Skip to main content

पंक्चरवाल्यांची चालुगिरी

लेखक राजेंद्र मेहेंदळे यांनी बुधवार, 08/10/2014 13:44 या दिवशी प्रकाशित केले.
मंडळी आपल्या सर्वांनाच हा अनुभव कधी ना कधी आला असेल.आणि त्या त्या वेळी "अडला नारायण गाढवाचे पाय धरी" या उक्तीनुसार आपण तो प्रसंग विसरुन गेला असाल. प्रसंग १-स्थळ-हिंजवडी वेळ-रात्री १० ऑफिसमधुन निघायला जरा उशीरच झाला होता.बाईक काढली आणि सूम निघालो. रस्त्यात ट्रॅफिक नव्हते त्यामुळे लवकर घरी पोचायची आशा होती. डी मार्ट पार केले आणि लक्षात आले काहीतरी गडबड आहे. गाडी डग मारतेय. हवा भरायला थांबलो. हवा भरता भरता पोराने घोषणा केली..साब गाडी पंचर हे..बनाना पडेगा...काय करणार?निमूट मेन स्टॅण्ड्ला घेतली आणि त्याने टाकलेल्या खुर्चीवर बसलो.मागचे टायर पंक्चर होते. त्याने अजुन एका पोराच्या मदतीने पटपट बोल्ट काढले आणि ट्युबमध्ये हवा भरुन चेक करायला घेतले.मी बाजुलाच उभा राहुन बघत होतो.पाहता पाहता बेट्याने ४ पंक्चर खडुने दाखवले.म्हणजे किमन १२० रुपयाला फटका.त्याच्या मदतनीसाने लगेच मशीन गरम करायला लावले आणि पंक्चर काढायची तयारी केली. तोवर पहील्याने काळजीपुर्वक टायर चेक करायला घेतला.गप्पा मारता मारता "गाडी कितना साल हुवा?" (प्रत्येक टायरवाला हा प्रश्न विचारतोच्..त्याचे कारण माहीत नाही.) वगैरे विचारतानाच त्याने २ ठीकाणी टायर कट झालेला दाखवला. वरती एक छोटा खिळा काढुन दाखवला. मग २ प्रकारचे रबरी पॅच दाखवले..त्यातला मोठा (आणि जास्त किंमतीचा) गळ्यात मारला. असे करुन ४२० रुपये उकळले (मला ४२० बनवले). रात्री सव्वाअकरा वाजता घरी पोचलो. प्रसंग २-स्थळ-वाकडेवाडी वेळ-दुपारी १२ तपशील थोड्या फरकाने सेम. ६०० रुपयाला फटका. एकदोनदा मी फक्त ट्युबचे पक्चर काढुन घेतले..पण टायरला पॅच मारला नाही...दोन दिवसात पुन्हा पंक्चर होउन डबल खर्च झाला. काही प्रश्न--- पेट्रोल पंप वाले कसे बनवतात हे सर्वांना थोडेफार माहीत आहे. हे टायरवाले नक्की कसे चुना लावतात? टायरला आतुन पॅच मारायची खरंच गरज असते का?की ती एक बिझनेस ट्रिक आहे? टायरवाल्यांचे ट्युबचे भाव एरियानुसार का बदलतात? जी ट्युब गावात २०० रुपयाखाली मिळते तीच हिंजवडीला २५० चे का होते? चांगल्या कंपनीची एक्स्ट्रा ट्युब घेउन ठेवल्यास किती दिवस टिकते? रस्त्यात एव्हढे खिळे/चुका कुठुन येतात? तुम्ही या प्रसंगात कसे वागता? या लोकांकडुन न फसण्यासाठी काही टिप्स मिळतील का?
वाचने 26026
प्रतिक्रिया 132

प्रतिक्रिया

मृत्युन्जय बुधवार, 08/10/2014 13:54
हा अनुभव लै वेळेला आला आहे. आताशा मी अनोळखी ठिकाणी पंक्चर आहे असे सांगितले तर चक्क फक्त हवा भरायला सांगतो. हवा भरताना नीट लक्ष ठेवतो आणि मग ओळखीच्या दुकानातुन परत एकदा चेक करतो. २-३ वेळा पंक्चर नव्हतेच. १-२ वेळा होते पण एकच होते. स्वस्तात काम झाले. हे लोक नक्की काय करतात अजुन मला झेपलेले नाही. पण हातचल्लाखीने काम करतात एवढे नक्की.

