Skip to main content

' रक्तरेषा '

लेखक drsunilahirrao यांनी शनिवार, 23/03/2013 10:41 या दिवशी प्रकाशित केले.
' रक्तरेषा ' वेळीअवेळी आकाश नुसतेच भरून येते एकदाचे हमसून बरसत नाही. लेखणी कुंद कुंद : नुसतीच ठिबकते ; झरत नाही. रक्तरेषा : उभ्या, आडव्या, तिरप्या भावनेच्या भरातले अर्धेमुर्धे वार कागदाच्या पोटात धारदार .. असे स्वतःचेच कैक खून वेळीअवेळी...! डॉ. सुनील अहिरराव http://aaskmed2.blogspot.in/2013/03/blog-post_22.html
लेखनविषय:
वाचने 2710
प्रतिक्रिया 16

प्रतिक्रिया

drsunilahirrao रविवार, 24/03/2013 10:27
" असे रंग आणि ढगांच्या किनारी निळे ऊन लागे मला साजणी निळे घाटमाथे निळ्या राउळांचे निळाईत माझी भिजे पापणी निळ्याशार मंदार पाउलवाटा धुक्याची निळी भूल लागे कुणा तुला प्रार्थनांचे किती अर्घ्य वाहू निळ्या अस्तकालीन नारायणा निळे गार वारे जळाची शिराणी निळ्या चंद्रओवीत संध्या डुले निळे दुःख चोचीत घेउन आली निळ्या पाखरांची निळी पाउले "– ग्रेस नुसत्या शैलीवरून कुणाही रसिकाला सहज फक्त ग्रेस आठवावेत ! अत्यंत सहज, सुंदर, तरल रचना ! धन्यवाद @इनिगोय !

इन्दुसुता शनिवार, 23/03/2013 20:19
अगदी ओळखीचे काहीतरी..>> अगदी असेच !!

निरन्जन वहालेकर सोमवार, 25/03/2013 07:05
रक्तरेषा : उभ्या, आडव्या, तिरप्या भावनेच्या भरातले अर्धेमुर्धे वार कागदाच्या पोटात धारदार .. असे स्वतःचेच कैक खून वेळीअवेळी.......... व्वा ! क्या बात है ! ! सुन्दर ! ! !