Skip to main content

रुसवा

लेखक ऊध्दव गावंडे यांनी सोमवार, 23/02/2015 00:41 या दिवशी प्रकाशित केले.

बरं नाई हे रुसनं
मुकं मुकाट बसनं
डोया भिळूनं डोयातं
थोळं गालात हासनं

असा कसा हा रुसवा
होटं टाकला शिऊनं
नको धरुस अबोला
देतं काऊनं भिऊनं ?

लाली दिसते साजरी
तुह्या फुगल्या गालाची
कायं फिकीरं सांगना
तुले माया या हालाची ?

अशी लाळा ची तू मैंना
तयं हातावर्ला फोळं
लाऊ जीवं मी कितीकं
सांगं कायं तुले थोळं ?

बस्सं झालं पुरं झालं
चाल्ला जीवं खोलं खोलं
देनं सोळूनं रुसवा
आता बोलनं गोळ गोळं

लेखनविषय:
वाचने 5884
प्रतिक्रिया 25

प्रतिक्रिया

श्रीरंग_जोशी सोमवार, 23/02/2015 10:18

कविता आवडली.

शेवटची ओळ वाचून 'सोनू, तुला भरवसा नाही काय' हे लोकगीत आठवले :-) .

मिसळलेला काव्यप्रेमी मंगळवार, 24/02/2015 14:21

अशी लाळा ची तू मैंना
तयं हातावर्ला फोळं
लाऊ जीवं मी कितीकं
सांगं कायं तुले थोळं ?

अतिशय सुंदर... पार आतून आलेली दिसतेय...

प्रचेतस मंगळवार, 24/02/2015 21:26

मस्त. आवडली कविता.

गोनीदांची 'पूर्णामायची लेकरं' वाचल्यापासून वर्‍हाडी बोली अधिकाधिक आवडायला लागलीय.

मदनबाण शुक्रवार, 27/02/2015 06:21

लाली दिसते साजरी
तुह्या फुगल्या गालाची
कायं फिकीरं सांगना
तुले माया या हालाची ?
झ-का-स ! :)

मदनबाण.....

आजची स्वाक्षरी :- राती... अर्ध्या राती... असं सोडुन जायाचं न्हाय ! ;) { बेLa }