✍ मराठी साहित्य, संस्कृती आणि लेखनाचे व्यासपीठ

स्टराइल किड्स

१००मित्र यांनी
 ·  लेख
लेख
लेखनविषय (Tags)
मुक्तक
लेखनप्रकार (Writing Type)
विरंगुळा
एकदा शाळेच्या सहलीबरोबर गेलो होतो. वाटेत , पुणं सुटल्यावर लगेच तासाभरात शिरवळला गाडी चाऊ-म्याऊ ला थांबली. लग्गेच पोरं आणी त्यांच्या आया सरसावल्या [खरं म्हणजे आयाच] :- चला रे कुणाला शुवा-शिया करायच्या असतील तर उरकून घ्या.... काही काही पालिका , (त्यांत काही महापालिकाही होत्या) तर पोरांना बळंच उभं करून .. श....श.... करत होत्या. मला वाटायला लागलं - पोरांना सोडून इतर सगळ्यांना होईल कि काय ! असो. तर शुवा-खाणी झाल्यावर सगळे गाडीत बसू लागले, तर तेवढ्यात सोहमला नेमकी नं.२ ला लागली [नतद्रष्ट मेलं] "आई.., शी लागली" "अरे बावळटा जा की मग" - यश सोहमला जोरात लागलेली , तरीही तेवढ्यात त्याची आई धावत पळत आलीच. "मूर्खा...सॅनिटायझर घेवून जा" सोहमही इतका आद्न्याधारक की जीव [?] मुठीत धरून त्यानी ती सॅनिटायझर नामक पवित्र जलाची पुचुक-पुचुक करणारी बाटली आधी घेतली आणी मगच गडी शी करायला गेला. ################ नंतर पुन्हा बसमध्ये बसल्यावर कळलं , की पोरांना उलट्या होवू नयेत म्हणून प्रत्येक मुलाला कुठली तरी गोळी (प्रत्येकीएक ह्या प्रमाणात) आगाऊच देवू केली होती म्हणे.
10205 वाचन
💬 प्रतिसाद (67)

प्रतिक्रिया

पैसा
Sun, 05/26/2013 - 22:39 नवीन
काही काही पालिका , (त्यांत काही महापालिकाही होत्या)
आवडलं. पण लेख सुरू होता होताच संपला की वो! आणखी वाचायला आवडलं असतं.

१००मित्र
Sun, 05/26/2013 - 23:33 नवीन
काय लिहायचं ज्योती[ताई] अज्जून ? अहो, मधे चंद्रपूरला ट्रिपने गेलो होतो , तर एका पालकाने, कार्टनभरून औषधं घेतलेली,त्याच्या भल्या-मोठ्ठ्य्या .... ३ जणांच्या कुटुंबाकरिता. समझनेवालेको......इशारे की भी जरूरत नही है
↩ प्रतिसाद: पैसा

प्रसाद गोडबोले
Sun, 05/26/2013 - 23:05 नवीन
ह्यानिमित्ताने एक जुनी आठवण जगी झाली ... आम्ही १०वीत असताना पुण्याला ट्रिप गेली होती , तेव्हा गुरु नावाचा एक पोरगा शिरवळला ओकला होता अन त्याघटने वर आम्ही कविता रचली होती "ने मजसी ने , परत सातार्‍याला , ड्रायव्हरा प्राण तळमळला ...मळमळला ...शिरवळला " =))

बॅटमॅन
Sun, 05/26/2013 - 23:10 नवीन
ने मजसी ने , परत सातार्‍याला , ड्रायव्हरा प्राण तळमळला ...मळमळला ...शिरवळला "
अरारारारा =)) =)) =)) =)) विडंबना हात सळसळला, सळसळला, गिरीजा ;)
↩ प्रतिसाद: प्रसाद गोडबोले

परिकथेतील राजकुमार
Mon, 05/27/2013 - 00:01 नवीन
काय लिहायचे म्हणून काही लिहायचे का काय ?
एकदा शाळेच्या सहलीबरोबर गेलो होतो.
आणि मग एकदम...
"आई.., शी लागली"
सोहमला जोरात लागलेली , तरीही तेवढ्यात त्याची आई धावत पळत आलीच. ?? सहल शाळेची होती, का सोसायटीची ?

