Skip to main content

फिमेल बाइटस!

लेखक स्पंदना यांनी सोमवार, 01/07/2013 08:03 या दिवशी प्रकाशित केले.

"फिमेल बाइटस!" पक्षी विक्रेता सांगत होता.
"यु कॅन टेम अ मेल बट नॉट अ फिमेल" त्याने माहिती पुरवली.
माझ्या चेहर्‍यावर अनेक भाव,
थोडा उपहास, थोड आश्चर्य, थोडा राग...
मग तो माझ्या नवर्‍याकडे वळला
"माय वाइफ अल्सो बाइटस" हसु, विनोद
गिर्‍हाईकाशी थोडी जवळीक
"हाउ अबाउट यु?" माझा नवरा मजेशीर हसला
मी ही दात काढले
मी चावत नाही हे दाखवायला
मी चावणार नाही हे पटवायला
मी चावरी नाही हे ठसवायला.
रात्री अंथरुण काटेरी झालं
पुन्हा पुन्हा तेच वाक्य..."फिमेल बाईटस"
व्हाय? व्हाय डज शी बाइट?
तिथे न विचारु शकलेला प्रश्न आता मनात वादळत होता.
काना कोपर्‍यातुन घोंगावत होता.
फिमेल बाईटस बाय नेचर
नॅचरली शी बाइटस
का? का ग?
आठवली एक रात्र
बिल्डींगच्या सुरक्षीततेत राहुन रस्त्यावरच्या तिच्या आक्रंदाची.
बडबड, न कळत्या बोलीतली
तरीही काहीतरी लुटल्याची, परतुन न मिळणारं हरवल्याची, हरल्याची भावना मनापर्यंत पोहोचवणारी.
शी कुड नॉट बाइट.
मग आठवली एक शेवटचा प्रयत्न म्हणुन चावलेली.........!!!!
मी समाजात राहुन हे निसर्गाच देणं विसरले का काय?
बाकिच सारं निसर्गदत्त; मी लावण्य म्हणुन मिरवते
मग हेच लेण, हे नैसर्गीक देणं मी का विसरले?
शी बाईट्स
कारण पुढची पिढी तिच्या कुशीत रुजते, त्या पिढीच्या रक्षणासाठी.
शी बाईटस
कारण तिचं एकटीच जगणं मह्त्वाच नसत, तिच्या अंगाखांद्यावर खेळणारा जीव महत्त्वाचा तिच्यासाठी.
शी बाईट्स
कारण तिच कोमल,नाजुक दिसणं तिला व्हिक्टीम बनवु शकतं.
शी बाईटस
कारण संसाराचा ध्यास मनी असतो. काडी काडीच मह्त्व ती मानते. उबदार घरट्याच रहस्य ती जाणते.
सुखासमाधानच फळ तिच्या असण्याने फुलत.
शी बाईटस, आय शुड फॉलो!
एल्स नेचरर्स ऑल होप्स विल एंड अप हॉलो.

__/\__
अपर्णा

लेखनविषय:
वाचने 6886
प्रतिक्रिया 20

प्रतिक्रिया

पैसा सोमवार, 01/07/2013 17:07

सगळ्याच लोकांना ते स्वसंरक्षणाचं साधन आहे. आपण खरेच विसरतो.

पिलांसाठी आमच्या घरची मांजरी ५ ६ कुत्र्यांच्या झुंडीवर धावून गेलेली मी पाहिली आहे. स्वत:साठी जमेल न जमेल पण पिलांसाठी मांजरही वाघीण बनते.

निवांत पोपट सोमवार, 01/07/2013 21:35

सुरेख ! फिमेल बाईट्स....., ह्या बाईट्स मध्ये आक्रमण तर नाहीच्,बचावातल्या निरर्थकतेमधलं आक्रंदन पोहोचतं आहे.आवडली.

प्रभाकर पेठकर मंगळवार, 02/07/2013 01:24

पटतंय..पण तिच्यावर ही वेळ यावी ह्याचेही दु:ख आहे. तशी वेळ तिच्यावर येणार नाही, असा समाजाच्या मानसिकतेत बदल घडेल...तो सुदिन.

निनाव मंगळवार, 02/07/2013 22:32

khoopach sundar lihile aahe.. vichaar karaayla laavNaari kavita..
stri-swaatantrya fakta parliament madhe Womens Bill paryanta maryaadit ka rahaave..there is a lot about respecting women.. it takes a lot of courage to offer equality and respect.. ti courage yaayla ajoon barrach awakaash ahe aplya samajaat..
aplya deshaatil loka paisya ney nahve tar 'vicharaaney' gareeb aahet..

chhaan lihile ahe. manaa paasoon aawadle..shubhechha.

निनाव मंगळवार, 02/07/2013 22:39

maazhe hey statement "aplya deshaatil loka paisya ney nahve tar 'vicharaaney' gareeb aahet.." sarsakat sarvansaathi nahi.. tar asya lokan saathi ahet jey striyaanna fakta ek object mhannoon treat kartaat.. :( sorry.. mala kuthleheee vaad nirmaaN karayche nahiye.. please! with due respect to everyone's views.

पिशी अबोली बुधवार, 03/07/2013 02:55

शी बाईटस, आय शुड फॉलो!

आवडलं.. त्याला नेचर्स गिफ्ट म्हणून अ‍ॅक्सेप्ट करण्यात किती धैर्य आहे! मनापासून आवडलं...

स्पंदना बुधवार, 03/07/2013 04:07

सर्वांना मनापासुन धन्यवाद.
@विजुभाऊ-नवर्‍याने तिला खिजवल्याचा कोठेही उल्लेख नाही. एक साधासा प्रसंग जो मनात विचारांचे वादळ उठवुन गेला तेव्हढाच उतरवण्याचा प्रयत्न!

गंगाधर मुटे मंगळवार, 09/07/2013 13:02

स्वसंरक्षणाची एक उपजत ऊर्मी आणि एकमेव हत्यार आहे.
मनुष्यप्राणी जसजसा सुसंस्कृत होत गेला तसतसा हे हत्यार वापरणे म्हणजे असंस्कृततेचे लक्षण आहे, असा समज दृढ होत गेला. त्यामुळे महिलांच्या बाबतीत तरी हे हत्यार निरुपयोगी ठरले.

अप्रतिम कविता. खूप आवडली.