प्रा.डॉ.दिलीप बिरुटे बुधवार, 08/10/2014 13:56
च्यायला, टायर पंक्चर झाल्यावर आपल्याला कधी एकदा हे सोपस्कार होतील असे वाटते. पंक्चरवाल्याला आपण सर्व सोपस्कार झाले की विचारतो भै कित्ते हुये.... मग तो जे सांगतो ते निमुटपणे द्यावे लागतात आणि आपलं तोंड वाकडं होतं. पेक्षा भै पंक्चर निकालेना कित्ते लेगा हे पहिले विचारावं. नै पटलं तर ट्युब टायर फाटेपर्यंत आपल्या जवाबदारीवर गाडी चालवावी पण पकंचर वाल्याचा मनस्ताप खुप वेळ बोचत राहतो. आपण फोर व्हिलर मधुन फिरतो म्ह्णजे पैसे वाटायलाच फिरतो असे अनेकांना वाटते पैकी पंक्चरवाला एक. असो. सालं हे पंक्चर काढायचं आपण शिकलं पाहिजे, असं मला राहुन राहुन वाटलं आहे. -दिलीप बिरुटे

मदनबाण बुधवार, 08/10/2014 14:11
ह्म्म... माझाही अनुभव असाच आहे ! तोंडाला येइल ती टायर ट्युबची किंमत सांगतात ! बरं बर्‍याचदा जवळपास दुसरे दुकानही नसते की जिथुन टायरट्युब विकत घ्यावी. एकदा रात्री पावणे बारा वाजण्याच्या सुमारास अश्या पंक्चरवाल्याच्या दुकानावर पोहचलो होतो... दरवाजा ओढलेला होता, मी जरासा जोर लावुन ढकलला तर आत ३ जण जेवत होते, त्यांना विनंती केली. नशिबाने त्यातला एक तयार झाला आणि माझी घरी जायची सोय झाली.

मदनबाण.....

आजची स्वाक्षरी :- Hiring records 14% growth; IT/Telecom sector shines again: TimesJobs RecruiteX

नानासाहेब नेफळे बुधवार, 08/10/2014 14:16
टायरपंक्चर वगैरेची कामे करणारे बरेचदा रगेल आणि गुंडप्रवृत्तीचे असतात ,विशेषतः गावाबाहेर हमरस्त्यावरचे मा*** त असतात, पैसे द्यायचे आणि गप चालायचे पूढे.

गवि बुधवार, 08/10/2014 14:24
ट्यूबवाल्या टायरबाबतीत पंक्चर बरेच नि:संदिग्ध असते ब-याचवेळा. पण ट्यूबलेसबाबत ते अत्यंत संदिग्ध असते. हवा भरायला सांगितली की चारपैकी एक चाक पंक्चर असल्याचे जाहीर करुन त्या उत्तम टायरमधे खडे काढण्याच्या आणि छिद्र चेक करण्याच्या निमित्ताने हमखास भोसकून पंक्चर घडविले जाते आणि अशी एकदोन भोके पाडून मग ती बुजवून भरपूर कमाई केली जाते. हे कळायला बरीच वर्षे गेली पण एकाच पंचरवाल्याने विस्मरणामुळे फार जास्तवेळा माझ्याच सोबत ही ट्रिक केल्याने तेकळले. मग लक्ष ठेवू लागलो तेव्हा जवळजवळ सर्व पंचरवाले हेच करतात हे स्पष्ट दिसले. आणि शेवटी दोस्तीतल्या पंचरवाल्याकडून खात्रीहीzझाली या "ट्रेड" सीक्रेटची ( कोटी अपेक्षित). यावर उपाय: जिथे फक्त हवा भरण्याचीच सोय आहे, पंचरवाला नाही अश्या उत्तम पेट्रोल पंपावरच हवा भरणे. तिथे कोणालाच टिपखेरीज बाकीचा बिझनेस इंन्ट्रेस्ट नसतो.

यसवायजी बुधवार, 08/10/2014 14:41
हवा भरुन घ्यायला गेलो की हे लोक सांगतात की गाडी पंचर आहे. मला कळायचेच नाही की यांना बाहेरुनच कसे कळते? पण त्यांचा अनुभव जास्त म्हणून पंचर काढायला सांगायचो. हे असे ३-४ वेळा झाल्यावर लक्षात आले, की हे लोक पहिल्यांदा हवा न 'भरता' ती हळूच 'सोडतात' आणी ट्यूब बाहेर काढताच हातचलाखीने २-४ भोकं पाडतात. आता मात्र लै शिव्या घालून सरळ हवा भरायला लावतो XXXच्याना.

राजेंद्र मेहेंदळे बुधवार, 08/10/2014 15:04
नीट निरखुन बघितले तरी २-३ पंक्चर काढतातच हे लोक..शिवाय टायरला पडलेले कट वेगळेच एकाच वेळी एक जण ट्युब चेक करतो आणि दुसरा टायर चेक करतो म्हटल्यावर कधे कधी दुर्लक्षही होतेच म्हणा वरच्या सर्व प्रतिसादांमध्ये कोणी टायर कट विषयी मत प्रदर्शित केले नाहीये..त्या सल्ल्याची वाट बघतोय

ब़जरबट्टू शुक्रवार, 27/03/2015 14:58
हा प्रकार टायर जास्त फाटला असल्यास जरुरी आहे, कारण फाटलेल्या जागेतुन खडी, व रस्तावरील इतर टोकदार वस्तु जाऊन टयुब फुटण्याची शक्यता खुप वाढते.. पॅच हाच उपाय आहे, पण त्यात अच्छी, कामचलाऊ असे काही प्रकार नसतात.. सर्व रेट तुम्ही किती गाळात आहात, यावरुन ठरतात... बेस्ट आहे, की नाही म्हणावे, रेट आपोआप कमी करतात...

