Skip to main content

गृह कर्ज

लेखक सुहास पाटील यांनी बुधवार, 17/09/2014 15:21 या दिवशी प्रकाशित केले.
काही दिवसापूर्वी टाइम्स ऑफ इंडिया मध्ये एक विश्लेषन वाचायला मिळाले. दुसरे गृह कर्ज घ्यावे का FD करावे. त्यात अगदी पटवुन सांगितले होते कि दुसरे गृह कर्ज घेऊ नये. त्या परिस सरळ FD मध्ये पैसे टाकावे. मला लिंक सापडता सापडत नाहीये नाहीतर इथे दिली असती. तरी मी शोधन्याचा प्रयन्त करतोय अजून, लिंक सापडली कि इथे देईल पण इथे धागा टाकण्याचा मुद्दा असा कि जाणकारांनी ह्या विषयावर प्रकाश टाकावा. दुसरे गृह कर्ज घ्यावे का FD करावे का शेअर मार्केट मध्ये गुंतवावे ?
वाचने 28466
प्रतिक्रिया 104

प्रतिक्रिया

आदिजोशी बुधवार, 17/09/2014 15:42
योग्य ठिकाणी, योग्य प्रकल्पात आणि भरवशाचा विकासकाकडे गुंतवणूक केल्यास इतका परतावा देणारी दुसरी गुंतवणूक नाही. शेअर मार्केट मधे ह्यापेक्षा कैक पटींनी परतावा मिळू शकतो पण त्यासाठी सकाळी ९ वाजल्यापासून सगळे कामधंदे सोडून त्यात घुसावे लागते. घरातली गुंतवणूक आजच्या घडीला तरी १ नंबर आहे.

अनुप ढेरे गुरुवार, 18/09/2014 09:50
शेअर मार्केट मधे ह्यापेक्षा कैक पटींनी परतावा मिळू शकतो पण त्यासाठी सकाळी ९ वाजल्यापासून सगळे कामधंदे सोडून त्यात घुसावे लागते.
हे असत्य आहे. शेअर मार्केट मधून पैसे मिळवायला स्वतः शेअर्स विकत घ्यायला पाहिजेत असं अजिबात नाही. चांगला म्युचुअल फंड १५% अ‍ॅन्युअलाइस्ड परतावे नक्की देऊ शकतो.

अनुप ढेरे गुरुवार, 18/09/2014 14:32
माझा मुद्दा 'शेअर मार्केटमधून चांगला परतावा पाहिजे असेल तर दिवसभर त्यातच डोके खुपसून बसायला पाहिजे असं नाही.' असा होता.

विश्वनाथ मेहेंदळे गुरुवार, 18/09/2014 16:25
अज्ञान, घोर अज्ञान !!! आजचा गृहपाठ. चक्रवाढ व्याजाचा formula दहा वेळा लिहिणे. 5-10-15-20-25-30 अशा मुदतिसाठी 15% व्याजाने काय परतावा मिळतो याचा तक्ता बनवणे.

अनुप ढेरे गुरुवार, 18/09/2014 16:41
अगदी अगदी. ५ वर्षात घराची किंमत दुप्पट हाही साधारण १५-१६% वार्षिक परतावा आहे. म्युचुअल फंड १५% टक्यांहून जास्तं परतावा देऊ शकतात पण त्याच जोखीम थोडी अधिक.

विश्वनाथ मेहेंदळे गुरुवार, 18/09/2014 19:55
तो ग्रोस परतावा. ब्रोकरेज, stamp duty आणि सर्वात महत्त्वाचे म्हणजे कर्जाचे व्याज. हे सगळे धरून हिशोब केला तर बराच फरक पड़तो.

विश्वनाथ मेहेंदळे गुरुवार, 18/09/2014 22:56
रीअल इस्टेट ने गेल्या १० वर्षात मस्त रिटर्न्स दिले म्हणून येत्या काळात देईल असे नाही. १९९०-२००४ किती वाढले भाव ?

