संयमी जगज्जेता!!

आनंदचे एक महत्त्वाचे वैशिष्ठ्य असे की तो अतिशय शांत असतो. जिंकल्यानंतरही अभिनिवेषपूर्ण हातवारे, हावभाव, प्रतिस्पर्ध्याला नजरेने आणि बॉडीलँग्वेजने कमी लेखणे हे प्रकार तो करत नाही! काय बोलायचे ते तो पटावरच बोलतो आणि मला हे फार महत्त्वाचे वाटते. त्याची नम्रता, त्याचा साधेपणा आणि संयम ह्याने त्याचे विजेतेपद अधिक झळाळून दिसते हे निश्चित!

:)

>>>>५ बुद्धीबळ ऑस्कर्स मिळवणार्‍या आनंदने तिसर्‍यांदा जागतिक विजेतेपदाचा मुकुट आपल्या डोक्यावर चढवला आहे!
त्याला सर्व भारतीयांतर्फे मानाचा मुजरा!!

आमचा ही मानाचा मुजरा :)

परफेक्ट वर्णन.
(तुम्ही बुद्धीबळात पटाईत खेळाडू दिसताय).

वि. आनंद च्या या भरघोस यशाबद्दल त्याला मानाचा मुजरा.

....बबलु

आनंद जगज्जेता झालेला असतो!! जगभरातल्या सर्व भारतीयांच्या दिवाळी आनंदात अजून एका धमाकेदार आणि दैदीप्यमान अग्निबाणाची भर पडलेली असते!!

वा!

बक्षीसाच्या रकमेकडे बघून का होईना पण भारतात बुद्धीबळाला आता क्रिकेटप्रमाणेच महत्त्व प्राप्त व्हायला हरकत नाही!

माझ्या मते इथे महत्व प्राप्त होण्याचा सवाल नाही. बुधिबळ आणि क्रिकेट ह दोन्ही पूर्णत: वेगळे खेळ आहेत आणि दोन्हींमध्ये खूप मौज आहे. महत्व आहे ते ग्लॅमरला आणि त्या बाबतीत क्रिकेट बुद्धिबळाच्या काहीच्या काहीच पुढे आहे.. आज सचिनला किंवा लाराला जे ग्लॅमर आहे ते आणि तेवढं ग्लॅमर कुणाच बुद्धिबळपटूला नाही. सचिन, लारा, सर आयझॅक अलेक्झंडर व्हिव्ह्यन रिचर्डस, सर डॉन ब्रॅडमन ही मंडळी जशी आपली वाटतात तसे आनद, क्रॅमनिक आपले वाटत नाहीत. आज आमच्या परळ-लालबागचा एक आम मनुष्य लाराची किंवा ऍडम गिलक्रिस्ट फटकेबाजी जशी एन्जॉय करू शकतो तसा आनंदचा खेळ नाही एन्जॉय करू शकत! :)

तेव्हा क्रिकेटकी तो बातही अलग है..! शिवाय क्रिकेट हा असा एकमेव खेळ आहे ज्यात ऍट अ टाईम एक विरुद्ध अकरा किंवा फार फार तर दोन विरुद्ध अकरा असा सामना सुरू असतो! जगातल्या इतर कोणत्याच खेळात ही गंमत नाही. कबड्डीचं उदाहरण एक वेळ देता येईल! तरीदेखील क्रिकेट ते क्रिकेट बॉस! उसकी अपनी एक शान है..! :)

आपला,
(क्रिकेटवेडा भारतीय) तात्या.

हा पराक्रम गॅरी कास्पारोवलाही जमलेला नाही!

हम्म! परंत गॅरी आता जागतिक स्पर्धेत खेळतच नाही असं ऐकलं आहे! आणि खुद्द गॅरीने आनंदला अनेकदा धूळ चारली आहे असे ऐकून आहे! गॅरी जर या स्पर्धेत उतरला असता तर त्याने आनंदची पंचाईत करून ठेवली असती..!

आपला,
(गॅरी कास्पाराव प्रेमी) तात्या.

भारतात दिवाळी झोक्कात आणि दणक्यात साजरी झाली .. जोरदार आतिषबाजी झाली! सर्वांची दिवाळी द्विगुणित आनंदाने उअजळून निघाली.
आनंदने दिलेला आनंद हा दिवाळीच्या आनंदापेक्षा मोठा आहे..
विश्वविजेता विश्वनाथन आनंद... त्याच्या नावातच विश्व नाथ म्हणजे विश्वाचा नाथ आहे.
हॅट्स ओफ टू हिम..
- (सर्वव्यापी)प्राजु
https://praaju.blogspot.com/

सुरेख लेख...
आनंदचे अभिनंदन....

मदनबाण.....
"Hinduism Is Not a Religion,It Is a Way Of Life."
-- Swami Vivekananda

आनंद जग्गजेता झाला म्हणण्याऐवजी त्याने ते आपल्याकडे राखले हे वाचून झालेला आनंद काही और आहे. कारण अजिंक्यपद मिळवणे जितके कठीण असते त्याहीपेक्षा ते राखणे अजून कठीण असते आणि आनंदने ते राखले म्हणूनही जास्त आनंद झाला.
रंगाशेठ अतिशय सहजसुंदर भाषेत तुम्ही लिहीलेल्या ह्या लेखातून आपले बुद्धिबळाच्या बाबतीतले तांत्रिक विश्लेषणाचे ज्ञान दिसून येते . त्यालाही सलाम!

