Skip to main content

आत्मक्लेश४

लेखक नंदकिशोर साळ्वे यांनी बुधवार, 24/09/2008 20:06 या दिवशी प्रकाशित केले.

निवार्‍यासाठी पावसानं
माझंच घर शोधलं,
मग स्वागतासाठी त्याच्या
मी अंथरलं पातेलं.

डोळे पुसण्यास माझे
पाऊस धावूनी आला,
थेंब कोणता तुझा नि माझा
हेच कळेना म्हणाला.

ढगाच्या सावलीला
डोंगर समजला डाग,
पेटून उठला वणवा जेव्हां
ढग म्हणाला फुलतेय बाग.

लेखनविषय:
वाचने 3312
प्रतिक्रिया 11

प्रतिक्रिया

लिखाळ बुधवार, 24/09/2008 20:57

तीनही चारोळ्या मस्त !

मग स्वागतासाठी त्याच्या
मी अंथरलं पातेलं.
हे तर जबरदस्त !
--लिखाळ.

मनीषा गुरुवार, 25/09/2008 10:26

आवडल्या

डोळे पुसण्यास माझे
पाऊस धावूनी आला,
थेंब कोणता तुझा नि माझा
हेच कळेना म्हणाला. ......सुंदर