Skip to main content

असणे नसणे

लेखक अज्ञातकुल यांनी गुरुवार, 22/08/2013 11:20 या दिवशी प्रकाशित केले.

जगण्यात उगिच सजते असणे
अक्षरांत झिंगवते नसणे
असणे नसणे ओसांडे मन
हसण्यात सदा किण किण श्रावण

आभास सदा पथदूर कुठे
शोधासा कठिण पडते कोडे
मेघावळ पिंजुन एकांती
धड धड करते काळिज वेडे

आकाश; खोल पोकळ वासा
आवेग; न ठावे थांग जसा
पवनासाहि ना कळलेले हे
वाहतो सवे निशिगंध कसा

………………… अज्ञात

काव्यरस
शृंगार
लेखनविषय:
वाचने 3234
प्रतिक्रिया 13

प्रतिक्रिया

अज्ञातकुल शुक्रवार, 23/08/2013 16:35

असाही प्रतिसाद मिळाला तरी आवडेल. धन्यवाद मिका. :) मात्र आज ती का आवडली नसेल याचा अंदाज मला लावता येणं अवघड आहे. असो.

अज्ञातकुल सोमवार, 26/08/2013 13:30

खरं तर ते "झिंगवते" असं आहे पण दुरुस्त कसं करायचं ते माहित नाही.