प्रसाद गोडबोले
Mon, 05/27/2013 - 00:40 नवीन
सहल शाळेची होती, का सोसायटीची ?
कुणाची का असेना ? शिरवळला शी लागली हा मुद्दा आहे इथे =)) अवांतर : शी लागणे ह्या वाक्यप्रचाराचा उदग्म कोणत्या भाशेतुन झालाय हे कोडे अजुन उलगडले नाही ... शी ह्या श्ब्दाची व्युत्पत्ती काय ? ( अशाच एका दुसर्‍याच शब्दाची व्युत्पत्ती कालच सापडली आहे ...)
↩ प्रतिसाद: परिकथेतील राजकुमार

योगी९००
Wed, 05/29/2013 - 08:47 नवीन
शी लागणे ह्या वाक्यप्रचाराचा उदग्म कोणत्या भाशेतुन झालाय हे कोडे अजुन उलगडले नाही ... शी ह्या श्ब्दाची व्युत्पत्ती काय ? शी !! य्याक !! कुठलीही व्युत्पत्ती काय शोधताय? शी लागली या ऐवजी शी आली हे जास्त चपखल बसते. ( अशाच एका दुसर्‍याच शब्दाची व्युत्पत्ती कालच सापडली आहे ...) बाकी दुसरा शब्द कोणता?
↩ प्रतिसाद: प्रसाद गोडबोले

१००मित्र
Mon, 05/27/2013 - 12:42 नवीन
तसं नाही राजकुमारा, अरे, ह्या शाळेत, पालक-शिक्षक , मुलं असं नेहमी एकत्र जात असतो. नुकतंच आनंदवनातही आम्ही जावून आलो. मी सुधा पालकच आहे.
↩ प्रतिसाद: परिकथेतील राजकुमार

गवि
Mon, 05/27/2013 - 12:51 नवीन
शाळेच्या सहलीसोबत पालक जाण्याची प्रथा प्रथमच ऐकली. लेखातली भावना समजली. अतिस्वच्छतेच्या नादाने पोरांची किमान प्रतिकारशक्तीही अशक्त करुन टाकली जात आहे की काय असं वाटतं. का कोण जाणे पण हे समजत असूनही माझ्या पोराबाबत मीही स्वच्छतेबाबत असाच काटेकोर राहतो. माझ्या लहानपणी गल्ली क्रिकेटात गटारात मारलेले ओले बॉल हाताने बाहेर काढून मातीत घासून "स्वच्छ" करण्याचे आणि पुन्हा बॉलिंग टाकण्याचे दिवस आठवत असतानाही.. शाळेच्या सहली हा तर अप्रतिम विषय आहे. माझी शाळा आठवडाभराची मोठ्ठी सहल दरवर्षी काढायची, आणि तीही जवळच्या उद्यानात नव्हे तर कोंकणातून निघून एकाच ट्रिपेत अजंठा वेरुळ, पुणे, सिंहगड, कोल्हापूर तत्सम ठिकाणे कव्हर करणारी. मुक्काम शाळांमधे किंवा कार्यालयांमधे. रात्री करमणुकीचा कार्यक्रम.. त्यातले ते मुलींचे डान्स.. "जिमी जिमी.. आ जा .. आजा.." वाह.. वाह.. "प्रासंगिक करार"च्या बसमधून ड्रायव्हरकाका ड्रायव्हरकाका, पुढच्या गाडीला मागे टाका.. "हजाराचा ड्रेस पण डोक्यावर नाहीत केस.. कापेग?" "पाच सहा सात आठ.. अमुक हायस्कूलची कॉलर ताठ" असे कायच्या काय ओरडत दिवसदिवस प्रवास.. ती खरी मुशाफिरी. असो.. विषय स्वच्छतेचा आणि आम्ही भरकटलो... :)

