जालावर खेळ चाले, हा गूढ.....

डिसक्लेमर: हि एक विडंबित कविता आहे. ह्या द्वारे कोणाच्याही (डूआयडी धारक,डूआयडी समर्थक आणि डूआयडी विरोधक) भावना दुखविण्याचा अथवा खतपाणी घालण्याचा हेतू नाही. तथापि कोणत्याही व्यक्तीशी अथवा प्रसंगांशी साधर्म्य आढळल्यास तो निव्वळ योगायोग समजाव, अशी नम्र विनंती.
=================================================================================
चाल : रात्रीस खेळ चाले, या गूढ चांदण्यांचा
-------------------------------------------------

जालावर खेळ चाले, हा गूढ आयडींचा
संपेल ना कधीही, घोळ डू आयडींचा ||ध्रु||

आभास ललना ती, असतो खरा पुरूष
जी तलवार भासते तो, असतो खरा धनुष्य
फसवी ओळख मिरवी, उद्देश द्वाड त्यांचा
संपेल ना कधीही, घोळ डू आयडींचा ||१|| (डूआयडी विरोधक उवाच)

कधी धागा नसे स्वयंभू, लागतो जीवास घोर
डू आयडी असता, सहज होई सेटल स्कोर
फसतात डू आयडीला, हा दोष भूलणार्‍यांचा
संपेल ना कधीही, घोळ डू आयडींचा ||२|| (डूआयडी समर्थक उवाच)

ह्या साजिर्‍या धाग्याला, का वितंडवाद हे दिठीत
गहजब हा कशाला, ना घेतले कुणा मिठीत
विसरा आता हे सारे, असे मी लाडका सार्‍यांचा
संपेल ना कधीही, घोळ डू आयडींचा ||३|| (डूआयडी धारक उवाच)

----------------------------------------------------

मुळ गाणे -

रात्रीस खेळ चाले, या गूढ चांदण्यांचा
संपेल ना कधीही, हा खेळ सावल्यांचा..||ध्रु||

हा चंद्र ना स्वयंभू, रवी तेज वाहतो हा
ग्रहणात सावल्यांचा अभिशाप भोगतो हा
प्रीतीस होई साक्षी, हा दूत चांदण्यांचा... ||१||

आभास सावली हा, असतो खरा प्रकाश
जे सत्य भासती ते, असती नितांत भास
हसतात सावलीला, हा दोष आंधळ्यांचा.. ||२||

या साजीऱ्या क्षणाला, का आसवे दिठीत
मिटतील सर्व शंका, उबदार या मिठीत
गवसेल सूर आपुल्या, या धुंद जीवनाचा.. ||३||

गीत - सुधीर मोघे
संगीत - पं. हृदयनाथ मंगेशकर
स्वर - महेंद्र कपूर
चित्रपट - हा खेळ सावल्यांचा