म्हैसूरपाक

सानिकास्वप्निल दिवाळी अंक
. साहित्यः दीड वाट्या बेसन दोन वाट्या साखर १/२ वाटी पाणी २ वाट्या तूप वेलचीदाणे . पाकृ: साखरेत पाणी घालून पाक करायला ठेवावा. दुसर्‍या भांड्यात तूप कडकडीत गरम करायला ठेवावे. तूप गरम होत असताना डावभर तूप बेसनात घालून चांगले चोळून घ्यावे. पाकाला उकळी आली की त्यात वेलचीदाणे घालावे. पाक दोनतारी होत आला की त्यात बेसन घालावे व चांगले ढवळून घ्यावे. डावभर तूप त्यात घालत रहावे म्हणजे जाळी पडेल. सतत बेसनाचे मिश्रण ढवळत रहावे. मिश्रण कडेने सुटू लागले व जाळी दिसू लागली की मिश्रण चाळणीत ओतावे. चाळणीच्या खाली पातेले किंव ताट ठेवावे म्हणजे जास्तीचे तूप निथळून जाईल. कोमट असतानाच वड्या पाडाव्यात. . म्हैसूरपाक खाण्यासाठी तयार आहे . .
वर्गीकरण
दिवाळी अंक वर्ष
20 टिप्पण्या 9,273 दृश्ये

Comments

पैसा नवीन

मला खायला आवडत नाही पण फोटो कातिल नेहमीप्रमाणेच!
दिपक.कुवेत नवीन

फोटुग्राफि नेहमीप्रमाणेच तोडिस तोड पण पदार्थ विषेश आवडत नसल्याने माझा पास.....
चित्रगुप्त नवीन

मस्तच दिसतो आहे म्हैपा. वर दिलेले साहित्य वापरून किती म्हैपा बनेल?
मुक्त विहारि नवीन

निव्वळ छळवाद.. तुमच्या पोस्ट मी वाचत नाही, फोटो अजिबात बघत नाही. त्यामुळे इनो घ्यायची गरज भासत नाही. इ. इ. संपादकांना विनंती, की त्यांनी ह्या ताईंना अशा पोस्ट टाकू नयेत म्हणून एक पत्र लिहावे.आमच्या मनांत ते न्युनगंड की काय जे काही म्हणत असतील ते तयार होते. असो. (म्हैसुर् पाक चापण्यात मग्न झालेला) मुवि.
प्रभाकर पेठकर नवीन

अतिशय चविष्ट आणि आकर्षक मेसुरपाक. अभिनंदन. थोडाफार खायचा पिवळा रंग वापरून अधिक आकर्षक बनेल.
स्पंदना नवीन

आहाहा! काय रंगा आलाय म्हैसूरपाकाला. सुरेख. असा आत्ता उचलु की मग अस वाटुन र्‍हायल ना ताई? मस्ताड!