यसवायजी बुधवार, 08/10/2014 15:12
पंचर असतानाचे सोडाच, नसतानाही हवा सोडून मला गंडीवलंय त्यांनी. बायकांना तर पेट्रोल पंपावाले आणी पंचरवालेसुद्धा लैच गंडवतात.

तुषार काळभोर बुधवार, 08/10/2014 15:00
केरळचे पंक्चरवाले 'इतर कोणत्याही' (मराठी+उत्तर भारतीय+इतर) प्रांतातील पंक्चरवाल्यांपेक्षा जास्त प्रामाणिक असतात, असे एक निरीक्षण नोंदवतो. शिवाय ते रात्री-अपरात्री पंक्चर काढायलापण जास्त सहकार्य करतात. (माझे वैयक्तिक निरीक्षणआहे, जनरलायजेशन नव्हे. माझे अनुभव बहुतेक पुण्याच्या पुर्वेकडचे आहेत.) (एक उदाहरणः डोळ्यादेखत जाऊद्या, गाडी त्याच्याकडे सोडून गेलं तरी जेवढ्या पंक्चर निघल्या तेवढाच आकडा सांगून तेवढेच पैसे घेणारा पंक्चरवाला बीटी कवडे रस्त्यावर- सिटाडेलजवळ आहे)

विजुभाऊ बुधवार, 08/10/2014 16:59
बॅटम्यान.कशावरुन साम्गताय हे. तुमच्या कडे काय विदा आहे. चाक पंक्चर झालेले असताना तुम्ही केरळ पर्यन्त कसे ड्राईव्ह केले हे लिहाल का? ह्या! साधं चाक पंक्चर झालं तरी केरळ्पर्यन्त जावं लागतं.......आरे कुठे नेऊन ठेवलाय महाराष्ट्र माझा........

बॅटमॅन बुधवार, 08/10/2014 17:33
महाराष्ट्रात केरळी पंचरवाले नस्तात कायं विजुभौऽऽऽऽ?? अन कुठे नेऊन ठेवलाय महाराष्ट्र माझा?>>>गुजरातच्या खाली अन कर्नाटकच्या वर!

काउबॉय गुरुवार, 09/10/2014 00:12
परवा एका मित्रासोबत सहकुटुंब प्रवास करत होतो अपरात्री 2.30 ला नटराज मंदिर जवळ सातारा हायवेवर गाडी पंक्चर झाली. बरीच शोधाशोध झाल्यावर पंक्चर काढायला झोपेतून उठून तयार शेवटी एक केरळि माणूसच मिळाला, त्याने बिल 450 सांगितले. काम झाल्यावर थोडीसी दमदाटी करून ते 250 वर आणले. आमचा ड्रायव्हरने या प्रकाराबद्दल नाराजी व्यक्त करून तुम्हाला मदत करणार्याशी तुम्ही चुकीचे वागत आहात असे सुनावले होते तेंव्हा आम्ही परप्रांतीय हां एकमेव नॉर्म गृहीत धरला होता पण आज मिपावरील प्रतिसाद बघता केरळि पंक्चरवाले चांगले असतात असे म्हणावेसे वाटत आहे.

सूड सोमवार, 20/10/2014 21:51
बी टी कवडे रोडचं सांगू नका राव!! बाईकचा हॉर्न वाजेना म्हणून घेऊन गेलो तिथल्या एक गॅरेजवाल्याकडे. मला म्हणे साब नया बिठाना पडेगा, ढाईसो होगा. म्हणलं ठीकाय नंतर घेऊन येतो गाडी तुझ्याकडे आता जरा गडबडीत आहे. दुपारी मगरट्ट्यापाशी अमानोरा कडल्या रस्त्यावर एक ग्यारेजवाला आहे, त्याच्याकडे नेली. वायर वैगरे चेक करुन सगळं नीट केलंन दहा रुपयात काम झालं.

राजेंद्र मेहेंदळे बुधवार, 08/10/2014 15:07
माझे दोन्ही अनुभव बिहारी/यु.पी. वाल्या पंक्चरवाल्यांचे आहेत...आजकाल केरळी अण्णा दिसत नाहीत या धंद्यात

तुषार काळभोर बुधवार, 08/10/2014 15:16
:)

सर्वसाक्षी बुधवार, 08/10/2014 15:56
आजकाल केरळी अण्णा दिसत नाहीत या धंद्यात
आश्चर्यच आहे. टायर तिथे नायर असे आम्ही बरोबरच्या मल्लूंना म्हणत असू. पूर्वी अगदी कोकणातही टायर पंक्चरवाले मल्लूच असायचे. आम्ही गमतीने म्हणायचो की ३ मल्लू दुकान उघडतात. एक दुकानात बसून पंक्चर काढतो. उरलेले दोघे दोन बाजुंना अर्ध्या किमिवर झाडाआड लपून रस्त्यात चुका टाकतात. माझा पंक्चरवाला अजुनही मल्लू आहे. मी त्याच्या कडुन टायर घेत नाही म्हणुन थोडा नाराज असतो पण काम चोख.