साळसकर
Mon, 05/27/2013 - 15:49 नवीन
माझ्या लहानपणी गल्ली क्रिकेटात गटारात मारलेले ओले बॉल हाताने बाहेर काढून मातीत घासून "स्वच्छ" करण्याचे आणि पुन्हा बॉलिंग टाकण्याचे दिवस आठवत असतानाही.. अगदी अगदी.. त्या गोट्या तर मेल्या माती अन घाणीतच खेळल्या जायच्या.. अन मग तेच हात घेऊन घरी यायचे, हातपाय धुवायचो की नाही आता आठवत नाही, धुतलेच तरी साबण लावायचो की नाही हे तर मुळीच आठवत नाही, आणि लावलाच तरी किती चोळायचो देवासच ठाऊक, नाहीतर आजची पोरे, "ए बंण्टी तेरा साबून स्लो है क्या' करत चोळून चोळून स्वच्छ होतात..
↩ प्रतिसाद: गवि

१००मित्र
Mon, 05/27/2013 - 17:27 नवीन
अंड्या, एक गंमत सांगू का , अश्शीच ...? माझे आजोबा "नाना" हे पान म्हणजे विडा , कुटून खायचे, दातांमुळे ! तर अनेक वेळा आम्हाला [अगदी ५-६ वर्षांचा मी असेन तेव्हा] मोह व्हायचा. तर... कित्येक वेळा , त्यांनी त्यांच्या तोंडातलं सुद्धा भरवलंय, आता बोला !
↩ प्रतिसाद: साळसकर

प्यारे१
Mon, 05/27/2013 - 14:16 नवीन
+१ याबरोबर गविंकडं सगळ्याला आपलंसं करुन घेण्याची कला नि पवित्र करुन घेण्याची दृष्टी आहे. त्यामुळं सारं कसं चान चान होऊन जातं. ;)
↩ प्रतिसाद: गणपा

योगी९००
Wed, 05/29/2013 - 08:41 नवीन
शिरा पडो मेल्या तुझ्या तोंडात.. बरं झालं शिरा लिहीलं ते!!! कारण मुळ मजकूरात शी/शू आले आहे. चुकूनही त्याचा उल्लेख नको.
↩ प्रतिसाद: गवि

डॉ सुहास म्हात्रे
Wed, 05/29/2013 - 14:39 नवीन
प्यारे१ मात्र भाग्यवान हॉ ! डायरेक शिरा (तीच ती रवा, साखर वगैर वापरून केलेली पाकृ) तोंडात ! +P. बाकी ते दुसरे शिरा घरावर पडण्याचं प्रकर्ण लय डेंजर बर्का +D
↩ प्रतिसाद: गवि

प्यारे१
Wed, 05/29/2013 - 15:47 नवीन
आता धागाच असा आहे की काहीही गेलं तोंडात तरी तोंड कसनुसं व्हायचं. एखादा बोबडकांदा असता तर अवघड झालं असतं. असो. ;) धाग्याला धरुन एक पाणचट पी जे. एका मुलीला दोन प्रश्न विचारले > काय गं मुली नाव काय तुझं? नि चाललीस कुठं एवढ्या लगबगीनं? तिनं एकच उत्तर दिलं. . . . . . शीला.
↩ प्रतिसाद: डॉ सुहास म्हात्रे

इरसाल
Mon, 05/27/2013 - 14:23 नवीन
एक होतं प्रासंगिक कराराच्या गाडीसाठी हे म्हणजे ड्रायव्हरला उचकवाय्चे काम "गाडी कशी चालते....चोरावर मोर.....चालविता गाडी सक्पाळ ड्रायव्हर थोर".... त्या ड्रायव्हरचे नाव अजुनही आठवतेय. सकपाळ डायवर म्हुन.

