गोफ - २

हर हर बोला हर हर बोला
बोला अमृत बोला
या दुनिये मध्ये थांबायाला
वेळ कोणाला ?

देवगिरीला गरजत होती
कोटावरची मेंढा तोफ
तरी किल्ला गारद झाला
नियती विणते मुश्किल गोफ

(चारोळी हा प्रकार मला अजून समजलेला नाही, गोखल्यांच्या बहुतेक रचना मला आवडलेल्या नाहीत :-( तरी या वाटेला मी बहुधा जात नाही... मागे एकदा चार लिहिल्या होत्या तितक्याच...)

ऋषिकेशराव गोफ बाकी मस्त विणलाय तुम्ही आणि इथल्या समस्त कवींनी.
मस्त आहे हा खेळ. चालू द्या.

आहे तर खरच आहे काय?
नाही तर खरच नाही काय?
पंचायत समीती आहे काय?
नाहीतर पंचाईत झालीय काय?

वा वा,

गोफ अगदी छान विणलाय सर्वांनी. आम्हालाही लिहायची इच्छा आहे. पण हा काव्यप्रकार आम्ही कधी हाताळलेला नाही. बघतो प्रयत्न करुन काही जमताय का?

आपला,
(नवखा) धोंडोपंत

आम्हाला येथे भेट द्या https://dhondopant.blogspot.com

समाजकंटकाना मारा
चिंचेचा फोक
आणि मिसळपावचा विणा
छान छान गोफ!

ही कशी आहे?-:)

का समाजाच्या नावने बोंबलायचे..
तो ही माणसांनीच बनवलेला..
केला कितीही आरडाओरडा
तरी गांव तिथे उकिरडा........!

- प्राजु.

समाजाचे नितीनियम
आणि संस्कृतीची जाणीव
पाळणा-यांसाठी सर्वकाही..
नाहीतर सगळ्याचीच उणीव..

- प्राजु.

मिसळपाववर खोदलेले खड्डे बुजवतांना
आम्ही दक्ष राहिलो होतो.
म्हणतात की, प्रत्येक खड्ड्यात त्यांनी
सुरुंग पेरले होते.

( कोणता प्रकार हाताळला आम्ही कोणास ठाऊक )

मंडालेच्या तुरूंगात
घडले गीतारहस्य..
सुखावल्या त्या भित्ती
अन गजांवर उमटले हास्य..

- प्राजु.