खारघर टोल नाका

आम्ही टोलचे बांधकाम सुरु झाल्यापासुनच पळस्पा,उलवा,पामबिचरोेड वापरायला लागलो आहोत.किंवा कळंबोली सर्कल,उजवीकडे वळुन तळोज्याच्या रस्त्याने खारघर मध्ये शिरतो.
याच टोलचं राजकारण करुन पनवेलच्या निवडणूका झाल्या!त्या झाल्यावर टोलधाड अपेक्षित होतीच.ती पडली एकदाची.

ठाण्याहून पुणे अथवा कोकणात जाणारांसाठी -

भिवंडी बायपास रोड - (टोल भरून) मुंब्रा रेतीबंदर - शिळफाटा - तळोजा - (हाच रस्ता पुढे लेखात दिलेल्या क्रमांक १ ह्या पर्यायाच्या रस्त्याला येऊन मिळतो).

ह्यामुळे काय होते?

टोल वाचतो? नाही (एक वाचतो, दुसरा येतो)
अंतर कमी होते? नाही (२-४ किमी इकडे-तिकडे)
वेळ वाचतो? नाही
तळोज्याच्या 'नॅशनल'ची बिर्याणी खायला मिळते? होय

मंडळी, निवडा पर्याय!!

छान माहिती...!!

२) पेण/ अलिबाग/ कोकणात जाण्यासाठी …....हा रस्ता मोठी जुई , चिरनेर मार्ग तुम्हाला सरळ पनवेल - पेण रस्त्यावर कर्नाळा पाशी आणून सोडेल
परवा चिपळूणवरून येत असताना मी या मार्गाचा वापर केला. मी पेण-कर्नाळ्याच्या मध्ये असलेल्या टोलनाक्यावर यू टर्न मारून चिरनेर/उलवे वरून पामबीच मार्गे वाशीला आलो. हेच जर कर्नाळा-पनवेल मार्गे आलो असतो तर फक्त ४ किलोमीटर जास्तीचे पडले असते पण चिरनेरवरून आल्याने वेळ खूप वाचला असे वाटले.

कोल्हापुर पॅटर्न वापरता येईल का ?

दुसरा रस्ता मी स्वतः वापरलेला आहे.
पाम बीच - जे एन पी टी - तर नेहमीचाच आहे. इथे ३० रुपये टोल लागतो पण रस्ता लोणी आहे.
मी शक्यतोवर खारघर वरून जात नाही गेल्या महिन्यात मात्र तो नवीन रस्ता झाला असल्याने गेलो होतो. टोल नव्हता म्हणून.
हा पाम बीच - चिरनेर - पेण रस्ता

मुख्य करून विकेंडला / लागून आलेल्या सुट्ट्यांच्या वेळी जेंव्हा पुण्या कडे जाण्यासाठी वाहनांचा ओघ वाढलेला असतो

यांना पुण्यात शिरायला बंदी घालता येईल का? सध्या पुण्यात वीक एन्ड ला एम एच १ ते ४ गाड्या फारच दिसतात. उगीच ट्रॅफिक जाम करतात. तिकडं मुंबईतच मरायला काय होतं?

https://www.loksatta.com/mumbai-news/mns-vandalised-kharghar-toll-plaza…

हा टोल होणार नाही, म्हणून चाकणफाट्याच्या टोलनाक्याचे दर वाढवले होते, ते पूर्ववत करणार का???

https://m.youtube.com/watch?v=LzWtB1yxDcw

तिसर्‍या मुंबैत स्वागत.

उळवे रस्ता आता आठ किंवा दहा प्दरी होणार आहे. कदाचित त्यावरही टोल लागेल.

आजच्या लोकसत्ता मधल या विषयावरच संपादकीय भारी आहे . राजवट बदल्याने आपले प्रश्न चुटकीसरशी सुटतील असे वाटणार्या भाबड्या लोकांनी तर जरूर वाचाव

https://m.loksatta.com/aghralekh-news/fadnavis-govt-u-turn-from-toll-fr…

आपण एकत्र होऊन कधी लढलोच नाही ! हे वाक्य सद्ध्या टीव्हीवर घुमतंय. लोकमान्यांनी म्हटलेलं हे वाक्य इतकं खरं आहे की त्याची प्रचीती रोज रोज येते.

मुळात आपण लढत नाही. गळ्याशी पाणी आल्याशिवाय हातपाय हलवत नाही. टोलचंच बोलू. कोल्हापूर पॅटर्न म्हणा किंवा आणि काही. पण कोल्हापुरात आले ना लोक एकत्र? दिला ना हिसका? इथे का नाही होऊ शकत? इच्छा नाही.

का नाही एक दिवस फेसबुक व्हॉट्सॅप वर असा संदेश फिरत आणि का नाही एक दिवस हजारोंचा जनसमुदाय आपापल्या गाड्या घेऊन खारघर टोल नाक्यावर जात? का नाही तिथे गाड्या बंद करून शांतपणे बसून रहात? का नाही टोल, पोलिस, शासन सगळ्यांचं धाबं दणाणून सोडत काहीही न बोलता तोडता?

उत्पन्नातले ३० टक्के शासनाला द्यायचे. आणि शिवाय मूलभूत सोयींना पैसेही मोजायचे? कुठला हिशोब आहे? असो.
या संदर्भात एक ब्लॉगपोस्ट लिहिली होती आज, पण इंग्रजीत आहे. त्यामुळे फक्त दुवा देतो इथे. बाकी काहीतरी केलं पाहिजे. १० जण जरी आले एकत्र तरी पुढचे १०० येतील. १००० होतील.

https://www.apurvaoka.com/2015/01/protest-unity-toll-mumbai.html