Skip to main content

जायचे आहेच तर जावेस आता ..

लेखक drsunilahirrao यांनी सोमवार, 06/04/2015 20:54 या दिवशी प्रकाशित केले.

जायचे आहेच तर जावेस आता
का असे वाटेत थांबावेस आता

मी तुला द्यावे असे उरले न काही
तू हवे तर दु:खही न्यावेस आता

ही किती तलखी जिवाची होत आहे
ग्रीष्म तू विझवून टाकावेस आता

संपवाया अंतरे माझ्यातुझ्यातिल
जवळ थोडे आणखी यावेस आता

अडथळ्यांना टाळणेही ठीक नाही
अडथळे मोडून काढावेस आता

मी प्रतिक्षेचा पुरावा काय देऊ
तू युगे चालून ठरवावेस आता

- डॉ.सुनील अहिरराव

लेखनविषय:
वाचने 1597
प्रतिक्रिया 8

प्रतिक्रिया

मदनबाण बुधवार, 08/04/2015 14:34

मी तुला द्यावे असे उरले न काही
तू हवे तर दु:खही न्यावेस आता
वाह्ह...

मदनबाण.....

आजची स्वाक्षरी :- Bhare Naina... :- { Ra One }

प्रा.डॉ.दिलीप बिरुटे गुरुवार, 09/04/2015 08:32

सुंदर.

अडथळ्यांना टाळणेही ठीक नाही
अडथळे मोडून काढावेस आता

मी प्रतिक्षेचा पुरावा काय देऊ
तू युगे चालून ठरवावेस आता

वरील ओळींना पैकीच्या पैकी मार्क दिले आहेत.

-दिलीप बिरुटे