Skip to main content

मासे ३९ ) इंग्लिश मासा

लेखक जागु यांनी बुधवार, 28/05/2014 12:12 या दिवशी प्रकाशित केले.
ह्या माशाला इंग्लिश बोलता येत असेल असा गैरसमज करून घेउ नये. हे मासे खाडीत, शेतात सापडतात. माश्याचे नाव माहीत नसल्याने ह्याला इंग्लिश मासा नाव पडले असावे. हया माशाला खवले असुन मासा पुर्ण काळा असतो. साहित्य : इंग्लिश मासे पाव चमचा हळद १ ते २ चमचे मसाला चवीपुरते मिठ तळण्यासाठी तेल आल, लसूण, मिरची, कोथींबीर वाटण (ऑप्शनल) पाककृती माश्यांची खवले काढून, पोटाला चिर पाडून त्यातील घाण काढून स्वच्छ धुवुन घ्यावेत. जर मासे मोठे असतील तर त्याच्या तुकड्या पाडाव्यात. नंतर त्याला मिठ, हळद, मसाला, हवे असल्यास वाटण चोळून ठेवावे. गॅसवर पॅन चांगला गरम करावा व त्यात तेल सोडून मध्यम आचेवर पाच पाच मिनीटांनी उलथापालथ करून खरपूस तळून घ्याव्यात. हे आहेत खरपूस तळलेले इंग्लिश मासे.
वाचने 15672
प्रतिक्रिया 28

प्रतिक्रिया

प्रभाकर पेठकर बुधवार, 28/05/2014 12:20
दाक्षिणात्यांच्या (मल्याळी) आहारात ह्या माशाला मानाचे स्थान आहे. ह्याला ते 'कारी मीन' (काळा मासा) म्हणतात. चविष्ट असतो.

ऋषिकेश गुरुवार, 29/05/2014 12:17
+१ कारीमीन पोल्लीचेट्टू नावाचा अतीसुंदर खाद्यप्रकार कुलाब्याला ललिथ रेस्टॉरन्टमध्ये खाता येईल. त्याचे वर्णन इथे

पांथस्थ सोमवार, 02/06/2014 18:20
माफ करा पण हा करिमीन (Pearlspot) नाहिये! वर वर दिसायला सारखाच असला तरी नीट बघितल्यास लक्षात येउ शकेल - http://en.wikipedia.org/wiki/Green_chromide. करिमीन हा पसरट पंज्यासारखा आहे. बाकी करिमीन फ्राय खल्लास लागतो! हा इंग्लिश मासा तिलापियाच्या जास्त जवळचा दिसतो आहे. अर्थात हे सगळे प्रकार सिकलीड (Cichlid) जातीचे असल्यामुळे साधर्म्य आहे!

प्रभाकर पेठकर सोमवार, 02/06/2014 19:41
pearlspot आणि Tilapia ह्या दोन्ही माशांना करीमीन म्हणूनच ओळख आहे. कदाचित चुलत भावंड असतील.

प्रभाकर पेठकर सोमवार, 02/06/2014 19:59
वेगवेगळ्या पाण्यात, प्रदेशात एकच माशाचे रुप किंचित बदलते. त्यामुळे एकाच नांवाचे, एकाच माशाचे दोन दोन प्रकार आढळतात. Malabar leaf fish - Panna karimeen Tilapia - karimeen pearl spot - karimeen king fish - suramai seer fish - suramai

शिद बुधवार, 28/05/2014 19:33
कधी खाल्लेला आठवत नाही पण तळून झाल्यानंतर हा मासा ईंग्लिश आहे की बागडा हे ओळखणं तेवढं सोपं नाही. पक्के मत्स-खवय्यांनाच ओळखता येईल हा फरक पटकन. तुम्ही बनवलं आहे म्हणजे चवीला मस्तच असणार यात वादच नाही. अवांतरः हा मासा खाडीचा आहे म्हणून आठवलं की आमच्या गावच्या खाडीत बोईसर एम.आय.डि.सी. तुन इतक्या प्रचंड प्रमाणात रासायनिक सांडपाणी सोडण्यात येतं की त्यामुळे खाडीच्या पाण्याचा रंग दाट काळसर तपकीरी होवून सगळे मासे मृतप्राय झाले आहेत. :(

प्रभाकर पेठकर गुरुवार, 29/05/2014 00:54
शिद, >>>> तळून झाल्यानंतर हा मासा ईंग्लिश आहे की बागडा हे ओळखणं तेवढं सोपं नाही असं वाटत नाही. बांगडा इतका इतका ओळखिचा आहे की, 'हा बांगडा नाही' एव्हढे तरी नक्कीच ओळखता येईल.

प्रभाकर पेठकर गुरुवार, 29/05/2014 01:08
मांसाहारात मत्स्याहार कमी घातक आणि जास्त उपकारक आहे असे वाटते. विशेषतः, ओमेगा-३ फॅटी अ‍ॅसिडसची गरज मत्स्याहारातून भागते. पूर्ण प्रथिनांचा पुरवठाही शरीराला उत्तम होतो. वृद्धपकाळातील अनेक आजारांना मध्यवयातच पायबंद घातला जातो. अर्थात, ओमेगा-३ फॅटी अ‍ॅसिडच्या फायद्यांविषयी अजून ही संशोधन चालू आहे. पण हा एक आवश्यक घटक आहे आणि तो मत्स्याहारातून मिळतो ह्यावर एकमत आहे. रोजच्या चयापचय प्रक्रियेस (मेटॅबॉलीझम) मदत होते.

ऋषिकेश गुरुवार, 29/05/2014 13:29
एक विनंती आहे (तुमची ही इतकी छान 'पाक'माला आजच वाचतो आहे म्हणून इतक्या उशीराने ही सुचना. क्षमस्व!)
माश्यांची खवले काढून, पोटाला चिर पाडून त्यातील घाण काढून स्वच्छ धुवुन घ्यावेत
अशांसारख्या स्टेप्स मासे नहमी करून खाणार्‍यांना सवयीच्या व सोप्या असल्या तरी माझ्यासारख्या आजवर अगदी क्वचित (तेही दुसर्‍यांच्या घरी जाऊन) मासे बनवणार्‍याला सवयीच्या नसतात. तेव्हा या बहुतेक सर्व माशांसाठी कराव्या लागणार्‍या स्टेप्स कशा कराव्यात हे छायाचित्रासहित समजावता आले, तसेच खवले काढायला काय वापरावे? (विळी/सुरी/कोयता इत्यादी) नक्की कुठे छेद द्यावा, वगैरे गोष्टी सांगता आल्या तर शिकायला आवडेल. घाई नाही पण लिहा नक्की!

जागु गुरुवार, 29/05/2014 14:19
चालेल ऋषिकेश ह्यासाठी एक वेगळा धागाच काढेन. थोडा वेळ लागेल. मोठे मासे असतील तर खवले काढायला काती चांगली. छोटे असतील तर विळीवर काढता येतात.

बॅटमॅन शुक्रवार, 30/05/2014 16:32
अहो विष्णूच्या प्रथमावतारास आपल्या उदरात स्थान देणे हा भक्तीचा अजून एक अ‍ॅडिशनल प्रकार मानला जावा खरे तर..नवविधा भक्ती म्हणतात तशी दशविधा भक्ती असावी...(या एका प्रकारासकट).. म्हणा, गर्व से कहो....