समीरसूर बुधवार, 08/10/2014 15:47
आमच्या स्कुटीचे गेल्या २ महिन्यात ५-६ वेळा पंक्चर निघाले. टायर फाटले आहे असे सगळे सांगत. मी दुर्लक्ष करत होतो. शेवटी गेल्या शनिवारी टायर-ट्युब दोन्ही बदलून घेतले. रु. १२०० खर्च आला. महिती नाही जास्त घेतले की बरोबर घेतले. कमी घेणं शक्यच नाही. माझ्या बाईकच्या पुढच्या टायरमध्ये एकदा हवा भरायला गेलो आणि बळी पडलो. तो म्हटला पंक्चर आहे. ट्युब काढून तपासलं तर ४ पंक्चर निघाले. पॅच-बिच लावले. भरपूर पैसे दिले. काय चलाखी केली माहित नाही. :-( फार खोलात जात नाही मी. एकतर मला त्यातलं काही कळत नाही. त्यांच्याशी भांडत-बिंडत बसायचा कंटाळा येतो. एकदा रात्री १० वाजता पाषाण रस्त्याच्या नेकलेस गार्डनजवळ स्कुटी पंक्चर झाली. मी आणि बायको होतो. आता काय करणार? तिथे कुठेच कसलीच दुकाने नाहीयेत. मग हळूहळू बायको अगदी कमी वेगात स्कुटीवर आणि मी पायी असे आम्ही बावधन पोलीस चौकीजवळ आलो. तिथे एक दुकान उघडे होते. त्याने पंक्चर काढले. रु. २२० घेतले. मी विचारलं एवढे कसे काय तर म्हणाला एक पॅच लावला. तो १८० चा होता आणि ४० कामाचे. अर्थात, पॅच त्याने मला दाखवूनच लावला होता. पैसे दिले आणि घरी येऊन आडवा झालो. आता या सगळ्यात नेमके कधी, कसे, आणि काय बोलायचे हा प्रश्नच असतो. सगळं तो समोर दाखवतो. मग काहीच पर्याय नसतो. एनीवे, असा खर्च झाल्यानंतर मी ताबडतोब तो मनातून काढून टाकत असतो. आपण अर्थव्यवस्थेला आणि कुणाची काही स्वप्ने पूर्ण करण्याला कारणीभूत झालो असा उदात्त विचार करून मी मोकळा होतो. मग टेंशन येत नाही. :-)

ब़जरबट्टू शुक्रवार, 27/03/2015 13:20
आपण अर्थव्यवस्थेला आणि कुणाची काही स्वप्ने पूर्ण करण्याला कारणीभूत झालो असा उदात्त विचार करून मी मोकळा होतो. मग टेंशन येत नाही. Smile +११११ दुसरे काही करून काही सिध्द होत नाही, म्हणून मी पण हेच विचार करतो..

मीता बुधवार, 08/10/2014 15:58
फातिमानगरच्या चौकात ३,४ पंक्चरवाले आहेत. एकदा टायरमध्ये हवा कमी वाटली म्हणून हवा भरुन घ्यायला गेले तर सांगितलं की गाडी पंक्चर आहे.हवा भरून व्यवस्थित गाडी चालली आणि पंक्चर निघाले नाही. मैत्रिणीला विचारलं तेव्हा तिचाही हाच अनुभव .

मदनबाण बुधवार, 08/10/2014 16:14
आता जरा काडी सारण्याची इच्छा होत आहे... ;) पंक्चर झाल्यावर मी बरेच अंतर बाईक ढकलुन नेली आहे, नशिब मी बुलेट वापरत नाही ! ;) बाकी बुलेट पंक्चर झाल्यावर चालवणार्‍याचीच "हवा टाईट" होत असावी ! ;) जाता जाता :- समस्त बुलेट प्रेमींनी हलकेच घ्यावे. ;)

मदनबाण.....

आजची स्वाक्षरी :- Hiring records 14% growth; IT/Telecom sector shines again: TimesJobs RecruiteX

कॅप्टन जॅक स्पॅरो मंगळवार, 31/03/2015 15:30
बुलेटला अलॉय व्हील्स छान नाही दिसत. ओल्ड स्कुल स्पोक्सचं छान दिसतात. बाकी ट्युअबलेस्स टायर बेस्ट.

अनिरुद्ध.वैद्य मंगळवार, 31/03/2015 15:46
स्पोक्समधून हवा निघून जाइल. रीमला स्पोक्स जिथे लावलेले असतात तिथल्या छिद्रांमधून हवा लीक होते अस सांगितलय लोकांनी. बाकी स्पोक्स लूक खूप छान आहे बुलेटचा. आत्तापर्यंत बटबटीत २ किंवा ३ पाते असलेले अलॉय व्हील्स यायचे. आता जरा चांगले हार्ले स्टाइल व्हील्स आलेत. ते थंडरबर्डला शोभून दिसतात.

कपिलमुनी मंगळवार, 31/03/2015 16:14
harleystyle

अनिरुद्ध.वैद्य मंगळवार, 31/03/2015 17:14
हेच व्हील्स!