दशानन शुक्रवार, 19/09/2014 22:48
>>रीअल इस्टेट ने गेल्या १० वर्षात मस्त रिटर्न्स दिले म्हणून येत्या काळात देईल असे नाही. १९९०-२००४ किती वाढले भाव ? +१ हेच, आता शेअर मार्केट व गोल्डबद्दल पण लागू होत आहे.

arunjoshi123 बुधवार, 08/11/2017 15:05
आणि सर्वात महत्त्वाचे म्हणजे कर्जाचे व्याज.
घराच्या लोनचा व्याजदर १०% प्रतिवर्ष मानला, लोनची राशी आणि स्वतःची राशी १:४ या प्रमाणात मानली, प्रॉपर्टीची किंमत ५ वर्षांत दुप्पट होते असे मानल, कॅपिटल गेन्स टॅक्ससाठी महागाईचा दर ५% मानला, कॅपीटल गेन्स टॅक्स २०% मानला, इन्कम टॅक्स ३०% मानला तर .... लोन घेणे प्रॉपर्टीत तुम्हाला खूप फायदा करून देते. ही वाक्यरचना चुकीची आहे कारण असं अधिक परतावा देणार्‍या गुंतवणूकीत सोबत जोडायला कमी किमतीचे सहाय अन्यत्र मिळत नाही.

प्रसाद१९७१ बुधवार, 17/09/2014 16:02
गरज नसेल तर दुसरे घर घेऊ नका. ५-७ वर्षा पूर्वी असे करणे योग्य होते. पण सध्या असे करु नये. घराला maintainance cost पण असते. भाड्यानी दिले तर २% पण परतावा मिळत नाही. ५% रजिष्ट्रेशन फी, MSEB cost वगैरे गोष्टी वाया जातात. हल्ली वर्षिक सोसायटी खर्च सुद्धा २५-३० हजार असतो. सरळ Liquid funds मधे टाका, टॅक्स जावून ८.५% कमीतकमी परतावा मिळेल आणि पाहीजे तेंव्हा पैसे वापरायला पण मिळतील.

प्रसाद१९७१ बुधवार, 17/09/2014 19:23
liquid funds म्हणजे Mutual Funds नी Short Term Debt instruments चे चालू केलेले फंड. त्यात ते नॉर्मली सरकारी रोख्यात गुंतवणुक करतात. त्यामुळे जवळ जवळ Risk Free असते. जशी बाकीची Mutual Fund ची युनीट विकत घेतली जातात तशीच ही पण घ्यायची किंवा विकायची असतात. १. ह्यात Entry Or Exit Load बसत नाही. त्यामुळे एक पैसा सुद्धा वाया जात नाही ( कमीशन किंवा फी पोटी ). २. ३ वर्ष गुंतवणुक ठेवली आणि युनिट विकली तर Long Term Capital Gain बसतो म्हणजे Indexation चा फायदा मिळतो. म्हणजेच जवळ जवळ Tax Free. 3. तुमचे जर Online Trading Account असेल तर, आज विकत घेतले तर उद्या तुमच्या डीमॅट ला जमा होतात. आज विकले तर उद्या पैसे जमा होतात. अगदी १ दिवस सुद्धा पैसे ठेवता येतात. ४. रोजच्या रोज NAV वाढतेच अगदी नक्की. माझ्या अनुभवाप्रमाणे HDFC, ICICI Mutual Funds च्या योजनांमधे वार्षिक ९ ते ९.५% परतावा मिळतो. आणि ३ वर्ष थांबल्यास तो जवळजवळ टॅक्स फ्री असतो. इतका चांगला टॅक्स फ्री आणि पुर्ण सुरक्षीत तसेच liquidity असणारा दुसरा पर्याय नाही.

काळा पहाड बुधवार, 17/09/2014 22:40
ओक्के. यालाच अल्ट्राशॉर्ट डेट फंड असंही म्हणतात असं दिसतं. पण मला एक कळत नाही. याचं रिटर्न लाँग टर्म डेट फंड पेककरण्य जास्त कसं? मला वाटलं की डेट जितकं लाँग टर्म, तितकं रिटर्न जास्त हवं नाही तर लाँग टर्म इन्वेस्ट करण्याचा फायदा काय? बाकी हे म्हणजे फिक्स पेक्षा जास्तच उत्पन्न झालं, ते ही टॅक्स फ्री.

प्रसाद१९७१ गुरुवार, 18/09/2014 09:28
3 वर्षाच्या आत विकले तर शोर्ट टर्म गेन लागणार काय>>>> तुमच्या Income मधे धरले जाणार, जसे FD चे व्याज धरले जाते तसे.

