माय मराठीचे श्लोक...!!
नमो मायभाषा! जयोस्तुss मराठी!
तुझे शब्द सान्निध्य माझे ललाटी
जडो ध्यास हा छंद व्यासंग बोली
घडो हे समस्ता! नमो मायबोली..!!
तुझे शब्दलालित्य सूरास मोही
तसा नादब्रह्मांस आनंद होई
सुरांच्या नभी सूरगंगा नहाली
घडो हे समस्ता! नमो मायबोली..!!
जरी वेगळी बोलती बोलभाषा
अनेकांत एकत्व ही प्राणभाषा
असे भाग्य आम्हां मराठी मिळाली
घडो हे समस्ता! नमो मायबोली..!!
असा मावळा गर्जला तो रणाला
तसा घोष "हर हर महादेव" झाला
मराठी तुतारी मराठी मशाली
घडो हे समस्ता! नमो मायबोली..!!
"अभय" एक निश्चय मनासी करावा
ध्वजा जीव ओवाळुनी फ़डकवावा
सदा शब्द वाणीत ये सर्वकाली
घडो हे समस्ता! नमो मायबोली..!!
- गंगाधर मुटे "अभय"
....................................................................
(रानमेवा काव्यसंग्रहात प्रकाशीत. दि. १०.११.२०१०)
....................................................................
श्रीमद्‍ भागवत ज्ञानयज्ञ सप्ताहामध्ये ह.भ.प. प्रकाश महाराज वाघ आणि समुह यांनी माय मराठीच्या श्लोकाचे गायन केले.
ऐकण्यासाठी येथे क्लिक करा.
----------------------------
गायक - विनायक वानखेडे
गीत- गंगाधर मुटे
तबलावादक - प्रविण खापरे
हार्मोनियम - सुरेश सायवाने
---------------------------------
प्रतिक्रिया
27 Feb 2011 - 9:31 am | प्रीत-मोहर
मस्त!!!!!
27 Feb 2011 - 9:34 am | प्रकाश१११
नमो मायभाषा! जयोस्तुss मराठी!
तुझे शब्द सान्निध्य माझे ललाटी
जडो ध्यास हा छंद व्यासंग बोली
घडो हे समस्ता! नमो मायबोली..!!
तुझे शब्दलालित्य सूरास मोही
27 Feb 2011 - 9:41 am | नगरीनिरंजन
व्वा! आवडला मराठीचा श्लोक!
28 Feb 2011 - 7:47 pm | धमाल मुलगा
अगदी अगदी!!!
मनापासून पटलं. अगदी आवडलं.
8 Mar 2011 - 8:56 pm | गणेशा
अप्रतिम ...
8 Mar 2011 - 9:08 pm | प्रा.डॉ.दिलीप बिरुटे
आवडले श्लोक.
-दिलीप बिरुटे
8 Mar 2011 - 10:50 pm | प्राजु
अप्रतिम!!
मुटे साहेब.. __/\__
:)
27 Feb 2013 - 6:35 pm | गंगाधर मुटे
श्रीमद्‍ भागवत ज्ञानयज्ञ सप्ताहामध्ये ह.भ.प. प्रकाश महाराज वाघ आणि समुह यांनी माय मराठीच्या श्लोकाचे गायन केले.
ऐकण्यासाठी येथे क्लिक करा.
----------------------------
गायक - विनायक वानखेडे
गीत- गंगाधर मुटे
तबलावादक - प्रविण खापरे
हार्मोनियम - सुरेश सायवाने
27 Feb 2014 - 7:07 pm | गंगाधर मुटे
मराठी भाषा दिनाच्या सर्वांना खूप खूप शुभेच्छा!
26 Feb 2016 - 10:17 pm | गंगाधर मुटे
मराठी भाषा दिनाच्या सर्वांना खूप खूप शुभेच्छा!
26 Feb 2016 - 11:03 pm | वेल्लाभट
क्लासच आहे हे!
27 Feb 2016 - 5:38 pm | विवेकपटाईत
अप्रतिम कविता.
27 Feb 2018 - 7:19 am | गंगाधर मुटे
मराठी भाषा दिनाच्या सर्वांना हार्दिक शुभेच्छा!