Skip to main content

आज 'तो' राहिला नाही

लेखक आनंदमयी यांनी सोमवार, 21/10/2013 16:05 या दिवशी प्रकाशित केले.

यायचे कुठुनसे तेव्हा
ढग दाटुन एकाएकी
स्पर्शून जायची मजला
प्रीतीची लाट अनोखी

उधळीत पेटता श्वास
'तो' कवेत मजला घेई
परि आर्त क्षणांना तैशा
कधि मेघ बरसला नाही..!

अन् आज दाटले मेघ
ही सांज कोंडली आहे ..
अन् आज अधिर श्वासात
ही प्रीत मांडली आहे

अन् अवचित आज खुळासा
नभि मेघहि बरसुन जाई...
पण कवेत मजसी घेण्या,
आज 'तो' राहिला नाही!

© अदिती जोशी
11.6.2013
https://unaadpaus.blogspot.com

काव्यरस
करुण
लेखनविषय:
वाचने 1653
प्रतिक्रिया 6

प्रतिक्रिया

एस मंगळवार, 22/10/2013 00:12

तिसरे कडवे किंचित ओढूनताणून आणल्यासारखे वाटले. बाकी सर्व मस्तच. विशेषतः गेयता व नादोमयता, मीटर चांगले आहे.

खूपखूप शुभेच्छा.