प्रसाद१९७१ गुरुवार, 18/09/2014 09:29
ह्या वर्षीच्या बजेट च्या आधी ही मुदत फक्त १ वर्षाची होती.

कवितानागेश गुरुवार, 18/09/2014 11:55
मला वाटतं २००५ पासून आहे. आणि ते कर्ज जर इन्कम टॅक्स बेनेफिटसाठी दाखवले असेल, तर ५ वर्ष विकता येत नाही.

कॅप्टन जॅक स्पॅरो बुधवार, 17/09/2014 18:21
फ्लॅट ऐवजी जमिनीमधे गुंतवा. (बंगलो प्लॉट्स किंवा एखादा बंगला). जेणेकरुन तुम्हाला मेंटेनंन्स कमीत कमी भरायला लागेल. किंवा सोन्यात गुंतवा.

राजेंद्र मेहेंदळे गुरुवार, 18/09/2014 13:27
जमीन? अहो तुम्ही तिकडे रहात नसाल तर ती कधी जाईल समजणार पण नाही..कसले रिटर्न्स आणि काय

कॅप्टन जॅक स्पॅरो शुक्रवार, 19/09/2014 08:16
म्हणुनचं एखादा बंगला सुद्धा म्हणालोय. कारण जमिनीचा भाव कमी असताना केलेली गुंतवणुक भविष्यात नेहेमीचं उत्तम रीटर्न्स देते. बाकी कर्ज नं काढता सुद्धा जमिन घेणं आता शक्य आहे. पुण्यात काही डेव्हलपर्स ई.एम.आय. बेसिस वर जमिन विकतात (त्यांच्यावर किती विश्वास ठेवायचा हे माहीत नाही कारण हा व्यवहार मी स्वतः केलेला नाही.). ह्याचा फायदा म्हणजे जमिन ज्या दिवशी घेताय त्याच दिवशीच्या किंमतीएवढी रक्कम तुम्हाला टप्प्याटप्प्यानी भरता येते. डोक्यावर एकदम मोठ्या रकमेचा बोजा रहात नाही. दुसरं घरं ही गरजेची वस्तु नसुन चैनीची आहे आणि कर्ज काढुन चैन करु नये असं माझं नेहेमीचं मत आहे.

सुहास पाटील गुरुवार, 18/09/2014 16:36
जमिनीची खरेदी विक्री चांगली ओळख असल्याशिवाय करू नये. त्यातच शहाणपणा आहे.

कवितानागेश बुधवार, 17/09/2014 18:31
दुसरे घर घेतलंत, तर त्याचा वेल्थ टॅक्स पण पडेल दरवर्षी, त्याचापण विचार करा. आणि एकावेळेस २-३ लोन्स असणं बरं नाही.

सुहास पाटील बुधवार, 17/09/2014 18:52
मिळतो तर. उलट दुसर्या घरासाठी आपण पूर्ण व्याज वजावट दाखउ शकतो. पण भाड्याची इन्कम दाखवावी लागते

मित्रहो बुधवार, 17/09/2014 18:36
दुसऱ्या घरासाठी कर्ज घेताना एक साधे सूत्र. इएमआय मधील किती रक्कम व्याजात जाते हे बघणे, ते व्याज हे मिळणाऱ्या भाड्यापेक्षा जास्त नसावे. तसे जर झाले तर भारतात घराच्या किंमती ह्या FD वर मिळणाऱ्या व्याजापेक्षा जास्त दराने वाढतात. घर ही जास्त काळाची गुंतवणुक आहे. कितीही मार्केट चांगले असले, घर कितीही मोक्याच्या जागी असले तरी ते विकून हातात पैसे यायला विकायचा विचार केल्यानंतर कमीत कमी चार ते सहा महीन्याचा कालावधी लागतो.FD, शेअर विकून लगेच पैसा आणता येतो. या महत्वाच्या फरकामुळे दोन गुतवणुकीतली तुलना करता येत नाही. मित्रहो

सुहास.. बुधवार, 17/09/2014 18:39
दुसरे गृह कर्ज घ्यावे का FD करावे का शेअर मार्केट मध्ये गुंतवावे ? >>> कळले नाही ! FD करायला पैसै लागतील ना ? आणि गृह कर्ज म्हणजे लोन करावे लागेल ...आणी शेयर्स मध्ये तर खेळता पैसा लागतो ....अर्थात जर असे समजले तुमच्याकडे आता सध्या काही रक्कम आहे आणि ती गुंतवायची आहे तर ...येस्स !! जागा घ्या ...या तीन गोष्टी आहेत जिथे गुंतवा रक्कम वाय जात नाही ..रोटी , कपडा आणि मकान ...या तीन पैकी कुठे ही गुंतवा