प्रभाकर पेठकर बुधवार, 08/10/2014 17:34
पंक्चरवाल्याच्या पाणी भरलेल्या पिंपात, मला वाटतं, एक सुई (सापडेल अशी कशाला तरी टोचून) ठेवलेली असते. त्यांचे ते पिंपातले पाणी कधीच पारदर्शक नसते. त्यामुळे आपल्याला कळत नाही. टायर पाण्यात बुडवला की त्या सुईने ते आणखिन २-३ पंक्चर करून आपल्याकडून पैसे उकळतात. हातचलाखी आहेच.

राजेंद्र मेहेंदळे बुधवार, 08/10/2014 17:58
बाकी समीरसूर यांच्याशी सहमत...रात्री बेरात्री अशी वेळ आली तर वाद घालण्यात काहीच अर्थ नसतो...गाडी चालती झाली यातच समाधान असते

कपिलमुनी बुधवार, 08/10/2014 18:03
ट्युबलेस टायर असतील तर एक पंक्चर किट विकत घ्यावे .

प्रचेतस बुधवार, 08/10/2014 18:11
डांगे चौकातल्या एका पंक्चरवाल्याने माझ्या ट्युबलेस टायरला पंक्चर झाले असे संगून १५ टोचे मारले होते. एकाने गाडीला किती वर्षे झाली आणि इतर फालतू चौकशा करीत माझे लक्ष वेधून घेतले आणि दुसर्‍याने टोचे मारण्याचे उद्योग चालू ठेवले आणि १००० रू मजकडून उकळले. दुसर्‍या दिवशी मी माझ्या एका पोलीस मित्राला तिकडे घेऊन गेलो. पोलिसी खाक्या दाखवून १००० रू. + १५०० टायरचे असे २५०० वसूल केले.

प्यारे१ बुधवार, 08/10/2014 18:50
>>> दुसर्‍या दिवशी मी माझ्या एका पोलीस मित्राला तिकडे घेऊन गेलो. पोलिसी खाक्या दाखवून १००० रू. + १५०० टायरचे असे २५०० वसूल केले. नमस्कार सर. कसे आहात? ठीक ना सगळं? जरा लक्ष असू द्या बरं का आमच्याकडं. :)

विटेकर मंगळवार, 14/10/2014 14:22
सातारा रोडवर सातार्‍याकडे जाताना म्याक डोनाल्ड आहे तिथे भा पे चा पम्प आहे त्याच्या शेजारी एका पन्चर वाल्याची टपरी आहे. त्याने मला एका भयाण संध्याकाळी १७०० रुपायला गंडवले आहे !!! त्या संध्याकाळी मी एकटा आणि मला त्या रात्री वरंधा उतरायचा होता ... जाम टरकली होती माझी. मी त्या विवंचनेत आणि हा आपला पाडतोय टायरला भोके ! सुदैवाने तोच टायर अजून वापरतोय झाली त्याला आता ३ वर्षे ! आता मात्र कानाला खडा. पक्चर फक्त कुलकर्णी टायरकडे ! ( त्यांचे आम्ही गेल्या जन्मीचे देणे आहे ) एरव्ही फक्त आपली आपण स्टेपनी बदलणे. सहसा हवा सुद्धा बाहेर चेक न करणे. ( बाकी इंडिका वापरली असेल तर माणूस पंचरला भेत नाय, दांडगा अनुभव असतो इंडिका वाल्यापाशी ! माझ्या इंडिकाच्या जिवावर कुलकर्ण्यांनी नवीन दुकान टाकले ! ) पण सध्या बरे आहे , ट्युबलेस इज बेश्ट !

ब़जरबट्टू शुक्रवार, 27/03/2015 13:44
हा प्रकार मला पण समजला नाहीये.. माझ्या ट्युबलेस टायर गाडिचे कधीच १० पंक्चर च्या खाली बिल आले नाहीये.. अगदी १५ पंक्चर पण काढले आहेत एकदा.. हा प्राब्लेम आहे का ट्युबलेस टायरमध्ये.. पंक्चरवाले म्हणतात, तुम्ही कमी हवेवर गाडी चालवली की असे प्रकार घडतात.. हातचलाखी खरच असावी..?? माझ्यापुढे एकदा टायर मध्ये हवा कमी होती म्हणून भरून घेत होतो.. जशी जशी हवा भरत होता, टायर पुर्ण बसला.. पंक्चर आहे म्हणाला, मला विश्वास बसेना, म्हणून स्वता हवा भरुन बघितली, पण उपयोग शुन्य.. कमीतकमी १२ पंक्चर काढले त्याने.. :( ..हातचलाखी असेल तर सुपर केलीये त्याने.. माझे पुर्ण लक्ष होते, एकटाच होता तो... आता अनुभावाने शहाणा झालोय, स्वतः किट घेतलीय, तसेपण १२० रु. पंक्चर देण्यासारखे (ट्युबलेस टायर असल्यास) काहीच कष्ट नसते त्यात. टायर न काढता पंक्चर दुरुस्त करता येतो.. ही पुर्ण किट २५० रु. आनलाइन भेटते, पंप ५०० पुढे, त्यामुळे इतका कमी भांडवली खर्च असतांना रेट एव्हडे जास्त का हा दुसरा प्रश्न आहेच... दुसरे डायरेक्ट पंक्चर काढु देत नाही, पहिले सर्व पंक्चर मोज म्हणतो.. जेव्हडे जास्त पंक्चर तेव्हडा रेट कमी करवतो, त्याला ३० सुध्दा परवडत असेल... नाहीतर सरळ स्टेपनी लाऊन दे म्हणतो... पण काही चुका आपल्याही होतात, जसे :- १) टायर मध्ये प्रेशर मेण्टेन न करणे.. २) ट्युबलेस टायर पंक्चर झाल्यावर पण चालु शकतात, पण सहसा खिळे वैगरे दिसत असल्यास लवकर दुरुस्त करावे, हा एक खिळा पुर्ण टायर फाडतो.. ३) फ्यामिली पंक्चरवाला असावाच.. :)

