छायाचित्रणकलेच्या १७५ व्या वाढदिवसानिमित्त स्पर्धा क्र. ५: "भूक"

हा फोटो एकदा मिपा वर ख.फ. वर टाकला होता. नियमात बसत असेल तर ठेवावा.

पैजारबुवा,

झारखंड मध्ये प्रवास करताना झुमरी तलय्या नावाचं गाव लागलं. तोवर हे गाव मला रेडिओ स्टेशनने निर्माण केलेलं काल्पनिक गाव वाटत होतं :-) तिथं एका प्रचंड पुलाचं काम चालू होतं आणि त्या सगळ्या गोंगाटात हा युवक मग्न होता स्वतःच्या (आणि घरच्यांच्या) भुकेची तजवीज करण्यात.

ताम्हिणी घाटात.

..........

'भूक' म्हटलं की माझ्या डोळ्यासमोर येते एक आर्त खोल जाणीव. एक खिन्न प्रश्नचिन्ह. भकास. भावनाशून्य. असं काही टिपणारं छायाचित्र आहे का कोणाकडे? छायाचित्रण ही मुळात एक संवादाचे माध्यम आहे. कुठल्याही इतर कलेप्रमाणेच, पण तुलनेने जास्त वास्तव. संवादाची मूळ प्रेरणा अभिव्यक्ती. त्या दृष्टीने विचार करणारी काही छायाचित्रे येतील अशी मला अपेक्षा आहे.

म्हणजे, इथे ते अपेक्षित असेल किंवा नसेल, मी फक्त मला काय वाटले ते सांगितले.

तीन वर्षांपूर्वी टू हार्बर्स मिनेसोटा येथील सहलीच्यावेळी तेथील लाईटहाऊसजवळ Mini Pretzel खाताना हि खारूताई दिसली. खरं तर हे तिच्यासाठी Junk food आहे.

EXIF: Canon SX30 IS; Exposure: 1/320; F Stop: f/5.8; ISO: 400

अवांतर - "भूक लागल्यावर खाणे ही प्रकॄती, भूक नसताना खाणे ही विकॄती, भूक असतानाही आपल्या वाटच्या भाकरीतली अर्धी दुसर्‍या भुकेल्याला देणे ही सत्कृती". हे वचन यानिमित्ताने आठवले. बहुधा विनोबा भावे किंवा व पु काळे यांचे ते वचन आहे.

असेच.

माणसाला प्राण्यांहून वेगळेपण देणारी भूक....सहजीवनाची...प्रेमाची...आनंदाची भूक

माझी प्रवेशिका . . .

फोटो नाहीये पण एक ताजी आठवण आहे.

आत्ता काही महिन्यांपूर्वी पुण्यात शिरूरला लग्नाला गेलो होतो. लग्न संध्याकाळचं होतं, त्यामुळे साहजिकच जेवणावळी दुपारी ठेवलेल्या होत्या. आम्ही कार्यालयात पोचेपर्यंत संध्याकाळचे चार वाजले होते तेव्हा जेवणाची शेवटची पंगत सुरू होती. आमचे दुपारचे जेवण बाहेरच झाले होते, त्यामुळे लग्नात जेवणार नव्हतो. तिथे कार्यालयात सहज फिरता फिरता काही वेळाने जेवणाच्या हॉलबाहेर येऊन पोचलो. तिथे कचर्‍याच्या ठिकाणी ताटात उरलेल्या अन्नाचा प्रचंड मोठा ढिग जमा झाला होता. साहजिकच एवढा मोठा ढिग पाहून धक्का बसला आणि त्याहूनही मोठा धक्का बसला जेव्हा नजर त्या ढिगापलीकडच्या नेहमी बंद असणार्या गेटवर गेली. तिथे गेटच्या पलीकडे त्या फेकून दिलेल्या अन्नाच्या ढिगार्‍याकडे आशाळभूतपणे पाहणारी फासेपारध्यांची म्हणा वा भटक्या जमातीतली पाच ते दहा वर्षांची काही मुले उभी होती. प्रचंड मोठा विरोधाभास!

जेवणाची वेळ टळून गेली होती तरीही, 'लग्नाला आलोय ना? मग आहेराच्या पाकिटाचे पैसे वसूल करायचेच या मानसिकतेतून काही लोकं बळेच जेवत होती. पाच वर्षाचे मुल, ज्याला स्वत:च्या हाताने नीट खाताही येत नाही त्यासाठी वाढप्यांना बायका वेगळं ताट वाढायला सांगत होत्या. दोन पदार्थ खाल्ले की, बाकीचे सगळे वायाच! एकीकडे मिळतंय म्हणून सारासार विचार न करता वाया घालवण्याची प्रवृत्ती, तर दुसरीकडे एकावेळचं जेवणही पोटभर मिळत नाही म्हणून मातीतल्या अन्नालाही उचलून खाण्याची लाचारी. :(

ते सगळं चित्र आता या स्पर्धेच्या निमित्ताने डोळ्यासमोर उभं राह्यलंय.

