Skip to main content

पुन्हा नव्याने..

लेखक आनंदमयी यांनी रविवार, 20/10/2013 13:24 या दिवशी प्रकाशित केले.

पुन्हा नव्याने फुलती स्वप्ने
पुन्हा नव्या उलगडती वाटा
पुन्हा नवी अधरांवर लिहिली
नाविन्याची लोभस गाथा

अस्तित्वाचा नवा अर्थ अन्
जगणे सारे नवेच झाले
बुरसटलेले पाश तोडुनी
नवे पाखरू नभी उडाले...

नव्या नव्याची नवलाई ही
व्यापुन घेते सारे जीवन
नव्या नभीची नवीन बिजली
छेदून जाते जुने कृष्ण घन

नव्या सुरांची नवी भुपाळी
नवी सुगंधी पहाट गाते
अधीर राधा पुन्हा नव्याने
श्यामनिळ्याची होऊन जाते!!

© अदिती जोशी
11.6.13

लेखनविषय:
वाचने 3036
प्रतिक्रिया 17

प्रतिक्रिया

आनंदमयी रविवार, 20/10/2013 21:39

माझी ही इथे पोस्ट केलेली पहिलीच कविता ...तुम्हा सर्वांच्या प्रतिक्रीया वाचून आनंद झाला! धन्यवाद!!

आनंदमयी सोमवार, 21/10/2013 10:09

आपणास माझी कविता आवडली हे वाचून आनंद झाला!! माझ्या आणखी कविता वाचण्यासाठी माझ्या ब्लॉगला https://unaadpaus.blogspot.com अवश्य भेट द्या

अदिती जोशी

ज्ञानोबाचे पैजार मंगळवार, 22/10/2013 10:17

अतिशय आवडली.

नवी स्वप्ने जुनी झाली की पुन्हा
नव्याने नवी स्वप्ने पहायची
हा क्रम अव्याहत सुरु ठेवायचा
न संपणार्‍या गोष्टी सारखा
न थकता,न कंटाळता,न वैतागता
जो पर्यंत कुडीत प्राण आहे तो पर्यंत