कॅप्टन जॅक स्पॅरो बुधवार, 08/10/2014 20:38
केरळी पंक्चरवाल्यांचा अनुभव खरचं चांगला आहे. दापोडी-ते चिंचवडस्टेशन मधे ग्रेड सेपरेटर मधे खिळे टाकुन ठेवतात चक्क् गाड्या पंकचर व्हाव्यात म्हणुन. सगळ्यात बेस्ट पर्याय म्हणजे अँटीपंक्चर सोल्युशन वाल्या ट्युब्स बसवुन घेणं. पैसे जातात जास्त पण कमीत कमी रात्री-अपरात्री गाडी ढकलायला लागत नाही.
माझा अनुभव
गाडीमधे एकदा हवा कमी वाटली म्हणुन एका अनोळखी यु.पी. बिहारी पंकचरवाल्याकडे हवा भरायला गेलो. त्यानी पंकचर है साब म्हणलं. लांब जायचं होतं परत डोक्याल कटकट नको म्हणुन काढायला सांगीतलं. आधी अतिशय कमी प्रमाणात हवा जात असताना त्यानी ट्युबला ७-८ पंक्चर्स दाखवली. मला संशय आला म्हणुन मी त्याचे हात चेक केले. त्या **नी हाताच्या अंगठीला सेफ्टीपिनेचं टोकं लावलेलं आढळुन आलं. सणासण कानाखाली हाणल्या त्याच्या, पंक्चर फुकटात काढुन घेतलं वरती त्याच्या धंद्याचं ट्रेड सिक्रेट असलेली अंगठी काढुन घेतली. साला, माझ्या गाडीशी खेळ नाही करायचा.

कॅप्टन जॅक स्पॅरो बुधवार, 08/10/2014 20:40
स्थळं- कासारवाडी रेल्वे स्टेशनच्या पुढे लागणारी एक टपरी. आता बसतो का तो ते माहीत नाही.

दशानन बुधवार, 08/10/2014 20:43
ट्यूबलेसबाबत एक काळजी नेहमी घ्या, जो हवा भरणार असतो तो हमखास नोझल वापरून व्हाल्व तोडतो.. व पुढील वेळी तुम्ही हवा भरायला गेलात की तोडून तुमच्या हातात एवढ्या सफाईने ठेवतो की आपण साफ गंडतो.. मी हवा भरताना आता मोबाईलवर व्हिडिओ रेकोर्डिंग करतो :)

आनंद बुधवार, 08/10/2014 23:11
खर आहे ! अजुन एक गोष्ट गाडीत बसुन हवा भरायला सांगितली कि बरोब्बर डाव्या बाजुच पुढच चा़क पंक्चर आहेत म्हणुन सांगतात. कारण नेमक त्याच चाका वर आत बसुन लक्ष ठेवता येत नाही .बाकि चाक आरश्यात किंवा प्रत्यक्ष दिसतात.

रवीराज गुरुवार, 09/10/2014 00:23
औंधवरुन वाकडला जाताना जगताप डेअरीच्या पुढे ३-४ उत्तर भारतीय पंक्चर वाल्यांची दुकाने ओळीने थोड्या-थोड्या अंतरावर आहेत त्यातल्याच एकाकडे हवा चेक करायला थांबलो, हवा भरताना मीही त्या हिंदी भाषकाबरोबर गाडीला फेरी मारुन लक्ष ठेवुन होतो, शेवटच्या चाकाला त्याने पंक्चर जाहिर केले पण मी पाहिले होते तो हवा भरायच्या ऐवजी हवा सोडत होता.नीट हवा भरायला सांगीतले तरी त्याचे म्हणणे होते एकबार चेक कर के देखे,त्याला दरडावुन तशीच हवा भरायला सांगीतले, सकाळी-सकाळी किरकिर नको म्हणुण काही न बोलता गाडी काढली आणि डायरेक्ट बेंगलोर बायपास वरुन वारजे गाठले हायवेवर पुन्हा हवा चेक केली आणि १८० किमी पर्यंत रनींग होऊनही चाकातली हवा जैसे थे. असाच प्रकार परत एकदा आंबेगाव दरीपुलाच्या पुढे बोगद्याच्या अलीकडे एका पंक्चर वाल्याने केला.पुर्वानुभवाने मी त्याला "हवा भर पुढे बघु" सांगितले आणि पुढेपण कुठेच हवा चेक नाही केली, कसलीही अडचण न येता ट्रिप पुर्ण झाली.

