आख्खा मसुर

मला खुप आवडतो म्हणून शिकलो कराडचा स्पेशल "आख्खा मसूर" साहित्य :- भिजवून फुललेले मसूर दीड वाटी (साधारण अर्धी-पाऊण वाटी कोरडे भिजवावे लागतील, ७-८ तासांसाठी) एक मोठा कांदा - बारीक चिरून एक मध्यम टोमॅटो - बा.चि. टोमॅटो प्युरे - दोन मोठे चमचे कांदा-लसूण मसाला - तिखटाच्या आवडीनुसार हिंग, हळद, मोहरी - फोडणीसाठी तेल, मीठ कृती मसूर कुकरमधे वाफवा. दाणे अखंड आणि वेगळे राहिले पाहिजेत. (म्हणूनच अख्खा मसूर नाव?) तेल तापवून फोडणी करा. कांदा लाल होईपर्यंत परतून घ्या. टोमॅटोही परता. टोमॅटो प्युरे घालून २-३ मिनिटे शिजवा. कांदा-लसूण मसाला व मसूर घालून आणखी २ मिनिटे शिजवा, जास्त कोरडे वाटत असेल तर थोडे कोमट पाणी घाला व नंतर झाकण लावून एक वाफ येउद्या. वाफ आल्यावर मीठ घालून मसूर मोडू न देता हलक्या हाताने ढवळून घ्या. अख्खा मसूर इज रेडी.