यातना

वा! भारी कविता केलीत सहजराव! मुक्त स्वांतत्र्याचा बहाणा का तर मिळावा रोज घालाया धिंगाणा साहीत्य निर्मीतीस कोण पुसेना पण नवसदस्य नावाच्या हुशार कल्पना हे विषेश आवडले. यमकात बोलायचे तर; " 'इतर सगळ्या' सदस्यांची हीच खंत असे काही खास सदस्यांचा हाच आनंद " आपला या सार्‍याला वैतागलेला गुंडोपंत

वा ! कविता आवडली.. फर्मास आहे :) >>माय मराठी काय म्हणेल >>कोणास नाही याची तमा हे तर ध्रुपद व्हावे असे आहे ;).. आणि सत्यतेमुळे अढळ ध्रुवपद :)) -ऋषिकेश

सहजरावांची सहज कविता...सहमत आहे. आनंदी रहा. आनंद इकडून मिळत नसेल तर दुसरीकडून मिळवा. चांगलं लिहिणारे दूर जात आहेत. या गदारोळात नक्की कुठं आणि कुणासाठी लिहायचं हे त्यांना समजेनासं झालंय. तसा मी खुप लहान आहे तुम्हाला सल्ला द्यायला पण लहान तोंडी मोठा घास म्हणून सोडून द्या. आपल्याला आवडतात तेच लेख वाचणे, चर्चा करणे आणि प्रतिसाद देणे. तेव्हा नको त्या गोष्टी मनाला लावून घेऊ नका. लोड नाही घ्यायचा. ष्री, बेडेकरपेक्षा लोहगड, पुरंदरपायथ्याची मिसळ चापणारा अभिजित

सहजराव अगदी तुमच्या नावाप्रमाणेच अतिशय सहजतेने तुम्ही इथल्या परिस्थितीबद्दलची खंत व्यक्त केलेली आहे. कविता आवडलीच पण अशी कविता तुम्हाला करावी लागली हे काही चांगले झालेले नाही. म्हणूनच म्हणतो की लवकरात लवकर इथले वातावरण शुद्ध होऊन इथल्या कवींना/लेखकांना चांगल्या कल्पना सूचून त्यावरील छान छान कविता/लेख आमच्यासारख्या वाचकांना वाचायला मिळोत अशी सदिच्छा व्यक्त करतो.

झकास कविता! >>शत्रुस अनासाये मिळे कराया ठणाणा शत्रू कोण? आणि कुणाचे? तात्याचे की मिसळपावचे? ;))) अर्थात, शत्रू कुणीही असले तरी त्यांची फार चिंता नको. तात्या त्यांना एक हाती सांभाळू शकेल असे वाटते! अजानुकर्णांचा, >>माझ्या माहितीप्रमाणे पंचायत समितीच्या इतर सदस्यांपैकी नीलकांत सध्या एकूणच आंतरजालावर नाही. विकास व कोलबेर गेले काही दिवस मिसळपावावर दिसलेले नाहीत. मी स्वतः हे लेखन उडवलेले नाही. सदर लेखन उडवण्यामागे पाकिस्तान, आयएसआय वगैरे परकीय शक्तींचा हात असण्याची शक्यताही नाही. मात्र संपादकीय मंडळाबाहेरील व्यक्तींचा यात हस्तक्षेप असण्याची शक्यता आहे. उपरोल्लिखित सदस्यांव्यतिरिक्त आणखी कोणी संपादक मंडळावर आहे का? हा प्रतिसाद पाहिल्यास शत्रू कोण याची कल्पना येते. ज्या तात्याने या माणसाला मोठ्या विश्वासाने (किंबहुना आंधळेपणाने!) काळजीवाहू संपादक नेमले, तसेच इतरही चार पंचायत सदस्यांची नांवे जाहीर करून त्यांच्या हाती संपादनाचे सर्व अधिकार देऊन तात्या मोकळा झाला, त्या माणसाने मानभावीपणाने, उपरोल्लिखित सदस्यांव्यतिरिक्त आणखी कोणी संपादक मंडळावर आहे का? असा प्रश्न विचारणे यावरून शत्रू कोण? आणि असलेच तर ते अंतर्गत शत्रूच असावेत याची सहज कल्पना येते, यावी! ;)))) अर्थात, मिसळपावला अश्या पेल्यातल्या वादळांचं काही नाही कारण एका वादळी व्यक्तिमत्वानेच हे संकेतस्थळ सुरू केले आहे! राजीव अनंत भिडे, हिंदु कॉलनी, मुंबई.