चौकटराजा गुरुवार, 09/10/2014 05:59
इथं बरेच समदु:खी सापडले. गविंची आयडिया व निरिक्ष्ण लक्षांत घ्या ! मला ही असाच संशय आहे. बाकी केरळी पम्चरवाले प्रामाणिक असतात हे खरेच ! नुकतेच मी एकाच वेळी सात पंकचर काढलेत. आता कानाला खडा. जिथे फकस्त हवा भरून मिळ्ते तिथेच हवा भरायची !

श्रीरंग_जोशी गुरुवार, 09/10/2014 07:36
या धाग्यामुळे बर्‍याच उपयुक्त क्लृप्त्या कळल्या. पुण्यात राहणार्‍या माझ्या भावालाही बाणेर - पाषाण भागांत या प्रकारचे वाईट अनुभव आले. आता हवा कमी असल्यास रस्त्यात हवा भरून तो तडक पौड रोडवरच्या कुलकर्णी टायर्सला गाडी घेऊन जातो. विश्वासार्ह व वाजवी दरात सेवा असल्याने निश्चिंत राहता येते.

Maharani गुरुवार, 09/10/2014 09:38
कोथरुड ला गीताई मॉल च्या सिग्नल ला ८/९ वर्षंपुर्वी ३ वेळा गाड़ी पंक्चर झाली होती..नंतर बऱ्याच जणांकडून असाच अनुभव ऐकला...तिथेच बाजुला तेंव्हा पंक्चर च दुकान होतं..तो रस्त्यात काही टोकदार टाकत असावा असा सौंशय.. तिथेच पलिकडच्या बाजूला दुर्गा cafe च्या जवळ पण तेंव्हा एक पंक्चर वाला होता.एकदा गाडीत हवा कमी वाटली म्हणून गेले होते टा तर पंक्चर म्हणून सांगितले.संशय आल्याने मी त्याला फ़क्त हवा भर सांगीतलं..... मग नेहमीच्या माणसाकडे चेक केलं तर तो म्हणे काही पंक्चर वगैरे नाहीये..

काळा पहाड गुरुवार, 09/10/2014 11:15
हे आता कॉमन झालंय. मध्ये पोलीसांनी खडकी दापोडी रोड ला बसणार्‍या पंक्चर वाल्यांना या बद्दल टोले हाणले असं वाचलं. मग प्रकार बंद झाले म्हणे. बाकी दुसर्‍याला अडचणीत पाडून तो सोडवण्याचा बिझनेस करणार्‍यांना (उदा: राजकारणी, रस्ते खोदून टेंडर मिळवणारे, सॉफ्टवेयर व्हायरस सोडून त्यावर सोल्युशन बनवणारे ई.) मृत्युदंड द्यावा असे माझे मत आहे. लोकसंख्या कमी तर केली पाहिजे की काही तरी करून.

मदनबाण गुरुवार, 09/10/2014 11:21
भ्रष्ट्र राजकारण्यांवर देशद्रोह करतात त्यामुळे त्यांना मृत्युदंड द्यावा या मताशी मी १००% सहमत ! माजलेले सांड-वळु झाले आहेत हरामखोर ! *diablo* लोकसंख्या कमी तर केली पाहिजे की काही तरी करून. चांगल्या सर्जरीची गरज आहे देशाला ! पाकड्यांवर सुद्धा चांगल्या सर्जरीची गरज आहे !

मदनबाण.....

आजची स्वाक्षरी :- Google on its way to surpass $1billion in revenue from India in FY15

