गजरा

नाजूक रेशीमगाठीनी फुला फुलां ना गुंफिले होते
तुझ्यासाठीच फुलांनी आयुष्य वेचिले होते ।।

ठाऊक त्यांना आयुष्य त्यांचे क्षण भंगूर होते
परी केसांवरी तुझ्या झुलायचे भाग्य थोर होते ।।

भाग्य कुणाचे कुणी जाणिले,ललाटावर लिहीलेले
तुझ्यासवे फिरायचे ते दिवस फुलांच्या गजर्‍याचे होते ।

नशीबाने ना साथ दिली फुल होऊनी फुलण्याची
गजर्‍यात गुंफूनी झुलण्याची केसांवरी तुझ्या झुलूनी
सौदर्य तुझं खूलवायची ।

नशिबाला ही ते उशीरा कळले फुल होउनी फुलायचे होते
गजर्‍यात गुंफूनी झुलायचे होते आयूष्यच माझे गजर्‍यात गुंफायचे होते ।।

»» सुर्या ««