इनिगोय
Mon, 05/27/2013 - 16:10 नवीन
अशाच एका नवमहापालिकेचे किस्से सध्या ऐकत आहे. या मातेच्या सुपुत्राला ती दररोज बिसलरीच्या पाण्याने आंघोळ घालते. पुत्राचं वय आताशी आठ महिने. :-|

१००मित्र
Mon, 05/27/2013 - 17:29 नवीन
हाईट झाली.... "असं काय एनिगोय, तुला काही hygiene विषयी concern आहे की नाही ?" हेहेहे !
↩ प्रतिसाद: इनिगोय

प्यारे१
Mon, 05/27/2013 - 17:40 नवीन
चुकीचं वाटत नाही. कॉर्पोरेशन मध्ये न आलेल्या तसंच पाणी न मिळणार्‍या भागांमध्ये ग्रामपंचायतींच्या पाण्याचा अथवा बोअर च्या पाण्याचा पुरवठा होतो. टँकरने आलेलं पाणी हे जनरली जास्त क्षारयुक्त असतं. लहान मुलाची त्वचा नाजूक असल्यानं त्याला ह्या क्षारयुक्त पाण्याची अ‍ॅलर्जी होऊ शकते. अ‍ॅलर्जीचा धोका टाळण्यासाठी हे असले प्रकार करणं भाग आहे. इन फॅक्ट लहान बालकांसाठी ते जास्त आवश्यक आहे. प्रिव्हेन्शन इज बेटर दॅन क्युअर वगैरे वर विश्वास असलेला प्यारे.
↩ प्रतिसाद: इनिगोय

इनिगोय
Mon, 05/27/2013 - 20:36 नवीन
लहान बाळाला जपावं हे ठीकच. मात्र अति सांभाळण्याने त्याची प्रतिकारशक्ती वाढणार नाही, उलट ते अधिकच कमकुवत होत जाईल. मुलाला नैसर्गिक स्वरुपातलं पाणी, हवा, माती यांच्यापासून संपूर्णपणे दूर ठेवण्याने त्याचं शरीर वातावरणातल्या जीवाणूंचा सामना करायला शिकणार नाही. आणि हा सल्ला बालरोगतज्ज्ञांकडून ऐकलेला आहे. दुसरं म्हणजे, मी उदाहरण दिलं त्या बाईंकडे तुम्ही म्हणता तसं बोअरचं किंवा टँकरचं पाणी येत नाही. (हे मी आधी नोंदवलं नव्हतं..) त्या बिसलरीचा वापर करतात तो केवळ हायजिनच्या अतिरेकी अट्टहासातून. तसंही दररोज वीस लिटर बिसलरी केवळ आंघोळीसाठी.. लहान बाळ म्हणजे त्याच्या इतर स्वच्छतेच्या गरजांसाठी दहा वीस लिटर आणखी.. त्याचं अन्न शिजवण्यासाठी वेगळं. घरच्यांना "शुचिर्भूत" करण्यासाठी आणखी तर्‍हेतर्‍हेचे उपाय.. कितपत प्रॅक्टिकल वाटतं?
↩ प्रतिसाद: प्यारे१

१००मित्र
Mon, 05/27/2013 - 21:42 नवीन
हे सगळं खरंच आहे, पण XXX धुतल्यावर हात पाण्यानं [क्षारयुक्त असलं तरीही] न धूता sanitizer नी धुणे म्हणजे काय म्हणायचं! आणी ते हाताला लागेस्तोवर XXX दाबून ठेवायची ! उलटी होवू नये म्हणून घेतल्येल्या गोळ्या- म्हणजे शरीराने व्यवस्था लावल्येल्या मार्गापेक्षा ती "होवूच नये" म्हणून औषधरूपी रसायनं शरीरात सोडायची - हे प्रीवेन्शन ? ह्याचे प्रत्यक्ष स्वरूपात तर परिणाम आहेतच, शिवाय आपण तब्येतीच्या बाबतीत कमालीचे अती आग्रही होवून बसतो, जणू काही निसर्गात काही व्यवस्था नावाची चीजच नाही.
↩ प्रतिसाद: इनिगोय

