मिपा हे मराठी संकेतस्थळ समजल्यापासून अगदी रोज न चुकता भेट देत आहे. मिपावर रोज येणारे लेख, कविता हा म्हणजे तर जणू खजिनाच आहे. इथे एकदा भेट दिली कि काहीतरी मनोरंजक, ज्ञानवर्धक लिखाण नाकीच वाचायला मिळत. इस्पिकचा एक्का, गवि, स्पा, वामनसुत, विसोबा खेचर, जॅक डनियल्स यांचे लेख म्हणजे तर पर्वणीच असते वाचकांसाठी. हे सर्व वाचत असतांना लेखनासारख्या नवीन क्षेत्रात माझ्यासारख्या नवीन व्यक्तीला काहीतरी लिहिण्याची स्फूर्ती न येओ तर नवलच. मला ह्या संस्थळावर काही गोष्टींची उणीव भासते, ती मी इथे मुद्देसूद मांडण्याचा प्रयत्न करतो आहे. हे मुद्दे सर्व मिपाकर आणि मिपाच्या व्यवस्थापनाला योग्य वाटल्यास ह्या मुद्द्यांवर विचार करावा हि विनंती, मुद्द्यांवरील उपाययोजना जर मिपावर अगोदरच असतील तर जाणकारांनी त्या उपाय योजना समजावून द्याव्यात हि अजून एक विनंती. मुद्दे योग्य न वाटल्यास बिनदिक्कत हा धागा काढून टाकावा. १. मिपा वर मराठी कसे लिहावे हे मला तरी ४-५ लेखांनंतरही उमगले नाहीये, मी सध्या तरी गुगल चे ऑनलाइन मराठी टूल वापरून लिखाण करतो आहे. अशी समस्या कोणालाही न येवो ह्या साठी मिपावर मराठीतून लिखाणासंबंधी योग्य असे मार्गदर्शन तसेच कोणकोणत्या ब्राउझर्स मध्ये मराठी लिखाण व्यवस्थित्त करता येईल हे देखील नमूद करावे. २ . मिपावरील सदस्याच्या नावावर टिचकी दिल्यास उघडणार्या पानावर सदस्यांचे छायाचित्र एकतर दिसत नाही किवा किवा ते अगदीच छोटे दिसते, तेव्हा हे छायाचित्र मोठे म्हणजेच चेपु वरील छायाचित्र एवढे दिसेल अशी सोय करावी जेणेकरून लेखक/लेखिका कोण आहे हे समजून घेणे सोपे जाईल व मिपा कट्ट्यावर भेटणारे सर्वच अनोळखी वाटणार नाहीत. ३ . सदस्यांच्या द्रश्य ह्या पानावर चेपुच्या सदस्यत्वाचा दुवा देण्याची ऐच्छिक सोय असावी. ४. सर्व लेख मालिकांमध्ये पुढील व मागील भागांचे दुवे स्वयंचलित रित्या डकवले जातील अशी सोय असावी जेणेकरून लेखक दुवे देण्यास विसरला असता लेखमालिकेतील सर्व लेख सहज रित्या वाचता येतील. मी स्वतः दुव्यांअभावी काही लेखमालिका पूर्ण वाचूच शकलो नाही. ५. एखादा लेख वाचत असताना त्या लेखकाच्या इतर लखांचे दुवे जर डाव्या किवा उजव्या बाजूस दिले गेले तर त्या लेखकाच्या इतर लेखनाचा आनंद वाचकांना सहजच घेता येईल. वरील मुद्दे सर्वस्वी माझ्या मनाची उपज आहेत, ह्या सर्वात कुठलाही स्वार्थ किंवा हेतू दडलेला नाही. कृपया मिपाकारांनि मुद्द्यातील उपयुक्तता व फोलपणा प्रतिक्रियांमध्ये व्यक्त करावी.