Skip to main content

साजण / काही चोरोळ्या

लेखक विवेकपटाईत यांनी शनिवार, 03/05/2014 18:22 या दिवशी प्रकाशित केले.

हिंदीत अमीर खुसरो यांनी 'साजन ' या विषया वर कित्येक मनोरंजक पहेलियाँ (चारोळी स्वरूपात लिहिल्या होत्या) त्याच धर्ती वर आजच्या परिस्थिनुसार काही 'साजण' चोरोळ्या (कोडे स्वरूपातल्या)

(१)

लपत छपत तो बिछान्यात येतो
गोड गोड गाणी कानात म्हणतो
कधी चुंबितो कधी चावतो
सारी रात्र मला तो छळतो

का सखी साजण?
ना सखी डास.

(२)

कधी काळी येतो
गोड गोड बोलतो
खोटी वचने देऊनी
सर्वस्व लुबाडीतो

का सखी साजण?
ना सखी नेता.

(३)

कधी येते, कधी जाते
सारी रात्र मला ती छळते.
तिच्या विना न चैन मिळे
तिच्या साठी आसुसले डोळे.

का सखा साजणी ?
ना सखा वीज

लेखनविषय:
लेखनप्रकार
वाचने 2450
प्रतिक्रिया 10

प्रतिक्रिया

धर्मराजमुटके शनिवार, 03/05/2014 23:10

चारोळ्या आवडल्या. मात्र तिसर्‍या चारोळीतला साजण लेस्बीयन आहे का ? नाही "वीज" मराठीत स्त्रीलींगी असते म्हणून विचारले. :)

विवेकपटाईत सोमवार, 05/05/2014 19:25

चारोळी पुन्हा वाचा,

कधी येते, कधी जाते
सारी रात्र मला ती छळते.
तिच्या विना न चैन मिळे
तिच्या साठी आसुसले डोळे.

का सखा साजणी ?
ना सखा वीज

मला वाटते उत्तर मिळाले असेल.

सूड सोमवार, 05/05/2014 19:39

>>कधी येते, कधी जाते
सारी रात्र मला ती छळते.
तिच्या विना न चैन मिळे
तिच्या साठी आसुसले डोळे.
का सखा साजणी ?
ना सखा वीज

मराठीत मित्रमंडळी इतक्या विनम्रतेने प्रश्न विचारत नाहीत. ह्या कोड्याचं उत्तर 'झोप' आहे असं समजून एखादा मित्र उत्तर देईल: "कशी झोप यील, रातच्याला वषाट कमी खात जा भा*"