साहित्यः
मखाणे - १ वाटी
दुध - १ लिटर
साखर - १/४ वाटी (आवडीप्रमाणे कमी-जास्त करु शकता)
तुप – 1 चमचा
काजु - ४-५
बदाम - २-३
पिस्ता - ४-५
केशर - ४-५ काड्या
वेलची पावडर - १/४ चमचा
कृती:
१. दुध १/२ लिटर होई पर्यंत आटवुन घ्यावे.
२. काजु, बदाम व पिस्ता बारिक चिरुन घ्यावे.
३. एका पॅन मधे १ चमचा तुप गरम करावे. त्यात मखाणे ३-४ मिनिटे परतुन घ्यावे.
४. मखाणे थोडे गार झाल्यावर, त्यांची मिक्सर मधे भरड करुन घ्यावी.
५. आटवलेल्या दुधामधे मखाण्यांची भरड, साखर, वेलची पावडर व केशर टाकुन ५-७ मिनिटे उकळुन घ्यावे.
६. ५-७ मिनिटांनी गॅस बंद करुन, वरुन सुक्या मेव्याने सजवावे.
७. ही खिर जास्त करुन गारच चांगली लागते. तुम्हाला आवडत असल्यास तुम्ही गरम खिरही serve करु शकता.
प्रतिक्रिया
18 Apr 2013 - 1:25 am | रेवती
खीर आवडली. फोटू तर क्यूटच!
खूप दिवसांपूर्वी मिपाकर रामदासांशी या खिरिबद्दल बोलणे झाल्याचे आठवते. उत्तर भारतीये लोकांकडे व्रतवैकल्य करताना हा प्रकार केला जातो असे ऐकले आहे. ग्रोसरी दुकानातही मखाणे दिसतात.
18 Apr 2013 - 1:27 am | शुचि
होय मला माहीत नव्हते यांना मखाणे म्हणतात ते. मस्त वाटते खीर.
18 Apr 2013 - 1:42 am | Mrunalini
हो.. अगदी बरोबर.. हे मखाणे काश्मिर मधे जास्त खाल्ले जातात. :)
18 Apr 2013 - 2:06 am | रुस्तम
मखाणे म्हनजे नक्की काय असत...
18 Apr 2013 - 2:47 am | Mrunalini
मखाण्यां बद्द्ल अधिक माहिति येथे वाचावयास मिळेल.
18 Apr 2013 - 3:06 am | रुस्तम
धन्यवाद....
18 Apr 2013 - 1:36 pm | michmadhura
मखाणा हा कॅल्शियमचा अत्त्युच्च स्त्रोत आहे.
19 Apr 2013 - 8:16 pm | रेवती
ही माहिती उपयोगी आहे.
19 Apr 2013 - 8:34 pm | शुचि
+१
18 Apr 2013 - 2:21 am | अभ्या..
ओ मखणा वे. नावाचं गाणं म्हैते. ;)
हे काय असतं अॅक्चुअली? म्हणजे बी, लाह्या, फळ, सुकामेवा?
बाकी सगळा शाही कारभार आहे पाकृचा. ब्येस्ट
18 Apr 2013 - 3:48 am | सानिकास्वप्निल
रंग ही सुंदर आलाय गं ...मस्तचं :)
मखाणे म्हणजे कमळाचे बी.
18 Apr 2013 - 4:12 am | स्पंदना
शेवटचा फोटो खुप आवडला. अगदी कल्पक!
म्हणजे आधी नुसते मखाणे दाखवण्या ऐवजी असे कल्पकतेने दाखवलेले आवडले.
छान पाककृती. आवडली.
18 Apr 2013 - 9:06 am | स्पा
शेवटचा फटू कातील, म्याग्झीन कवर म्हणून सहज खपून जाईल
पाक्रु पण जबराट
18 Apr 2013 - 2:19 pm | प्यारे१
+११११११
18 Apr 2013 - 9:18 am | यशोधरा
बघायला हवेत मखाणे कुठे मिळतात. मस्त दिसते आहे खीर!
18 Apr 2013 - 9:32 am | अक्षया
फोटॉ आणि पाकॄ. दोन्ही छान. :)
18 Apr 2013 - 10:25 am | पैसा
पाकृ आणि फोटो अगदी मस्त!
18 Apr 2013 - 11:37 am | इरसाल
उत्तर भारतात हे मखणे वेगवेगळ्या पदार्थात मिसळुन डिश बनवल्या जातात.