समयोचित जाणकार लेखन.
आनंदचे अभिनंदन!

आनंदचे वर्णन आवडले. आता बॉनच्या त्या हालंच्या आजूबाजूने जरी गेले तरी इथे आनंद जिंकला हे आठवून फार वेगळेच छान फिलिंग येईल.
( म्हणजे आता लवकरच भ्रमणमंडळ बॉनला जायला हवं, फ्राफु ते बॉन काही फार अंतर नाही,:))
स्वाती

लेख आवडला. वर्तमानपत्रातल्या बातमीच्या १० ओळींपेक्षा कितीतरी सरस.

आवडला लेख.

संयमी जगज्जेत्याबद्दल एका जाणकाराकडून एक चांगले विश्लेषन !!!

आनंदचा आनंद आहेच :)

-दिलीप बिरुटे

खुद के साथ बाता, चतुरंग आपल्याला बुद्धीबळ, डाव लिहायचे शिकवू शकतो का ? मिपावर त्यावर क्रमशः लेख ? वगैरे काही...

वा वा.. लगेच लेख आलेला पाहून आनंद झाला...आभार !
लेख छान.. त्यांच्या लढतीचे वर्णन छानच आहे.

जिंकल्यावर रक्कम सुद्धा घसघशीत आहे :)
बुद्धीबळाचा खेळाडु होण्याचे टप्पे, सुरुवात कशी करावी, या बद्दल माहिती वाचण्यास उत्सुक आहे ;)
--लिखाळ.

रंगाशेठ लेख आवडला.

आनंदमुळे बुद्धीबळ, पेस-भुपती मुळे टेनिस या खेळांना भारतात नक्कीच विशेष प्रसिद्धी मिळाली आहे.

रंगाशेठ, प्रतिसाद टंकायला उशिर झाला, मापी द्या.

अतिशय योग्य आणि समर्पक शब्दात या लढतीतला थरार उभा केला तुम्ही. बुद्धिबळ हा असा खेळ आहे की शारिरीक हालचाल सर्व खेळांमधे सर्वात कमी असते पण मानसिक युद्ध हे चरमसीमेवर असतं. स्वतः बर्फासारखं थंड राहून प्रतिस्पर्ध्याला कसं विचलित करायचं हे या खेळाचं एक खूप मोठं अंग आहे.

तुम्ही ग्लॅमर आणि बक्षिसाच्या रकमेबद्दल लिहिलंय तेही पटलंच. दुर्दैवाने आज किती लोक खेळासाठी खेळ खेळतात हा एक संशोधनाचाच विषय ठरावा. बहुतेक लोक केवळ पैसा आणि ग्लॅमर मुळे एखाद्या खेळाकडे ओढले जातात. ही आजची वास्तवता आहे. त्या मुळे बुध्दिबळासारख्या खेळात एवढे पैसे मिळायला लागले तर भारतात पण नक्कीच लोक अजून ओढीने या खेळाकडे वळतिल. बाकी क्रिकेट विरुद्ध बाकी खेळ हा एक अनादि अनंत चर्चाविषय आहेच.

चतुरंग, तुमच्याकडून अजून १-२ अपेक्षा :)

०१. लिखाळने लिहिल्या प्रमाणे बुद्धिबळावर, एक खेळ म्हणून एखादी लेखमाला वगैरे लिहाल का? साला, या खेळाबद्दल नेहमीच आकर्षण वातत आले आहे पण कधी जास्त खेळलो नाही. अजूनही शिकता येईल.

०२. तात्याने कास्पारॉव्हचा उल्लेख केला आहे. माझ्या माहितीप्रमाणे आनंद कधी कास्पारॉव्हला भारी पडलेला नाहिये. अर्थात कास्पारॉव्ह आता खेळत नाही आणि कोणत्याही कारणास्तव आनंदच्या कामगिरीला कमीपणा येऊ शकत नाही. पण कास्पारॉव्ह असता तर आनंद कुठे असता? आनंद आणि कास्पारॉव्ह मधे तुलना केली तर कशी होईल?

बिपिन कार्यकर्ते

लेख आवडला! अगदी मस्तच!! धन्यवाद!!!

(चतुरंग आणि इतरही मिपाकर - चुभूद्याघ्या ... १० व्या डावात मात स्वीकारल्यानंतर "चला... हरलो बाबा एकदाचा!" असे काहीसे उद्गार आनंदाने काढल्याचे वाचले होते. नेमका तपशील कोणाला मिळाल्यास कृपया पोहचवावा!)

- चतुरंग एकलव्य

त्याची नम्रता, त्याचा साधेपणा आणि संयम ह्याने त्याचे विजेतेपद अधिक झळाळून दिसते हे निश्चित

नक्कीच!

आनंद जगज्जेता झाला ही बातमी न्यूज चॅनेलवर पाहिलीच होती. पण तुम्ही या खेळीचे एकदम सुंदर तंत्रशुद्ध वर्णन करून सांगितलेत.
त्याच्या या भरघोस यशाबद्दल त्याला मानाचा मुजरा.