Skip to main content

रात्रीच्या पावसाने

लेखक मिसळलेला काव्यप्रेमी यांनी गुरुवार, 28/03/2013 20:41 या दिवशी प्रकाशित केले.
काल रात्रीच्या पावसाने खूपच गोंधळ केला . तुझ्या घरातील काही गळक्या कौलांना वाहून घेऊन आला वाहत वाहत त्या कौलांनी माझ्या घराशी आधार घेतला त्यांनी माझ्या मनाचा नकळत ठाव घेतला . . पाणी वाहते असले तर किती गोष्टी धुतल्या जातात नाही? . काल रात्रीच्या पावसाने खूपच गोंधळ केला . सारे अंगण मनासारखेच भिजवून गेला भिजल्या मनाने भिजल्या अंगणात जीव कासावीस झाला अंगणातून कुंपणाजवळ धावाधाव करत राहिला . . घरांना कुंपण असणे किती आवश्यक असते नाही? . काल रात्रीच्या पावसाने खूपच गोंधळ केला . येतांना बरोबर वाऱ्याला घेऊन आला विझणाऱ्या निखाऱ्यांना धग देऊन गेला अन् वरची राख तेवढी उडवून गेला . . वारा तरी कसा ना? राख उडवतो आणि निखारे भडकावतो . खरचं काल रात्रीच्या पावसाने खूपच गोंधळ केला |- मिसळलेला काव्यप्रेमी -| (२८/०३/२०१३)
काव्यरस
करुण
लेखनविषय:
वाचने 2739
प्रतिक्रिया 14

प्रतिक्रिया

अनिदेश शुक्रवार, 29/03/2013 12:51
आधी दूष्काळ...आता पाऊस :).....छान आहे :)

आतिवास शुक्रवार, 29/03/2013 14:19
'काल रात्रीच्या' ऐवजी 'काल रात्री' असा किंचित बदल करुन कविता वाचली आणि मग अधिक आवडली.

नानबा शुक्रवार, 29/03/2013 14:22
मिका, तोडलंस मित्रा... कमाल म्हणजे प्रचंड कमाल आवडली कविता...
येतांना बरोबर वाऱ्याला घेऊन आला विझणाऱ्या निखाऱ्यांना धग देऊन गेला अन् वरची राख तेवढी उडवून गेला . . वारा तरी कसा ना? राख उडवतो आणि निखारे भडकावतो
व्वाह वा !

प्रसाद गोडबोले रविवार, 31/03/2013 09:06
पाणी वाहते असले तर किती गोष्टी धुतल्या जातात नाही? >>> छान !!

जेनी... रविवार, 31/03/2013 09:11
नो मिका दादा .... नाहि ........ खुपच वरवर वाटलं ... कुठल्याच ओळीत काहिच नसल्यासारखं सॉरी ....

स्पंदना मंगळवार, 02/04/2013 16:21
सारे अंगण मनासारखेच भिजवून गेला भिजल्या मनाने भिजल्या अंगणात जीव कासावीस झाला अंगणातून कुंपणाजवळ धावाधाव करत राहिला . . घरांना कुंपण असणे किती आवश्यक असते नाही?
आणि फक्त या ओळीच अर्थगर्भ. कदाचित बाकिची कविता मला कळली नसेल. .