मला पण भूक लागलीये गं! का एकटीच खाणारेस सगळं?

घराच्या गॅलरीतून काढलेला फोटो असल्याने गज वगैरे मधे येत होते. तेवढा भाग क्रॉप केला आहे. बाकी exif data म्हणजे गेल्या वेळप्रमाणे property मधून देत आहे-

Camera Make and Model- Fujifilm FinePix HS25EXR

F-stop - f/4.5

Exposure Time- 1/350 sec.

ISO Speed- ISO 640

एवढे बास का? कारण अजून बरंच काय काय दिसतंय Properties मध्ये....

थंडीच्या दिवसांमध्ये एकदा संध्याकाळी उरलेला ब्रेडचा तुकडा गॅलरिच्या कठड्यावर ठेवला होता. रात्रीतून मस्त बर्फ पडला तरीही सकाळी खारुताई नाश्ता करायला हजर ! बर्फात लडबडलेला ब्रेड खाणारी खारुताई मी मात्र घरात बसून गरमागरम चहा घेत काचेच्या आडून टिपली :)

स्थळ : मिशिगन

( information as per the file data from Google Photo album, no processing at all)
Dimensions 2048 x 1536
File name DSC03897.JPG
File size 256.25K
Camera DSC-H10
Lens -
Focal Length 63mm
Exposure 1/60
F Number f/4.4
ISO 400
Camera make SONY
Flash Not used

सगळेच फोटो मस्त आहेत

खिडकीतल्या गांडूळखताच्या पेटीवरील फणसाच्या आठळीचा आस्वाद घेताना खारूताई
चित्र उपलब्ध नाही

मध्यप्रदेशातल्या जंगलात झाडांच्या खोडांवर सिंगडा नावाचा किडा सापडतो. पक्ष्यांचे तो आवडते खाद्य आहे. एक सिंगाडा तोंडात उडवताना.

चित्र उपलब्ध नाही

'द वॉक ऑफ लाईफ'

Sony Cybershot DSC-W50
Aperture - F 4.5
Shutter Speed 1/400
ISO 80
Focal Length 14mm
Exposure Comp 0

मस्त चित्र येताहेत! ४ दिवस आहेत. अजून काही कल्पक चित्रे येऊ द्या!

ह्या बाईसाहेब नायगारा धबधब्या जवळ फलाहार करत होत्या.
EXIF details
Nikon Coolpix 800 C
f/5.6
1/30
34mm
200 ISO

सगळीच छायाचित्रे सुंदर , मला कन्फ्युजड अकाउंट चे चित्र विशेश आवडले :)

एक से एक बढिया फोटुज आहेत ! :)
सवड मिळताच जुने काढलेले फोटो शोधतो... पाहतो काही सापडतय का या विषयाला... :)

मदनबाण.....

आजची स्वाक्षरी : Make In India

ओकांरेश्वरच्या मंदीरात जाण्याआधी भोलेनाथांसाठी हार,बेल,फळ इं घेतले आणि ती पिशवी बायडीच्या हवाली केली... अचानक वरचे मर्कट महाशय कुठुन तरी प्रगट झाले ! आणि बायडीच्या हातची पिशवी ओढुन घेतली,त्यातुन हार बाहेर काढला आणि फस्त करुन टाकला. हार फस्त करण्याच्या आधी पटकन या मर्कट महोदयांचा फोटु टिपला. बाकी बायडी ने या घटनेचा बर्‍यापैकी धसका घेतला होता ! :P { माझ्या निरिक्षणा प्रमाणे असा कुठलाना कुठला जीव असतोच ज्यांचा स्त्रीयांना धसका / भिती / दहशद वाटत असते... ;) }

मदनबाण.....

आजची स्वाक्षरी :- राजा तू बन जा मेरा दादला... ;) { Vaishali Samant composed by Avadhoot Gupte }

फोटो नाही, पण "भूक" साठी एक ऐड्या.

टीव्हीसमोर सोफ्यावर एक दांपत्य बसलेलं आहे. हातात ताटं. नावरयाचं ताट जेवण संपून रिकामं झालं आहे. बायकोच्या ताटात काही पदार्थ उरलेत, पण तिचं त्याकडे लक्ष नाही, ताट तिरकं झालंय.

नवरा बायको टीवी बघण्यात देहभान हरपून बसले आहेत. खोलीत अंधार - टीवीच्या पाठीमागून काढलेला फोटो - टीवीचा प्रकाश चेहेर्यावर परावर्तित झाला आहे.