जसे दाल मखानी (दाल-मखनी वेगळी), मा-उडद-चने की दाल त्यात हे मखाणे असतात,स्पेशल मखाण्यांची भाजी नवरात्रींमधे, नुसत्या काळ्या उडदाची डाळ मखाणे घालुन इ.इ.इ.
2 Jan 2014 - 8:29 am | पाषाणभेद
>>> उत्तर भारतात हे मखणे वेगवेगळ्या पदार्थात मिसळुन डिश बनवल्या जातात.
जसे दाल मखानी (दाल-मखनी वेगळी), मा-उडद-चने की दाल त्यात हे मखाणे असतात,स्पेशल मखाण्यांची भाजी नवरात्रींमधे, नुसत्या काळ्या उडदाची डाळ
म्हणजे मखाणे अन मखणे वेगवेगळे आहेत काय? अन जर दोन्ही एकच असले अन ते कमळाचे बी असते काय? कोकणातले कमळाचे बी म्हणजे मखणे/मखाणे आहेत काय?
18 Apr 2013 - 1:30 pm | सोन्याबाळ
क्या चल रहा है,भाई लोग्ज?
18 Apr 2013 - 1:30 pm | सोन्याबाळ
क्या चल रहा है,भाई लोग्ज?
18 Apr 2013 - 4:18 pm | Mrunalini
पाकृ आवडल्या बद्दल सगळ्यांचे धन्यवाद!! :)
18 Apr 2013 - 4:29 pm | सूड
मस्त आहे, करुन पाहायला हवी !!
18 Apr 2013 - 5:26 pm | कच्ची कैरी
मी कधी खाल्ले नाहीयेत मखाणे पण आता खाण्याची हिंम्मत करेल :)
18 Apr 2013 - 5:38 pm | दिपक.कुवेत
हि साधारण दाट होत असेल नाहि? शेवटच्या फोटोतील कप लगेच उचलुन खीर प्यावीशी वाटतेय. एकदम तोंपासु
18 Apr 2013 - 7:48 pm | जेनी...
हावरटचे तुमीतर दीपूकाका :-/
=))
खीरीचे सग्गे सग्गे प्रकार आवडणारी खीरुबै :)
19 Apr 2013 - 3:48 pm | Mrunalini
हो.. हि खिर थोडी दाटच होते. पण चव चांगली लागते. ह्या मखाण्यांचा थोडासा nutty flavour लागतो.
19 Apr 2013 - 3:57 pm | सुहास झेले
वाह भन्नाट आहे पाककृती. मखाणे म्हणजे काय हे माहीतच नव्हते... शेवटचा फोटो तर जबरीच :) :)
19 Apr 2013 - 4:25 pm | धनुअमिता
मस्त दिसतेय खीर. मी कधी मखाणे खाल्ले नाहीयेत पण खीर करुन बघणार.
2 Jan 2014 - 7:58 am | कैलासवासी सोन्याबापु
उत्तर बिहार त्यातही मिथिलांचल (दरभंगा, समस्तीपुर, मधुबनी, सीतामढी) ची ओळख आहे मखाणा (इथे मखान असं म्हणतात) पान, माछ और मखान मिथिला की पहचान असंही म्हणल्याजाते. मखाण्याची नुसती खीरच उत्तम होते असे नाही, थोड्या तुपावर जीरे फोडणी करायची त्यात मखान कुरकुरीत होइस्तोवर परतायचे वरतुन काळे मीठ / चाट मसाला भुरभुरुन डव्यात बंद ठेवायचे. लो कॅलरी टी टाईम स्नॅक म्हणुन मस्त खपतात.मखान कोरडेच (बिना तेला तुपाचे गरम कढईत फिरवुन ) डबाबंद ठेवा, अन अर्धवट रश्याच्या ज्या भाज्या असतील ( थोडे पाणी शिल्लक ठेवलेली बटाटा भाजी वगैरे किंवा घट्ट रश्यात वांगी) एक-एक मुठ हे कुरकुरीत मखाण टाका, भाजी रस पिऊन मस्त होतात चवीला!! मधे मधे खायला भारी लागतात भाजीत
2 Jan 2014 - 8:11 am | नानीचा नाना
झक्कास..!!!!
2 Jan 2014 - 12:13 pm | मदनबाण
ओहह्... हे मखणा प्रकरण हे आहे काय ? च्यामारी आपल्याला बॉ काय बी समजेना... हे मखाणा लयं ऐकलय गाण्यांमंदी.
मेरे प्यार का रस जरा चखना ओय मखणा... हे हेच हाय का ? असं इचार करतो.