सुहास.. बुधवार, 17/09/2014 18:46
सुहासराव - तुम्हीच धागा काढताय आणि तुम्हीच "कळले नाही" म्हणताय >>> एकाहत्तर राव ...ते पाटील आहेत ..तो मी नाही :)

सुहास पाटील बुधवार, 17/09/2014 18:48
> सुहासराव - तुम्हीच धागा काढताय आणि तुम्हीच "कळले नाही" म्हणताय आहो तो मी नव्हे. नाव एक आहे पण व्यक्ती दोन प्रतिसाद टाकणारे आणि धागा टाकणारे दोन वेगळे सुहास आहेत

सुहास पाटील बुधवार, 17/09/2014 18:43
>>कळले नाही ! FD करायला पैसै लागतील ना ? आणि गृह कर्ज म्हणजे लोन करावे लागेल सुरवातीचे २०% ( ज्याला आपण डाऊन पेमेंट म्हणतो )असल्यावरच ८०% गृह कर्ज मिलते. तर इथे सुरवातीचे २०% कुठेतरी गुंतवायचे का ते वापरून अजून ८०% कर्ज घ्यायचे

सुहास.. बुधवार, 17/09/2014 18:50
कर्जाला शक्यतो नाही म्हणेन मी ..( मायला आयुष्य जात व्याजासकट भरता भरता :) ) सध्या ...एक पर्याय येतो ..गावकड्याला , जिथे हाय वे होताहेत एमआयडिसी आहे ..तिथे आर- झोन च्या जागा असतात ...सुरवातील काही रक्कम मग ठराविक हत्याने अश्या स्वरुपात ...जरा जेन्युयन ओळख ई, काढुन गुंतवुणक आहे फायद्याची ...शिवाय स्मार्ट सिटीच मध्ये पण असे काही पर्याय आहे का बघायला हवे .. ( मी दोन वर्षापुर्वी कवडीमोल घेतली होती औ.बाद -जालना रोडला , सध्याचा भाव .. ;) )

सुहास.. बुधवार, 17/09/2014 19:31
( बहुधा ) चार प्रकारच्या झोन असतात माऊ ! आर - रेसिडेन्शल शेती झोन कमर्शियल झोन ( जिथे मॉल्स, बिझीनेस ई. झोन्स ) मग एक सरकारी झोन असतो ( रिझर्व असतो , त्यात हजार प्रकार असतात, फॉरेस्ट, शेती-तळे, गाव-तळे, देवस्थाने, पुरातन अवषेश ई.ई. ... सध्या त्या लवासा वर , रिझर्व्ह वर रेसिडेन्सल केल्याचा आरोप आहे , अर्थात तो पहिला आरोप आहे ) शिवाय सेझ = स्पेशल ईकॉनॉमिक झोन ई. आहेतच

काळा पहाड बुधवार, 17/09/2014 22:45
रिझर्व झोन म्हणजे असा झोन जिथे काका, दादा आणि ताईला त्यांना जिथे पाहिजे तिथे आर झोन करता येतो. म्हणजे तो त्यांना हडप करण्यासाठी रिझर्व असतो.

गवि शुक्रवार, 19/09/2014 16:22
लवासा शहराचे आजरोजीचे नक्की स्टेटस कोणाला माहीत आहे का? पूर्ण लीगल झालेय का? एकूण प्रोजेक्ट flop की यशस्वी ?

सुहास.. शुक्रवार, 19/09/2014 22:35
गवि ...उत्तराचे तीन टप्पे १ ) बांधकाम पुर्ण आहे २ ) रेसिडेन्सल झोन पर्यावरण विभागाची परवानगी आल्याशिवाय कसे केले गेले , या बद्दल कोर्टात केस चालु आहे ३ ) ज्यांची ओनरशीप आहे त्यांच्या नावे झाली आहेत घरे !! जाता जाता : बाकी तिथपर्यंत पिरंगुट जाणार्‍या रस्त्यालगतच्या गावाचे महाभले झालेय , नुसता कोट ने रेट चालु आहे एकराला !!

