चॉकलेट चा बंगला अजून
आठवतो का हळूच मनात
खरं खरं सांगा बरं
गोष्ट राहील आपल्या आपल्यात...
लहानपण जर जपलं असेल
. बिस्किटांची गच्ची दिसेल
टॉफीच्या दारामधली
झुपकेवाली खार दिसेल ...
लेमनच्या खिडकीमधून
. उंच उंच झोका दिसेल
झोक्यावर बसलात तर
मैनेचा पिंजरा दिसेल
चॉकलेट डे च्या दिवशी आज
पुन्हा ऐकदा बंगला दिसला
तुझीच वाट पहात होतो
असं म्हणून हळूच हसला ...
चॉकलेट च्या या बंगल्यामध्ये
तुम्ही सुद्धा जाऊन या
बालपणीच्या आठवणी त
फेरफटका मारून या!
प्रतिक्रिया
15 Feb 2015 - 1:17 pm | एस
पाडगावकरी शैलीतील एक अतिशय हृद्य म्हणावी अशी कविता.
15 Feb 2015 - 2:35 pm | कवितानागेश
कित्ती गोड
15 Feb 2015 - 3:00 pm | सानिकास्वप्निल
किती सुरेख आहे गं :)
15 Feb 2015 - 6:04 pm | सविता००१
आले फिरून सगळा चॉकलेटचा बंगला तुझ्याबरोबर.
छानच कविता. :)
15 Feb 2015 - 10:08 pm | मित्रहो
कविता आवडली आणि चॉकलेटचा बंगला देखील आठवला.
15 Feb 2015 - 11:11 pm | रेवती
कविता आवडली. कुठेतरी मनाच्या मागच्या कप्प्यात राहिलेला चॉकलेटचा बंगला आठवला.
15 Feb 2015 - 11:59 pm | होकाका
बोलकं गाणं. हेसुद्धा आणि मूळ गाणं सुद्धा. "ऐकदा" शब्द बहुदा चुकला असावा. तरीही छान वाटला - एक नविन अर्थ लागला - ऐक + एकदा = ऐकदा
16 Feb 2015 - 3:00 am | स्रुजा
खूप गोड कविता . आणि साध्या शब्दांत खूप काही सांगणारी :)
16 Feb 2015 - 4:21 am | स्पंदना
हॅलो हॅलो करायला छोटासा फोन!!
:( गाण पुन्हा ऐकायच आहे.
16 Feb 2015 - 7:52 am | अत्रुप्त आत्मा
@हॅलो हॅलो करायला छोटासा फोन!! >>> +++१११
फ़क्त त्यात- "शोताशा फोन " -असे त्या चोकलेट पेक्षा गोssssड उच्चार आहेत!
16 Feb 2015 - 8:27 am | अजया
खरंच खूप गोड कविता आहे.आवडली गं.
16 Feb 2015 - 7:39 pm | इशा१२३
आवडल
16 Feb 2015 - 7:55 pm | ज्योति अळवणी
खरच आठवला चॉकलेटचा बंगला. ते लहांपण आठवल
17 Feb 2015 - 10:38 am | मदनबाण
कविता फार आवडली... :)
मदनबाण.....
आजची स्वाक्षरी :- आद्य आम आदमी