निरर्थक...

अजय जोशी जे न देखे रवी...
एकांत सोसवे ना.. प्रेमात अर्थ कसला? प्रेमास घाबरे त्या.. हृदयांत अर्थ कसला? साक्षात मृत्युलाही सोशीत गेली माय... ही जाणही नसे त्या.. जन्मांत अर्थ कसला? रण थोडके नसे परि पेटे पराक्रमाने.. पण आपुला न झाला.. विजयांत अर्थ कसला? बोलून दाटलो अन् दाटून सांडलो मी.. बहि-यांसमोर गाथा वदण्यांत अर्थ कसला? क्रांती मशाल घेवुन मेले स्वतः परंतू... कोणीच आठवे ना.. मरण्यांत अर्थ कसला? वाहून काळजातुन तृष्णा अनेक मिटल्या... पण... बांध घातले तर... झरण्यात अर्थ कसला? मांडू नका समोरी पेले असे रिकामे... भरणे नसे इथे तर.. जमण्यांत अर्थ कसला? मेलेच पाहिजे मी वाटू नये परंतू... मरतो हरेक क्षण तर... जगण्यांत अर्थ कसला?
वर्गीकरण
लेखनविषय:
11 टिप्पण्या 2,963 दृश्ये

Comments

यशोधरा नवीन

साक्षात मृत्युलाही सोशीत गेली माय... ही जाणही नसे त्या.. जन्मांत अर्थ कसला? हे आवडले.
अनिल हटेला नवीन

बोलून दाटलो अन् दाटून सांडलो मी.. बहि-यांसमोर गाथा वदण्यांत अर्थ कसला? जमलये बर ..................... येउ देत अजुन .............. बैलोबा चायनीजकर !!! माणसात आणी गाढवात फरक काय ? माणुस गाढव पणा करतो,गाढव कधीच माणुस पणा करत नाही..
मनीषा नवीन

साक्षात मृत्युलाही सोशीत गेली माय... ही जाणही नसे त्या.. जन्मांत अर्थ कसला? छान आहे
राघव नवीन

छान गझल :) ही जाणही नसे त्या.. जन्मांत अर्थ कसला? बहि-यांसमोर गाथा वदण्यांत अर्थ कसला? मरतो हरेक क्षण तर... जगण्यांत अर्थ कसला? या ओळी विशेष! मुमुक्षू
प्राजु नवीन

अतिशय सुंदर गझल.. - (सर्वव्यापी)प्राजु http://praaju.blogspot.com/
केशवराव नवीन

खूप काळानंतर असे सूरेख काव्य मनाला भीडले. गझलचे सर्व गूण दिसलेच, पण मनाला भिडण्याची कमाल केलीत. छान!!
मदनबाण नवीन

व्वा. फारच सुरेख गझल.. मदनबाण..... "Hinduism Is Not a Religion,It Is a Way Of Life." -- Swami Vivekananda
अजय जोशी नवीन

सर्वांना मनापासून धन्यवाद! (आपला पुणेरी) अ. अ. जोशी