सार्थबोध शुक्रवार, 10/10/2014 10:32
विषय खरा आहे, पंक्चर वाले फसव्तातच, चार चाकी गाडी असेल तर हायवे वर कधीच हवा भरू नका, आपण घरातून निघताना विचार अक्रतो, कि गर्दीतून लवकर बाहेर पडू हायवे वर निवांत पेट्रोल हवा भरू , तसे करू नका, माझा अनुभव हायवे ला गाडी लावली कि यांचे लोक पुढे मागे उभे असतात, काही तरी अनुकाचीदार वस्तूने ते तयार च्या बाजूला ( जिथे रस्त्याचा स्पर्श होत नाही तिथे) भोक पडतात, सलग २/३ , आणि म्हणतात क्या साब किदर गाडी डाला, जिथे तयार रस्त्याला स्पर्श करतो त्यात मोल्डिंग मध्ये तारा वापरलेल्या असतात त्यामुळे त्यांना तिथे भोक पडता येत नाही, लक्षात घ्या जिथे रस्ता स्पर्श होत नाही तिथे पंक्चर व्हायला आपण काही रजनीकांत नाही गाडी चालवायला, पुन्हा तयार काढताना हे लोक, वाल्व अक्षरशः पातीचा कांदा खुद्ल्यासारखा खुडतात.त्यामुळे हायवेवर पंक्चर हवा करणे नाही, फार तर स्टेफनी टाकून घ्या, नंतर नेहमीच्या माणसाकडे पंक्चर काढा, हवा भरताना ४ चाकांवर लक्ष ठेवा ( थोडे अवघड असते, पण पुढचा मनस्ताप आणि खर्च टाळण्यासाठी) . पेट्रोल भरताना पण भरणारा माणूस मुद्दाम झिरो रीडिंग स्क्रीन च्या समोर अडवा उभा राहतो, आपण तोवर पेट्रोल चे कुलूप उघडायचे नाही, तेवढ्यात दुसरा येतो म्हणतो अरे साहेब ते पेट्रोल चे लोकक बघा खराब झाले काय हो?, किंवा हे लिक्विड टाकू का, आपल्यासमोर ते पुडके नाचवतो , किंवा चार चाकी ला काच पुसू का?, पोलिश फुकट कराय्त्चे का? विचारतात, उद्देश एकाच कि झिरो स्क्रीन वरून लक्ष हटवायचे आणि आधी जे काही ५०/१००/१५०/२०० रीडिंग पेट्रोल टाकले आहे त्याचा तसाच कट पळवायचा, प्रत्याक्ष्जात पेट्रोल टाकायचे नाही किंवा १५० असेल तर फक्त २०० करायचे कमी टाकायचे. दुसरी गोष्ट आपण २०० म्हणलो तरी आधी समजा १०० आकडा असेल तर असे स्क्रीन च्या आड येउन नुसते पेट्रोल टाकल्यासारखे करतात , १०० टाकले म्हणतात आपल्याला आधीचेच रीडिंग दाखवतात, वर १०० टाकतात आणि २०० रुपये घेतात.त्यामुळे बोटाने खुण करून आणि जरा मोठ्या आवाजात स्पष्ट सांगायचे किती रुपायचे ते खबरदारी घ्या. मिपाकरांनो

अंतु बर्वा शनिवार, 11/10/2014 02:26
सुलभ शौचालय वाल्यांची चालूगिरी असा विडंबनात्मक प्रयत्न करायचा विचार डोक्यात आला पण खुपच आचरट्पणा होईल म्हणुन सोडुन दिला :-) बाकी ह्या चलाखीला मीही भारतात असताना खुप वेळेस फसलो आहे... बर्‍याच जणांनी ईथे फार चांगले उपाय सुचवले आहेत. त्या निमित्ताने सर्वांनी जर जागरुकपणा दाखवला तर या प्रकाराला थोडा तरी आळा बसेल अशी आशा!!

बिहाग मंगळवार, 14/10/2014 12:55
( Modes pl move this to appropriate place ) ( It took 20 mins to type above line in marathi though I am using computer keyboard for more than 20 years ) . Which browesr should be used? On firefox gamabhana.js hangs , so I am using opera. But really is there any better way to type using gamabhana? Though I am member didn't dare to post any comment in past 2 years as it take soo long to type even a single line. Thanks for the help.

पाषाणभेद मंगळवार, 21/10/2014 15:31
(ंओदेस प्ल मोवे थिस तो अप्प्रोप्रिअते प्लचे) (ईत तूक २० मिन्स तो त्य्पे अबोवे लिने इन मरथि थोउघ ई अम उसिन्ग चोम्पुतेर केय्बोअर्द फोर मोरे थन २० येअर्स). व्हिच ब्रोव्सेर शोउल्द बे उसेद? ऑन फिरेफोक्ष गमभन.ज्स हन्ग्स , दो ई अम उसिन्ग ओपेर. बुत रेअल्ल्य इस....... लय कटाळा आला राव. आवं पावनं विंग्रजी मधी टायप करन लय आवघड हाय आपल्या गमभन पेक्षा.

पिलीयन रायडर शुक्रवार, 27/03/2015 12:15
मी २-४ महिने रोज बाईक चालवत ऑफिसला जाणारे.. दुसरा काही पर्याय नाहीये. त्यात मला हे पंक्चरची भानगड नीटशी कळत नाही. मी साधं हवा भरायला गेले तरी लोक पंक्चर आहे असं सांगतात. आणि मग किमान ५००-७०० चा फटका. नवरा हे सगळं बघायचा. आता मला एकटीला गाडी न्यायची आहे. मला रस्त्यात गाडी पंक्चर होऊन (येताना झाली तर अंधारात...) ढकलत वगैरे नेण्याची इच्छा नाहीये.. मी ट्युबलेस टायर लावुन घेऊ का? काही तरी उपाय सांगा राव.. आज सकाळीच गाडी पंक्चर आहे म्हणुन हवा भरुन घरी लावुन ठेवली आणि बसने धक्के खात आलेय. पण पंक्चर काढलं नाही.. त्यापेक्षा टयरच बदलुन घेते ना.. १५ दिवसा पुर्वीच ७०० रुपये घालुन नवी ट्युब, २ पॅच चा सोहळा करुन घेतलाय भर उन्हात.. परत नाहि करु शकत मी हे...

कॅप्टन जॅक स्पॅरो शुक्रवार, 27/03/2015 12:38
पंक्चर सोल्युशन वाल्या ट्युब्ज घ्या ना बसवुन. ५००-७०० ला कशाला फटका लागेल? कुठली बायको आहे तुमच्याकडे?