आनंद - कार्लसन डाव - ३

पण मजा आली, जोरदार खेळून ड्रॉ झाल्यामुळे फार वाईट वाटले नाही!

आनंद तोंडि भराभर पोझीशन्स सांग्तोय की काय काय झाले असते बोर्ड न बघताच, शेवटी ती मुलाखत घेणारी म्हणाली जरा बोर्डवर दाखव म्हणून!!! =)) =))

आश्चर्य वाटते आहे मला. यावेळी आनंद कमालीचा फिट वाटतोय. त्याने वजन १० किलोने कमी केले आहेच म्हणा!

"मॅग्नुसची तयारी कशी काय वाटते तुला?" असा प्रश्न आनंदला विचारला!! "बरी वाटते आहे"! असे उत्तर द्यायला हवे होते!!! =)) =))

कार्लसन चमत्कारिक स्थिती पटावर निर्माण करायला मागेपुढे बघत नाही. बेधडक खेळत जातो. त्याची इंट्यूशन अतिशय सशक्त असल्याने कोणत्यावेळी रेटून खेळायचं आणि कोणत्यावेळी 'चड्डीत राहायचं' याचे त्याचे आडाखे पक्के आहेत! त्याच्या या बेभरवशी खेळण्याच्या शैलीमुळे तुमचा घरचा अभ्यास किती उपयोगी पडेल हे नक्की सांगता येत नाही. महाभयानक अशा स्मरणशक्तीमुळे त्याला अनेक डाव आठवू शकतात आणि त्यात वापरलेल्या चाली प्रतिचाली तो इंप्रोवाईज करुन वापरु शकतो. प्रतिस्पर्ध्याला जराही सैल पडण्याची उसंत तो देत नाही, एकदम टाईटरोप वॉक! एखादी जरी चूक झाली तरी तो निर्दयपणे घुसून ते भगदाड मोठे करायला बघतो. कालच्या डावात उंट आणि वजीर जेव्हा पटाच्या मध्यात ठाण मांडून बसले होते तेव्हा ४-५ खेळ्या आनंदची धडगत नव्हती! परंतु आनंदची खासियत अशी आहे की समोरच्याचा खेळ जितका उंचावेल तितका तो स्वत्:चा खेळ उंचावर नेऊ शकतो, ही अ‍ॅडॅप्टिबिलिटी त्याचे सामर्थ्य आहे. आणि दुसरी गोष्ट अशी की त्याचे बुद्धीबळाचे ग, म, भ, न अत्यंत पक्के आहेत. समोरच्याने कितीही विचलित करणारा खेळ केला तरी हा आपले बेसिक्स कधीही सोडत नाही (क्रिकेटच्या भाषेत, त्याला त्याचा ऑफस्टंप कुठे आहे हे बरोब्बर माहीत असतं!) त्याला धीर पुष्कळ आहे. त्यामुळे वाट बघू शकतो, उतावळा होत नाही. आणि त्याचा अनुभव तर प्रचंड आहे. ओपनिंग मधले त्याचे प्रभुत्व जगात अव्वल दर्जाचे आहे. त्याचीही मेमरी भयानक आहे. तिसर्‍या डावात मॅग्नुस करेल त्या प्रत्येक खेळीला आनंदने सडेतोड उत्तर शोधून काढले इतकेच नव्हे तर मॅग्नुसचा वजीर जेव्हा, त्याने स्वतःच, एच १ वरती अडकवून घेतला होता तेव्हा आनंद जिंकू शकेल अशी परिस्थिती निर्माण होता होता राहिली. एकूण कालचा डाव हातघाईवर आलेला होता पण तरिही बाजू तुल्यबळ राहिल्या. इथून पुढचे सगळे डाव मात्र श्वास रोखून धरायला लावणारे होतील अशी दाट शक्यता वाटते. अतुलनीय बुद्धीबळ कौशल्य आपल्याला बघायला मिळेल असा विश्वास वाटतो!