आधीन

ओठात माणसांच्या पोटातले उखाणे मेघात चांदण्यांचे संकेत आड गाणे आधीन ओघळांच्या वाहे उदंड पाणी एकांत सागराची पागोळते विराणी थेंबास थेंब भेटे वाटेत पथिक गोटे ओसांड अंतराचे पथ सोडुनी समेटे कधि कुंपणे तळ्याची प्रतिबिंब अंबराचे साकेत भ्रामकांचे अंदाज थेट खोटे सारे खरे परंतू हृदयी उलाल कोणी मातीत सांडलेले उगवे फिरून अवनी संजीवनी जणू ही गत सुप्त भावनांना आशा अजून वेडी संदेश हा पळांना ........................अज्ञात

काव्यरस

अद्भुतरस

लेखनविषय:	कविता

वाचने 2542

प्रतिक्रिया 14

प्रतिक्रिया

सुंदर

मिसळलेला काव्यप्रेमी सोमवार, 08/07/2013 17:50

सुंदर!!

सारे खरे परंतू हृदयी उलाल कोणी मातीत सांडलेले उगवे फिरून अवनी संजीवनी जणू ही गत सुप्त भावनांना आशा अजून वेडी संदेश हा पळांना

मी एकदा तुमची डिक्शनरी चोरणार आहे... ;) कुठुन आणता हो शब्द?

मी एकदा तुमची डिक्शनरी चोरणार

अज्ञातकुल सोमवार, 08/07/2013 19:17

मी एकदा तुमची डिक्शनरी चोरणार आहे... smiley कुठुन आणता हो शब्द? ते मलाही नक्की माहित नाही. तुमचा हेतू साध्य करण्यासाठी "मलाच उचलून न्यावं लागेल" शब्द सोबत येतील अशी आशा आहे. :)