काय माझ्या रेखिले आहे कपाळी
व्हायचे वटवृक्ष की साधी लव्हाळी
मागते आहेस का आषाढ श्रावण
वाट चुकला मेघ आहे मी उन्हाळी
स्पर्श,स्वप्ने,पाकळ्या,गझला नि माझ्या
काळजामध्ये किती जपशील जाळी
लागतो द्यावा सुखाला रोज पत्ता
दुःख येते प्रत्यही शोधीत आळी
आसवांवर तेवते आयुष्य माझे
वेदनांची साजरी करतो दिवाळी
फुंकरी घालू नका जखमांवरी या
मी विदूषक द्या मला निर्व्याज टाळी
-- उपटसुंभ
प्रतिक्रिया
29 Jan 2013 - 3:21 pm | मिसळलेला काव्यप्रेमी
सुंदर...
30 Jan 2013 - 8:42 am | किसन शिंदे
हेच म्हणतो.
शेवटचं कडवं सुंदरच आहे.
30 Jan 2013 - 8:36 am | इन्दुसुता
आसवांवर तेवते आयुष्य माझे
वेदनांची साजरी करतो दिवाळी
आवडले. संपूर्ण गझल आवडली.
30 Jan 2013 - 8:59 am | क्रान्ति
सगळेच शेर एकापेक्षा एक! गझल आवडली.
30 Jan 2013 - 9:48 am | मदनबाण
फुंकरी घालू नका जखमांवरी या
मी विदूषक द्या मला निर्व्याज टाळी
क्या बात है !