तिमा
Mon, 05/27/2013 - 18:10 नवीन
एका अमेरिकास्थित महापालिकेने तिच्या मुलासाठी बिसलेरीचे पाणी उकळून गार करुन ठेवायला सांगितले होते. आणि हे तिला तिच्या डॉक्टरने सांगितले होते म्हणे!
↩ प्रतिसाद: इनिगोय

आदूबाळ
Mon, 05/27/2013 - 19:28 नवीन
"आमच्याकडे बिसलरीची पाणीपुरी मिळेल" हे वाचलं होतं. पण बिसलरीने आंघोळ हा प्रकार भारीये बुवा! त्यावरून आठवलं: पुण्यातल्या एका प्रसिद्ध दारू-दुकानदाराची सुकन्या आमच्या कॉलेजात होती. एका सुप्रभाती तिच्या घरी गेलो होतो. ही बया आंघोळीला गेली होती. तिच्या आईने चहापाणी वगैरे केलं. थोड्या वेळाने ती परतली आणि बियरचा प्रचंड, उग्र, आंबटढसाण दर्प आला. ही बाथरूममध्ये चोरून पिते की काय! तिला काही पुस्तकं वगैरे द्यायची होती ती दिली आणि निघालो. तासा-दोन तासांनी ती परत कॉलेजमध्ये भेटली. काही दर्प वगैरे नाही, उलट सुवास! तिला विचारल्यावर तिने खुलासा केला. एक्स्पायरी डेट संपलेली बियर (म्हणजे बहुदा जास्त फर्मेंट झालेली असावी) केसांकरता उत्तम कंडिशनर असते म्हणे! पण भयंकर वास मारते म्हणून ती बियरने केस धुवायची आणि मग शाम्पू लावायची. :)
↩ प्रतिसाद: इनिगोय

सुबोध खरे
Mon, 05/27/2013 - 20:27 नवीन
बिसलेरीचे पाणी मुलाचा पार्श्व भाग धुण्यासाठी वापरणारी NRI ( अमेरिकेतून सुट्टीसाठी आलेली) आई मी स्वतः हिरानंदानी रुग्णालयात काम करीत असताना २००८ साली पाहिली आहे.

आनंदी गोपाळ
Mon, 05/27/2013 - 23:18 नवीन
डोक्यातल्या अकलेपेक्षा जास्त पैसे खिशात आले की बिस्लरीने ** धुणे सुरू होते असे आमचे मत आहे. तसेही पूर्वी दुधाने आंघोळ वगैरे करणार्‍या सुंदर्‍या होत्या असे ऐकून आहोत. पण आजकाल टीव्हीवर जाहिराती पाहून पाहून यांच्या अकलेला किटाणूंचं किटण चढलेलं असतं. सो 'सॅनिटायझर'. आता त्यातले आयसोप्रॉपिल अल्कोहोल किती विषारी असते हे कोण सांगणार यांना? ते समजलं तर मग 'हर्बल' सॅनिटायझर्स.. निरुपयोगी वस्तू ५ पट किमतीला विकत घेणे म्हणजे स्वच्छता नव्हे, हे डोक्यातल्या अकलेपेक्षा खिशात पैसा जास्त, याचेच लक्षण, हे यांना कोण सांगणार? :(

सुबोध खरे
Tue, 05/28/2013 - 10:24 नवीन
BMJ (ब्रिटीश मेडिकल जर्नल) मध्ये स्वच्छ पणे लिहिलेले होते कि हात धुण्यासाठी कोणताही साबण तितकाच उपयुक्त आहे त्यात जंतुनाशक असण्याची मुळीच गरज नाही. मूळ हात धुणे यात जंतू धुतले जाणे हा हेतू आहे जंतू मारणे हा नाही. तेंव्हा हा सगळा "जंतू" "किटाणू " लाइफ बॉय, डेटोल हा भडीमार केवळ थोतांड आहे. त्यात हेही म्हटले होते कि जर साबण नसेल तर भरपूर पाण्याने हात धुवा परिणाम तेवढाच मिळेल. लिंक मिळाली कि देतोच
↩ प्रतिसाद: आनंदी गोपाळ