Skip to main content

भावओली

लेखक अज्ञातकुल यांनी बुधवार, 20/03/2013 09:28 या दिवशी प्रकाशित केले.
गहिवरले नभ भिजले कातळ भोर नवीन उगवली वियोगव्याकुळ तरिही मन; का नयने आतुरलेली ? कुंद सभोवर स्तब्ध चराचर प्रतिमा हिरमुसलेली खोल दर्पणी ध्यास एक मज; स्मितरेषा का पुसलेली ? दूर कुहुक जणु आर्त शोडषी पर कातरलेली गूढ व्यथित आभास स्पंदने पथी विखुरलेली कळे न का असुनी नसलेपण; आभा व्यापलेली भेटीस्तव हुरहुर बहुधा ही; कळा भावओली ..............................अज्ञात
काव्यरस
शृंगार
लेखनविषय:
वाचने 3321
प्रतिक्रिया 14

प्रतिक्रिया

स्पंदना बुधवार, 20/03/2013 10:27
दुसर्‍या कडव्यातील तिसरी ओळ....न का ... आहे का? खरच अज्ञातकुल , तुम्हे शब्द कोठुन आणता हे आता खरच शोधल पाहिजे. मस्त!

मिसळलेला काव्यप्रेमी बुधवार, 20/03/2013 11:31
__/\__!!!

इन्दुसुता शुक्रवार, 22/03/2013 05:52
छानच.. दूर कुहुक जणु आर्त शोडषी पर कातरलेली गूढ व्यथित आभास स्पंदने पथी विखुरलेली कळे न का असुनी नसलेपण; आभा व्यापलेली भेटीस्तव हुरहुर बहुधा ही; कळा भावओली>> हे विशेष आवडले. ही विरहीण तर प्रत्येकाच्या मनात दडलेली असते च्च. कुणी कितीही नाही म्हणोत ..आणि कातरवेळी ती बर्रोब्बर बाहेर येते न बोलवताच...

अज्ञातकुल शुक्रवार, 22/03/2013 10:09
इन्दुसुता, आपला प्रतिसाद म्हणजे या कवितेतल्या भावनेला मिळालेली एक प्रांजळ पावती आहे. अजून कुणाचीतरी संवेदना अशीच आहे ही जाणीव अतिशय सुखावह आहे. तुमचा "च्च" अतीव महत्वाचा !! मनःपूर्वक आभार :-)

फिझा शुक्रवार, 22/03/2013 10:31
खूप आवडली कविता !!

तिमा शुक्रवार, 22/03/2013 13:34
मोहक शब्द, उत्कट भावना. मुजरा शब्दप्रभु!

गंगाधर मुटे रविवार, 31/03/2013 15:57
अप्रतिम काव्य. बरेच दिवसांनी योग आलाय तुमची कविता वाचण्याचा. :)