माझी सूर्यग्रहणात काढलेली सूर्याची प्रकाशचित्रे

मी काय सकाळी लवकर उठणार्‍या मंडळींपैकी नाही... पण त्या १९ मार्चला ग्रहण दिसणार आणि सूर्य उगवतानाच ग्रहण लागलेले असणार असे काहीसे आदल्या दिवशी वाचलेले होते... लवकर जाग आली आणि खिडकीपुढे जाऊन उभा होतो, सूर्य उगवायचा होता अजून ... आता परत झोपावे की काय अशा विचारात थोडा वेळ आकाशाकडे दुर्लक्ष झालं आणि वर बघतो तो असा तुकडा चावलेला सूर्य दिसला... मला अंदाजच नव्हता की इतका छान आणि ( शीतल..थोडा वेळ का होईना) दिसणार आहे सूर्य ... काही सेकंद डोळे भरून ते दृष्य पाहिलं आणि कॅमेरा आणायला धावलो... हा पहिला फोटो... ( थोडा काय , एक्साईटमेंटमध्ये भरपूर हललाय, पण टायमिंग बेष्ट आहे, पुन्हा किती कष्ट केले तरी असा फोटो मिळेल की नाही शंकाच आहे) कॅमेरा साधा निकॉन कूलपिक्स पी २ ... हा जरा बरा आहे... हे एक मजेदार समीपचित्र सूर्य जसा जसा भराभर वर यायला लागला तसा फोटो काढणं अवघड व्हायला लागलं.. मग खिडकीच्या काळ्या काचा सरकवून त्यातून एक शेवटचा फोटो काढला...