सहजराव, तुमची कविता चांगली आहे. बर्‍याच लोकांच्या भावना व्यक्त करते असे वाटले. याच संदर्भात एक सामान्य वाचक म्हणून माझेही मत द्यावेसे वाटले. कोणाला त्याची काही पर्वा आहे असे वाटत नाही, पण सांगितले नाही तर लोकशाहीतील अधिकार/कर्तव्य बजावले नाही असे म्हणावे लागेल. मला हे जे अनेक दिवस चालले आहे ते सर्व पाहून कंटाळा आला आहे. इथे वाचायला येते मी - सर्वांना आता ओळखतेही, आणि सवय झाली आहे म्हणून आपोआप हातून हे पान उघडले जाते - पण सततची भांडणेही बघवत नाहीत. हे असेच चालू राहिले तर तेही येणे बंद होईल. (ही धमकी वगैरे नाही, कृपया असे समजू नये. पण नेहमी येणार्‍या व्यक्तींचेही असे होत असेल तर नव्यांचे काय? या नव्या आणि काही एक होऊ इच्छिणार्‍या संकेतस्थळाची अशी वाताहात होऊ नये अशी मनापासून इच्छा आहे).

नव्यांचे काय? या नव्या आणि काही एक होऊ इच्छिणार्‍या संकेतस्थळाची अशी वाताहात होऊ नये अशी मनापासून इच्छा आहे. --- सहमत आहे. याबाबतीत तात्यांशी बोलणे झाले आहे माझे मागे एकदा व्य नि तून. तो व्य. नि आणि त्याला तात्यांचे उत्तर आणि नवीन सदस्यांचे काय होत असेल, या प्रश्नाला तात्यांचे उत्तर येथे वाचता येईल. सहजराव, तुमच्या कवितेतील प्रश्नांची उत्तरेही त्याच दुव्यावर मिळतील, असे मला वाटते. तुमची आणि इतर सदस्यांचीही व्यथा अगदी समर्पकपणे, समयोचितपणे मोजक्या शब्दांत मांडलीत, याबद्दल तुमचे कौतुक वाटते. (दुवादार)बेसनलाडू

सहजराव, कविता आवडली. कळतील कुणा यातना होतात आमच्या मना मुक्त स्वांतत्र्याचा बहाणा आणि का तर मिळावा रोज घालाया धिंगाणा. कवीच्या या भावना अनेकांच्या आहेत. कोणाच्या खांद्यावरून कोण साधे निशाणा तेच तर काय कळत नाही ना, सहजराव.......! लेखन-वाचनाचा आनंद मिळेना माय मराठी काय म्हणेल कोणास नाही याची तमा माय मराठीचा विचार करणारे, जोपर्यंत आपल्यासारखे सदस्य लिहीताहेत तो पर्यंत काही आनंद आणि काही यातना सर्वांनीच सोसाव्यात, सहजराव ! बाकी अशाच 'सहज' सोप्या कविता येऊ द्या !!!

काय सहजभाऊ हाय का वळख, हीकडं येऊन कइता करु राह्यले का भो लय झक्कास लिव्हा लागले इकडं येऊन :)

मानले तुम्हाला.. मिसळपावच्या सगळ्याच हितचिंतकांच्या मनातले विचार आहेत हे. चित्राने सांगितल्याप्रमाणे कदाचित चांगल्या लेखकांचेच काय पण वाचकांचेही इथे येणे बंद होईल. हे थांबायला हवे. प्राजु. (मिसळपावची नियमित वाचक.)

मिसळपावच्या सगळ्याच हितचिंतकांच्या मनातले विचार आहेत हे. चित्राने सांगितल्याप्रमाणे कदाचित चांगल्या लेखकांचेच काय पण वाचकांचेही इथे येणे बंद होईल. हे थांबायला हवे. मीही सहमत विजय