रीयांचा आडदांडपणा बघुन तुम्हाला त्यांच्याबद्दल घृणा वाटतेय पण अनादी कालापासुन स्त्री सुद्धा पुरूषी बाणा सहनच करत आलीय ना.की स्त्रीयांनी नेहमी चप्पल बनुन रहावं असं वाटतं तुम्हाला? मान्य की सगळ्याच सगळेच पुरूष वाईट नाहीत पण खरं सांगा की आज किती टक्के लोक स्वतःच्या घरातच पत्नीला, मुलीला, बहीणीला, आईला सन्मान देतात? काय ही टक्केवारी ५०% च्या वर गेलीय?
जन्रलायझेशन जन्रलायझेशन म्हणतात ते हेच बरं. असो. पुढच्या वेळी दोघांच्या बाजु समतोलपणे मांडायचा प्रयत्न केलात तर जास्तं बरं होईल. तुमच्या कवितेमधे(??????????????????) किंवा तत्सम निबंधामधे तुम्ही फक्तं आम्ही अबला वगैरे लिहित बसलात तर तुमच्या कवितांवर अनाहिता सुद्धा तुटुन पडतील. प्रत्येक वेळी घडलेल्या घतनेमधे पुरुषाचीचं चुक असते काय? पुरुष घराबाहेर कुठल्याच ताणतणावांना तोंड देत नाही काय? पुरुष अबल/ हतबल असु शकत नाहीत काय परिस्थितीसमोर? कजाग बायकोचा त्रास पुरुषांना होत नाही का? ही बाजुही येउ दे की पुढं. तुम्हाला कविता लिहायला कोणीही अडवत नाहीये. फक्त अश्या विषयांवर एवढेवेळा फेमिनिस्ट कविता आर्टिकल्स आली आहेत की साहजिक आहे विरुद्ध पार्टी खवळणार आणि प्रतिसाद देणार.
अतृप्त काका तुमच्या खालच्या पातळीच्या टवाळखोरीला घाबरले नाही मी.पण confuse जरूर आहे की माझ्या पुढच्या कवितांवर देखील का तुम्ही असेच ताशेरे मारलेत तर कदाचित नविन कविता लिहीणं बंद होतं की काय?
त्यांनी कुठेही खालच्या पातळीवर जाउन टिका केलेली नाही. आणि ताशेरे म्हणाल तर त्यांनी एकट्यांनी मारलेले नाहीत तर ऑलमोस्ट सगळ्यांनी मारलेले आहेत, अगदी इथल्या स्त्री-आयडींनी सुद्धा. आणि त्यांना तेवढा अधिकार नक्कीचं आहे. कारण त्यांच्याकडे योग्य-अयोग्याचा विचार करायची क्षमता आहे. तस्मात क्षमता वाढवा.
आणि शेवटी म्हणच आहे ती," कुत्र्यांच्या पेठेतुन हत्ती जायला लागला की कुत्री ही भुंकणारच.म्हणुन हत्तीने चालणं सोडायचं नसतं" Anyway तुमच्या प्रत्येकाच्या टवाळखोरीला उत्तर देत बसली तर नविन काही कधीच सुचणार नाही.
मैंड युअर लँग्वेज. एवढ्या खालच्या पातळीवर जाउन तुम्हाला कोणी काही बोललेलं नाही. जरा बोलताना/ लिहिताना जपुन. मिपा वरती सुरुवातीला हे सगळ्यांबरोबरचं होतं. त्याची मजा घ्या. आणि जुन्या झालात की तुम्हीही तेचं कराल ह्याची खात्री देतो. असो. लिहित रहा. हळु हळु प्रगल्भता येतं जाईलचं. लोकांनाही तुमची लेखन शैली अंगीवळणी पडली की चेष्टा बंद करुन तुम्हाला अगदी भरभरुन प्रतिसाद देतील. धन्यवाद.
↩ प्रतिसाद: अश्विनि कोल्हे

अत्रुप्त आत्मा
Tue, 04/14/2015 - 11:59 नवीन
@मिपा वरती सुरुवातीला हे सगळ्यांबरोबरचं होतं. त्याची मजा घ्या. आणि जुन्या झालात की तुम्हीही तेचं कराल ह्याची खात्री देतो.>>> +++१११ मिसळपाव हे संस्थळ ऑस्ट्रेलियन क्रिकेट संघासारखंच आहे.. (त्याच्या निर्मितीपासून!) इथे शेरेबाजी/टीका/टींगलटवाळी सुद्धा हो ते च! पण त्याखेरिज तुम्ही तोडिस तोड निर्मिती केलीत्,तर तेव्हढच सकसकौतुक/प्रोत्साहन्/आशिर्वादंही मिळतात. तुमची ही कविता सुमार दर्जाची असल्यामुळे,तुम्हाला हे असले हार/तुरे मिळालेले आहेत. या पुढे काय मिळवायचं ते तुम्ही ठरवा.
↩ प्रतिसाद: कॅप्टन जॅक स्पॅरो

कॅप्टन जॅक स्पॅरो
Tue, 04/14/2015 - 17:49 नवीन
व्यनि करतो
↩ प्रतिसाद: वेल्लाभट

कपिलमुनी
Tue, 04/14/2015 - 15:18 नवीन
ही पण कविता छान आहे
↩ प्रतिसाद: अश्विनि कोल्हे