Skip to main content

एक कविता

लेखक रामदास यांनी शनिवार, 11/10/2008 11:41 या दिवशी प्रकाशित केले.

येणार आज म्हणूनी, डंका पिटून गेले
ते मेघ पावसाळी चोरून अंग गेले.

चकवे दहा दिशांचे उसने हसून गेले
वेळूत रानवारे फुंकून दंभ गेले.

दिनरात वंचनेचे पेले भरून प्याले
हिरवे पडाव त्यांचे करपून खाक झाले.

कमळात सावल्यांच्या अडकून भृंग झाले
कित्येक रामदासी कुळवंत रंक झाले.

लेखनविषय:
लेखनप्रकार
वाचने 4550
प्रतिक्रिया 13

प्रतिक्रिया

दत्ता काळे शनिवार, 11/10/2008 14:48

येणार आज म्हणूनी, डंका पिटून गेले
ते मेघ पावसाळी चोरून अंग गेले.

- हि पहिली ओळ तर फारच सुं द र

मनीषा शनिवार, 11/10/2008 16:37

कविता ..
चकवे दहा दिशांचे उसने हसून गेले
वेळूत रानवारे फुंकून दंभ गेले. -----हे खासच

विसोबा खेचर रविवार, 12/10/2008 08:20

येणार आज म्हणूनी, डंका पिटून गेले
ते मेघ पावसाळी चोरून अंग गेले.

ह्या ओळी तर क्लासच आहेत....!

तात्या.