गवि शुक्रवार, 19/09/2014 22:43
धन्यु.. म्हणजे ओव्हरआल क्लीन नाही असंच दिसतंय. मधे टुरिस्ट म्हणून व्हिजिट घडली त्यात अर्धवट सोडल्यासारखे बरेच काही दिसत होते. एकूण लुक भग्न वाटला.

संजय क्षीरसागर शनिवार, 20/09/2014 11:40
मित्राबरोबर तिथल्या बेस्ट व्यू पाँइटला जेवायला गेलो होतो. वरुन सगळ्या परिसराचं विहंगावलोकन करतांना, त्यानं एका वाक्यात समालोचन केलं `आयला नाशिकच्या घाटासारखं दिसतंय सगळं!' इट इज अ टोटल वेस्ट. त्या तुलनेत सहाराचा अँबी-वॅली प्रोजेक्ट कमालेयं. सहाराश्रींची वाट लागली पण साला माहौल काय केलायं, जस्ट बियाँड हेवन! नज़र हलत नाही एकेका स्पॉटवरुन. बेतहाशा कॉस्टलीये पण कल्पना काय भरारी घेऊ शकते याचं नितांत सौंदर्यशाली दर्शन. तिथे फोर सिजन्सला जेवलो, माय गॉड, वॉट अ डेलिकसी. क्लायंटला म्हटलं : `There can be only one thing a person can wish after such an ecstasy' `What is that?' `Death!'

प्यारे१ शनिवार, 20/09/2014 12:32
>>> एकूण प्रोजेक्ट flop की यशस्वी ? कुठल्याही प्रोजेक्टचं एक गणित असतं. वेळेचं आणि पैशाचं. लवासाबाबत ते चुकलेलं आहे एवढंच सांगू शकेन.

संजय क्षीरसागर शनिवार, 20/09/2014 12:51
मी पर्यावरण आणि प्रोजेक्ट अ‍ॅस्थेटिक्सबद्दल लिहीलंय. लवासात इन्व्हेस्टमेंट करणं माझ्यामते वेडेपणा होईल. आणि अँबी-वॅलीचा तर विचार देखिल करता येणार नाही.

प्यारे१ शनिवार, 20/09/2014 13:00
>>> अ‍ॅस्थेटिक्स. माझ्या मते नॉट बॅड. तुम्ही 'एकांत' ला गेलेलात का? जनतेच्या अपेक्षा जास्त नाहीत. फेज १ पूर्ण बूक झालेली होती. मला थोडी माहिती आहे प्रोजेक्ट बद्दल. ;)

सुहास.. बुधवार, 17/09/2014 22:50
रिझर्व झोन म्हणजे असा झोन जिथे काका, दादा आणि ताईला त्यांना जिथे पाहिजे तिथे आर झोन करता येतो. म्हणजे तो त्यांना हडप करण्यासाठी रिझर्व असतो. >> +१

पोटे गुरुवार, 18/09/2014 09:36
मुर्ख लोक घरे बांधतात. शहाणे त्यात भाड्याने रहातात. हे तत्व वपुंच्या कोणत्या पुस्तकात आहे ?

सुनील गुरुवार, 18/09/2014 09:48
वपु ह्या क्षेत्रातील जाणकार होते?

प्रभाकर पेठकर शुक्रवार, 19/09/2014 08:35
कर्ज घेऊन दुसरे घर घेण्यापेक्षा दोन दुकानं घ्यावीत. ह्या मताचा मी आहे. दुकानांना भाडं चांगलं मिळतं (घरापेक्षा) शिवाय स्वतःला कांही व्यवसाय (अगदी आहे ती नोकरी सांभाळून) करायचा असेल तरी करता येतो. फक्त, दुकान घेताना मोक्याच्या ठिकाणी घ्यावं. दुकान भाड्याने दिल्यास वाढत्या महागाईच्या प्रमाणात भाडं वाढवून घेता येतं. सहसा, सुस्थितीतील धंदा, जागा बदलण्याची जोखिम घेत नाही. फ्लॅटचा भाडेकरू दुसर्‍या फ्लॅट मध्ये सहज जातो आणि आपल्याला पुन्हा नविन भाडेकरू शोधावा लागतो.