काळ्या वाटाण्यांची उसळ

गणपा, धनुअमिता, विसोबा खेचर, बॅटमॅन, स्नेहांकिता, श्रीरंग_जोशी, सामान्य वाचक, राही, पिलीयन रायडर, अत्रुप्त आत्मा, अस्मी, सानिकास्वप्निल, अनिता ठाकूर, पूजा पवार., प्यारे१, Mrunalini, रेवती, सुहास झेले, अनन्न्या, श्रीरंग_जोशी आणि अभ्या.. मनःपूर्वक धन्यवाद. बॅटमॅन, श्रीरंग जोशी - काळे वाटाणे मलाही सुरुवातीला आवडायचे नाहीत. मी देशावरचा तर बायको कोकणातील. तिच्या मुळेच ह्या उसळीची तोंडओळख झाली. तरी पण तितकासा प्रेमात नाही पडलो (उसळीच्या). पुढे स्वतःच करायला सुरुवात केली आणि हळू हळू मसाल्याचे प्रमाण लक्षात येऊ लागले आणि पाककृती सुधारत गेली. आता भरपूर आवडते. मी दिल्या प्रमाणे पाककृती करून पाहा कदाचित आवडू लागेल. पिलीयन रायडर - होय. कोणीतरी विचारणा केली आहे एवढेच लक्षात होते. तेंव्हा केली ही उसळ आणि चढवली पाककृती मिपावर. सानिकास्वप्नील आणि रेवती - हल्ली हे असं होतय. लक्षातच राहात नाही. त्यामुळे पूर्वी मिपावर ही पाककृती देऊनही पुन्हा चढवली. अर्थात, दोन्हीत किंचित फरक असणारच. मला वाटतं मी पूर्वी करायचो त्यापेक्षा ही जरा उजवी पाककृती आहे. Mrunalini - काळ्या घेवड्याची करण्यापेक्षा कॉलीफ्लॉवर, गाजर, फरसबी, मटार अशा भाज्या, पुलावसाठी चिरतो तशा चिरुन, वाफवून वरील मसाल्यात मिसळून भाजी केल्यास मस्तं लागते. पण, पाणी कमी ठेवून, अंगचाच मसाला ठेवायचा. करून पाहा. श्रीरंग_जोशी - होय घावन कोकणात - गोव्यात करतात. काळ्या वाटाण्याची उसळ, मालवणी चिकन, मटण, सागुती बरोबर खातात मस्तं लागतात. मला तेवढी जमत नाहीत. मुळात त्यासाठी लागणारा नवा तांदूळ इथे मिळत नाही. आणि माझ्या जवळ तेवढे कौशल्यही नाही. पण, गोव्याच्या वाटेवर पत्रादेवी सीमेवर पोहोचण्या आधी, उजव्या हाताला 'सावली' नांवाची (की असेच कांहीसे नांव असलेली) टपरी आहे तिथे काळ्या वाटाण्याची उसळ आणि घावन्/णे खाल्ले होते. ते आजही लक्षात आहेत.