मिपाकरलक्षणे समास द्वितीय

मिपाकरलक्षणे समास प्रथम | | श्री मिसळ पाव || | डूआयडीलक्षणनाम समास द्वितीय | मागा सांगितली लक्ष णे | मिपाकरांअंगी बाणे | आता ऐका सोंग घेणे | असोनी येक आयडी |१ | तयां नाव डुआयडी |नामे असती बहु फाकडी | खवतुनी लाडीगोडी | करिती सदा |२| घेई सोंगे कलह लावण्या | जुने स्कोर सेटल करण्या | अथवा उगा मजा बघण्या | आयड्यांची |३| बोली स्त्रीआयडींशी मधुर | मयतरी करण्या अति आतुर | प्रतिसादी जो बहु चतुर | तो येक डुआयडी |४| वाचाळ चोंबडा चौकस |कुटीळ अंतस्थ मानस | कुवत नसता भंकस | करी तो येक डुआयडी |५| शत्रुआयडीवरी खाय दाढा |संपादकांशी दीन बापुडा | निर्लज्ज ढोंगी पाषाण कोरडा | तो येक डुआयडी |६| काव्य साहित्य ना लेख |काथ्या कुटुनी करी राख | पाकृ चोरी काही येक | दुज्या संस्थळीची |७| संपादक-शत्रू लेखक-शत्रू | कवी-शत्रू कलाकार-शत्रू | बल्लव-शत्रू सुगरण-शत्रू | तो येक डुआयडी |८| आयडीचेनी अष्टगुणे | जया अंगी खोड्या बाणे | सकळांचे काढी उणे | तो येक डुआयडी |९| संयम राखो नेणे कदा | चेष्टा करू पाहे सर्वदा | हसून खिजवी आयडींस सदा | तो येक डुआयडी |१०| बहुतांचे मनींचे तुटे | उगा करी व्यनी खोटे | क्षण बरा क्षणां पालटे | तो येक डुआयडी |११| समस्तांशी मत्सर धरी | बहुतांचे पडीक धागे उकरी | छद्मनामे स्कोर सेटल करी | तो येक डुआयडी |१२| आनंदें आयडी बोलत जेथे | करी वटवट जाऊनी तेथे | खफ आणि खव बळेच मंथे | तो येक डुआयडी |१३| स्त्री आयडींशी सलगी देणे | कंपुंच्या संनिद्ध बैसणे | नव आयडींस उगा खिजवणे | तो येक डुआयडी |१४| काड्या सारुनी कौतुक पाहे | स्मायल्या सोडूनी निवांत राहे | बाजार उठवूनी आपण नोहे |तया गावीचा |१५| ऐसी लक्षणे डूआयडींची असती | बोलिली काही येक यथामती | सावधान असावे श्रोतीं | डूआयडींपासुनी |१६| पारखावी लक्षणे मनीं | आयडी -डूआयडींची दोनी | वावरावे संस्थळी धरुनी | खूण गाठ |१७| ज्ञानार्थ बोलिले लक्षण | असता मिपाकर विचक्षण | पामरें केले परिक्षण | क्षमा केली पाहिजे |१८| इति श्री मिपाबोधे लक्षण परिक्षण संवादे शब्द मेळ साधे समास समाप्त.